Marako 2
2
Yesu a toke ’ya ŋuto lo bata logon mugun a twan
(Köti Matayo 9.1-8; Luka 5.17-26)
1A nagon Yesu aje yitwe Kaperanauma i mukök na kulye perok nu, a lore reara kaŋo adi lepeŋ lu midi. 2A ŋutu jore momoruŋdye i pirit na geleŋ, nyena a pirit gwe ’bayin kwoŋ nagon jukin lepeŋat, ma ’di nyona ko kötumit; a nye jamakiŋdye lepeŋat kulyaet lo Ŋun. 3A kulye ŋutu jakiŋdye lepeŋ ŋuto lo bata logon mugun a twan, logon ŋutu iŋwan lo ’dukuŋdyö.
4A se tine bulo yeŋga ko Yesu nyona kogwon ŋutu jore parik. A se paŋdi lo ’dek i pirit na gwoŋdi nye nu. A nagon se aje tulokiŋdyö lulupi nu, a se köluŋdye par na topiriki ’e ŋuto lo bata na kak. 5a na meddi Yesu yupet nase nu, a nye kulyani ko ŋuto lo bata lo adi, Ŋuro lio, toronjin kunök aje pitöki.
6Nyena a kulye katodinök ti Saresi ti Mose gwe nyu sisi ’da ko pipija kase i töilyet adi, 7Nyo nagon lo ŋuto jambu sona? Nye lauŋdya Ŋun! Ŋa logon bubulö pitökiŋdyö toronjin? ’Bayin a Ŋun ka ’de logon a kapitönit le?
8’De ’de a Yesu iŋge den kanyit i töili adi lepeŋat a pipija kase i töilyet, a nye pije lepeŋat adi, Ko nyo ta pipija sona kasu i töilyet? 9Nan nagon pölilyo, i takindya na lo ŋuto lo bata adi toronjin kanyit a pitöki, kode i takindya na lepeŋ adi, ti lepeŋ ŋine ki ko ti ’dumundye dotoet nanyit ko ti wöröni wörö? 10Ama anyen ta böŋö deden adi nan Ŋuro lo ŋuto gwon ko riŋit i kak ni i pitökindyö na toronjin—nyena a nye woripuŋdye i jambu ko ŋuto lo bata lo adi— 11Nan takindya do adi, Ŋine ki, ’dumundye dotoet inot ko iti mede. 12A nye ŋine ki, a ’dumundye dotoet nanyit ’de ’de, a iti kaŋo ko ŋutu liŋ i komor; nyena a ŋutu liŋ söŋi söŋu, a pupurje Ŋun adi, Yi koju a ko met nene ŋo kwöŋ gwoso na!
Yesu a luŋgu Lewi
(Köti Matayo 9.9-13; Luka 5.27-32)
13A Yesu yitöni nyona ko tör na Galilaya; a ŋutu liŋ momorundye kanyit nyona, a nye todindye lepeŋat. 14A na Iwoŋöddi nye ŋerot nu, a nye meddi Lewi Ŋuro lo Alapayo, sisi ’da i pirit ropet na usur, a nye takindye lepeŋ adi, Kipundye nan. A lepeŋ ŋine ki a kepoddi Yesu.
15A na gwondi Yesu ko Lewi kadi i nyesu nu, a ŋutu jore logon a kapepenak ti usur se ko ŋutu katoronyak si ’dani ko Yesu se ko ŋutu kanyit kajujumuk kulo i pirit na geleŋ; kogwon ŋutu jore aje kipundyo lepeŋ. 16A kulye katodinök ti Saresi ti Mose logon a Parusijin ko meddi adi Yesu nyesu i pirit na geleŋ ko katoronyak se ko kapepenak ti usur nu, a se pije ŋutu kanyit kajujumuk kulo adi, Ko nyo nye nyesu i pirit na geleŋ ko kapepenak ti usur se ko katoronyak? 17A na yiŋge Yesu kine kulya nu, a nye kulyani ko se adi, ŋutu logon mugunya kase a na ’but ti ’dekan katoruönit, ama ŋutu lo gilö lo ’dekan katoruonit; nan a ko po i luŋgu na ŋutu logon ko löti lo rigwo ama i luŋgu na katoronyak.
Yesu a piya i kulya ti mindya
(Köti Matayo 9.14-17; Luka 5.33-39)
18A ŋutu ti Yoane kajujumuk se ko Parusijin gwe i mindya kogwon kulya ti Ŋun; a kulye ŋutu pondi ko Yesu ni, a pije adi, Ko nyo ŋutu ti Yoane kajujumuk se ko Parusijin mimindya, ama kulok kulo ti mindya? 19A Yesu waddi pija lepeŋat adi, Julin ti kayemanit bubulö mindya i diŋit nagon kayemanit gwon ko lepeŋat i pirit na geleŋ nu le? Lepeŋat ti bulö miŋdya i diŋit nagon se nyuŋ gwon ko kayemanit i pirit na geleŋ na.
20Ama diŋit mo popo nagon kayemanit mo joŋari kaŋo kase kiden, a kirut i ŋilu lor a lepeŋat mo miŋdye miŋdya.
21Lele ŋuto ’bayin logon ripakiŋdya tupet na boŋgo ludukötyo i boŋgo na ’beron; ko lepeŋ a koŋdya sona a rugga ludukötyo nagon a ripaki i boŋgo na ’beron na kerenyuŋdye kaŋo a kölökiŋdye ret a nagalaŋ lwölwoŋ na kokwe nu. 22Lele ŋuto ’bayin logon turakiŋdya binyo ludukö na yuyu i jurakan logon a gobero ŋoroko; ko nye a koŋdya sona a jurakan gobero mo pu ’döni pu ’dö adi tu, a binyo se ko jurakan mo kakaŋi kakaŋu; ama binyo ludukö ködyö turaki i jurakan ludukö.
Parusijin a pija Yesu i kulya ti Sabata
(Köli Matayo 12.1-8; Luka 6.1-5)
23 #
Nyö 23.25
A i lele Sabata a Yesu Iwoŋöddi meleseno ti ’bolot; a na tiri se nu, a ŋutu kanyit logon a kajujumuk kulo suluje Ti ’ya kusik ti ’bolot. 24A Parusijin pije lepeŋ adi, Meddi, nyo kilo ŋutu koŋdya ŋo nagon saresi a ko ruk nagon ködyö ti kona i lor lo Sabata? 25a lepeŋ waddi pija se adi, Ta kwöŋ a ko ken ŋo nagon Dawidi köju a kon i diŋit nagon lepeŋ se ko ŋutu kanyit gwon ko magor a gwe ’bak ŋo lo nyenyei le? 26#Lew 24.9#1 Sam 21.1-6Lepeŋ köju a lupö i kadi na Ŋun, i diŋit na gwoŋdi Abyatar a koane duma nu, a nyesi ambata na peta ko Ŋun i komor nagon saret a ko ruk adi ködyö ti nyei abur, ama tuŋ koanejin lo ruköki i nyesu, a köti iŋge tikin ŋutu logon gwon ko lepeŋ kulo.
27A Yesu kulyani ko lepeŋat adi, Sabata a tetenaki ŋutu, ti gwon a ŋutu lo tetenaki Sabata; 28nyena nan Ŋuro lo ŋuto lo gwon a matat ma ’di a lo Sabata.
Currently Selected:
Marako 2: BBE
Highlight
Copy
Compare
Share
Want to have your highlights saved across all your devices? Sign up or sign in
Bari Bible © United Bible Societies, 1979.
