Matayo 28
28
ŋien na Yesu i twan
(Köli Marako 16.1-10; Luka 24.1-12; Yoane 20.1-10)
1A nagon Sabata lo Yudayaki aje jo nu, a kotumalu waraki a lor lo kokwe lo jima, a Maria na po Magadala se ko nene Maria poŋdi i meddya na gulöm. 2’De ’de kijek a gwe a rigirigi duma, a malaikatat lo MATAT poŋdi kak ki yu, a gwuluŋöddi ŋurupit kaŋo, a si ’dakine i loki nanyit. 3A meta nanyit kobbi gwoso meme ’dekta na ki, a boŋgwat kanyit kune gwe a nakwe parik adi gwu. 4A katiyuk kujonöni kujöno lepeŋ., a böŋdi böŋdu, a se gwe gwoso logon a twatwa. 5Ama a malaikatat lo kulyani ko ŋutu wate kune adi, Ko kujönö ta; nan a den adi ta galuŋdya Yesu logon aje ’bikiki i ködini na görö lo. 6Lepeŋ ’bayin ni. Lepeŋ aje pien i twan gwoso na kulyari nye nu. Po ta, ko meddi ta pirit na ’delakine nye na. 7Iti ta ’de ’de i takiŋdya na ŋutu kanyit kajujumuk adi lepeŋ. aje pien i twan, lepeŋ. lu iti Galilaya kasu ŋerot a kokwe nagon ta a ko nyuŋ tu nyu; a ta mo meddi lepeŋ. nyu. Meddi ta, nan aje takin ta. 8Nyena a se kö ’yi gulöm ’de ’de ko kujönö ko lyölyöŋiörö parik, a se wöki wökön i tukökiŋdyö na ŋutu kanyit kajujumuk kulo. 9’De ’de kijek a Yesu rume ko se, a rome adi, Madaŋ ta! A se poŋdi po, a ’dorone kak rupu morga mokosi kanyit. 10Nyena a Yesu kulyani ko se adi, Ko kujönö ta. Iti ta i takiŋdya na luŋasirik kwe adi ti se iti Galilaya, a se mo tu meddi nan nyu.
Katiyuk a nyönyöggu kulya na pokin kune
11A na tiri kinu ŋutu wate i kiko nu, a kulye katiyuk yitöni köji, a nyönyökökiŋdye koanejin temejik ŋo liŋ nagon aje kona kunu. 12a koanejin temejik momori i pirit na geleŋ ko ŋutu temejik, a teteŋdi yeyeet nase, a se tiŋdi kamörök gurut jore, 13kulya adi, Taki ta ŋutu adi ŋutu kanyit kajujumuk aje po i tukwaje, a kokoladdi öpu nanyit na gwoŋdi ta i doto nu. 14a ko ködyö mödir a yiŋ kine kulya, a yi mo löpukuŋdye lepeŋ, a ta mo tine kujönö nene ŋo. 15Nyena a katiyuk ’dumuŋdye gurut kune, a iŋge koŋdya gwoso na taki ’e se nu. A ŋilo lore reki ko Yudayaki kiden tojo ko lo lor.
Yesu a sarakiŋdya ŋutu kanyit kajujumuk
(Koti Marako 16.14-18; Luka 24.36-49; Yoane 20.19-23)
16 #
Mat 26.32; Mar 14.28 Nyena a ŋutu kajujumuk puök wot geleŋ kulo iti Galilaya, i mere logon Yesu a sarakiŋdye se i tu kata lu. 17A na meddi se lepeŋ nu, a se ’dorone kak rupu kanyit i komor; ama kulye kase ti yuŋ. 18A Yesu miju nyona, a kulyani ko se adi, Kido liŋ ki yu ko kak ni aje tiki nan. 19#Kon 1.8Nyena iti ta, ko joŋdi ta ŋutu liŋ ti juron i jujumbu na kulya kwe, a batiddye se i karin ti Monye, ko ti Tore, ko ti Mulökötyo Loke, 20todiniki ta se i debba na ŋo liŋ nagon nan aje sarakin ta kine; mete ta, nan gwon ko ta perok liŋ tojo ko ’dutet na kak.
Currently Selected:
Matayo 28: BBE
Highlight
Copy
Compare
Share
Want to have your highlights saved across all your devices? Sign up or sign in
Bari Bible © United Bible Societies, 1979.
