Matayo 27

Yesu a jopa ko Pilato i komor

(Köti Marako 15.1; Luka 23.1-2; Yoane 18.28-32)

1A ko kak aje waran, a kiŋanejin temejik liŋ se ko temejik ti ŋutu momoruŋdye i teteŋdya na yeyeet nase anyen tatuja Yesu; 2a se toŋi lepeŋ, a nyomöddi lepeŋ kaŋo, a wukiŋdye lepeŋ ko Pilato i konin logon a mödir.

Twan na Yuda

(Köli Konesi 1.18-19)

3 # Kon 1.18, 19 A Yuda lo tiŋdu lepeŋ i tatua lo ko meddi adi kulya ti Yesu aje ’dupöki arabat, a nye löpuŋge töili, a nyökökiŋdye koanejin temejik se ko ŋutu temejik pödöjin merya musala kune bot, 4a kulyani adi, Nan aje toroŋdya i tiŋdu na ŋuto logon ’bak kulya i tatua. A se waddi adi, Kine ’bayin a kulyan kaŋ. Kine gwe a kulya kunök ko mugun.

5Nyena a nye gubakiŋdye pödöjin kune kak i Kadi na Ŋun. a nye iti tu, a to ’yi mugun. 6A koanejin temejik ’dumuŋdye pödöjin kune, a kulyani adi, A ko ’buruki adi ti se ’delakine i pirit na geleŋ ko gurut ti Kadi na Ŋun, kogwon se a gwöriesi ti rima. 7a se teteŋdi yeyeet nase, a kine gurut gwörwe ’i melesen na kagweyanit lo mu ’dajin, anyen Lwaka nuka kata.

8Nyena a ŋina melesen luŋ 9#Jak 11.12, 13A kirut po nagon nebi Yeremia köju a jam kunu böŋö kokona adi, Se a ’dumuŋdya pödöjin merya musala, a gwöriesi ti ŋuto logon kulye ŋutu ti Yisaraele a kenakin anyen ropari ŋuto lo morga lepeŋ lo, 10a se gwöruŋdye melesen na kagweyanit lo mu ’dajin, gwoso na sarakiŋdye MATAT nan nu.

Pilato pipija Yesu

(Köli Marako 15.2-5; Luka 23.3-5; Yoane 8.33-38)

11A kirut Yesu gwo ’de ko modir i komor, a mödir pije lepeŋ adi, Do nye ŋilo Mor lo Yudayaki lo? A Yesu waddi lepeŋadi, Do aje tuk. 12Ama a na pökiŋdye kijanejin temejik se ko ŋutu temejik lepeŋ nu, a nye gwe a ko waddu nene po. 13A Pilato pije lepeŋ adi, Do a ko yiŋ po jore nagon lepeŋat tokoŋ kulya kunök arabat le? 14Ama a nye gwe a ko wat lepeŋ ma ’di ko kulyaet geleŋ to; nyena a mödir söŋi söŋu parik.

Yesu a ’duŋöki i tatua

(Köli Marako 15.6-15; Luka 23.13-25; Yoane 18.39—19.16)

15Nyena temba i diŋit na ŋilo rorwe, mödir yeŋ yukukiŋdyö lodir lo ŋutu ŋuto geleŋ logon se ’de ’dekan. 16a i ŋinu diŋit lele lo rereka kata logon a dena parik i konesi kanyit karin kanyit a Yesu Baraba.#27.16Yesu Baraba Kunie wuresi ko kutu na Giriki wurje adi Yesu Baraba, ama kunie a koloro karin ti Yesu kano 17a na momoruŋdye ŋutu nu, a Pilato pije se adi, Ta ’dek nan yukukiŋdyö ta lon ŋuto, Yesu Baraba, kode Yesu lo lupu a Masia? 18Kogwon nye a den ’bura adi lepeŋat a wukiŋdya Yesu kanyit i könin kogwon se yiyinöri lepeŋ.

19A na si ’dari Pilato i si ’daet ’dupet na putet nu, a nakwan nanyit sunyukiŋdye lepeŋ kutuk adi, Ti kulya kunök gwe ’bayin ko ŋilo ŋuto lo ’bak kulya, kogwon i lo lor nan a poŋga po jore i rudwe i kulya ti lepeŋ.

20A kiŋanejin temejik se ko ŋutu temejik löpukuŋdye ŋutu adi ti se pije Pilato i yukuuŋdyö na Baraba, a Yesu lo tatuani, 21a mödir köti pije se adi, Ta ’de ’dekan nan yukukiŋdyö ta ŋa i kilo ŋutu murek? A se waddi adi, Yukuki yi Baraba! 22a Pilato pije se adi, A kirut nan de konakiŋdye Yesu lo luŋu a Masia lo nyo? A se liŋ waddi adi, Ti lepeŋ ’bikikine i ködini na görö! 23a Pilato pije adi, Ko nyo? Nan toron nagon lepeŋ a kon? Ama kölumbö a se woŋe bia parik adi, Ti lepeŋ ’bikikine i ködini na görö.

24 # Nyö 21.6-9 A Pilato ko meddi adi ’bulit ’bayin, kölumbö a woŋon duma parik ŋdine ŋdi, a nye ’dumuŋdye pioŋ, a lalaji könisi kanyit ko lodir lo ŋutu i komor, kulya adi, Ti nan gwe pajo i rima ti ŋilo ŋuto. Kine gwe a kulya kasu ko ’börik. 25A ŋutu liŋ ruŋge adi, Ti rima kanyit gwe kayaŋ i kusik ko i ŋwajik kaŋ. 26A kirut Pilato yukukiŋdye se Baraba, a nye tiŋdi Yesu i ’bitö ko kurubat logon a kwara, a ŋutukiŋdye lepeŋ i ’bikiki i ködini na görö.

Kamörök a kwekweni ko Yesu

(Köti Marako 15.16-20; Yoane 19.2-3)

27Nyena a kamörök ti mödir joŋgi Yesu i mödöria lukata, a momoruŋdye teŋ na kamörök liŋ i pirit na geleŋ, a dumökiŋdye lepeŋ kiden. 28a se rusuŋdye boŋgwat kanyit kune kaŋo, a tojubbi lepeŋ ko boŋgo nator; 29a se iŋge doggu kikwa a Iŋguya, a sukiŋdye ko lepeŋ i kwe. a tiŋdi pa ’duŋi kanyit i könin lutaten; a se rugwuŋökine ko lepeŋ i komor, a kwekwenine ko lepeŋ adi, Madaŋ pon Mor lo Yudayaki! 30A se yaggi kamulak ko lepeŋ ki, a ’dumuŋdye pa ’duŋi lo, a ’biddye lepeŋ i kwe. 31a nagon se aje kwekweni ’e lepeŋ nu, a se rusuŋdye boŋgo na kaŋo ko lepeŋ i mugun, a se tojubbi lepeŋ ko boŋgwat kanyit kune, a se nyömöddi lepeŋ kaŋo i ’bikikiŋdyö i ködini na görö.

Yesu a ’bikiki i ködini na görö

(Köli Marako 15.21-32; Luka 23.26-43; Yoane 19.17-27)

32A na tiri kamörök nu, a se rume ko lele ŋuto lo po Kurene, karin kanyit a Simona. A se ri ’dikiŋdye lepeŋ i ’doggu na ködini na görö na Yesu.

33A se ko ’dure i pirit na luŋu a Golo gota (nagon nyönyökö adi Pirit na Kululuŋ), 34#Sau 69.21a se tiŋdi Yesu binyo na ŋola ko ŋo na pötwör anyen mamat; ama a nye ko ’de ’deŋdi se, a nye tine ’bön möju. 35#Sau 22.18a nagon se aje ’bikikindyö lepeŋ i ködini na görö nu, a se kökorakiŋdye ’börik boŋgwat kanyit kune gubarikin guralan. 36a se si ’dakine kak i tiju na lepeŋ nyu. 37a se tiŋdi ŋoit i ködini na görö kanyit i kwe, nagon a wurö adi, LÖ A YESU MÖR LÖ YUDAYAKI.

38A i ŋinu diŋit a karyakak ’bikikine ko lepeŋ i pirit na geleŋ i kaden na görö, lele i swöt lo lutaten ko lele i swöt lo kadoŋe. 39#Sau 22.7; 109.25a ŋutu logon lwöŋöddi nyona kulo ’dö ’döji lepeŋ, dodoŋga kusik kase, 40#Mat 26.61; Yoa 2.19kulya adi, Do logon ’de ’dekan dukakiŋdya Kadi na Ŋun kak a ’duke ’duk nye i perok musala lo! Lwöki mugun koi! Ko do a ŋuro lo Ŋun, poŋdi kak i ködini na görö! 41Nyena köti a kiŋanejin temejik, ko katodinök ti Saresi ti Mose, se ko ŋutu temejik kwekwenine ko lepeŋ adi,

42Lepeŋ lwöggu kulye ŋutu; ama nye ti bulö lwöggu mugun. Lepeŋ a Mor lo Yisaraele! Ti nye poŋdi kak i ködini na görö soŋinana, a yi de yubbe lepeŋ.

43 # Sau 22.8 Lepeŋ yinikiŋdyö mugun ko Ŋun, ti Ŋun lwöki lepeŋ soŋinana ko nye nyanyar lepeŋ; kogwon nye a kulya adi, Nan a Ŋuro lo Ŋun. 44Ma ’di karyakak logon a ’bikiki ko lepeŋ i pirit na geleŋ kulo köti ’dö ’döji lepeŋ sona.

Twan na Yesu

(Köli Marako 15.33-41; Luka 23.44-49; Yoane 19.28-30)

45Suluja i tuparan kiden a kak liŋ worani a mudwe tojo ko saa musala na koriri. 46#Sau 22.1Nyena i saa musala na koriri, a Yesu woŋe ko gworo lobot adi, Eli, Eli, lama sabakatani? nagon nyönyökö adi, Ŋun liŋ, Ŋun liŋ, nyo do kökölökin nan? 47a kulye ŋutu logon gwo ’dan nyona kulo ko yiŋge lepeŋ i luŋgu sona, a lepeŋat kulyani adi, Lo ŋuto luŋgu Eliya. 48#Sau 69.21a ’de ’de lele lose wöku wökun, a ’dumuŋdye liŋ a, a jurutökiŋdye i binyo naparoroŋ, a sukiŋdye i pa ’duŋi, a ŋutukiŋdye lepeŋ anyen mamat. 49Ama a kulye kulyani adi, Möni ta mon, ti yi mete ta met kode ŋona Eliya de popo i lwöggu na lepeŋ. 50a Yesu köti woŋe parik ko gworo lobot, a kodudwö nanyit ’dumajine ’dumaji. 51#Yuö 26.31-33Mete, a boŋgo koret na Kadi na Ŋun iŋge ki ’ya murek, suluuŋdya ki tojo ko kak, a kak yeyeti yeyeta, a lelya kakaggi kakaggu, 52a gulömö köti ŋani ŋai, a öpuö jore ti ŋutu ti Ŋun logon aje twatwa kulo topiyuni topiyu; 53a i mukök na ŋien nanyit i twan, a se lupuŋdye kaŋo kase i gulömö, a tulöddi i Köji Nake a puköki i ŋutu jore. 54a nagon duma lo kamörök mia geleŋ se ko ŋutu lo gwon ko lepeŋ i pirit na geleŋ, logon tiju Yesu kulo, ko meddi rigirigi se ko po liŋ na kona kunu, a se kujönöni kujönö parik, a kulyani adi, Lo ŋuto ’diri a ŋuro lo Ŋun!

55 # Luk 8.2, 3 A kunie ŋutu jore gwe nyu, gwo ’dan pajo i meddya. Lepeŋat po Galilaya moruŋdya ko Yesu i parakiŋdya na lepeŋ. 56a kunie kase gwe a ko Maria na po Magadala, ko Maria ŋote Yakobo ko Yosepa, se ko ŋote ŋwajik ti Jebedayo.

Nuka na Yesu

(Köti Marako 15.42-47; Luka 23.50-56; Yoane 19.38-42)

57A nagon kolor gwe nyona ko ’doro nu, a lele kwörinit lo ’dure po Arimataya, karin kanyit a Yosepa. Nye köti a ŋuto kajujumunit lo Yesu.

58A nye iti ko Pilato yu a piyuŋdye öpu na Yesu. A Pilato sarakiŋdye adi ti öpu na tikine lepeŋ. 59a Yosepa ’dumuŋdye öpu na, a doggi nye ko boŋgo nake na ’but, 60a ’delakiŋdye kanyit i gulöm ludukötyo, nagon nye a kuruun i lurutat logon a ŋurupit; a nye gwuluŋökiŋdye ŋurupit duma anyen muggö kutuk na gulöm, a nye iti tu. 61A Maria na po Magadala se ko nene Maria gwe nyu, sisi ’da komorga gulöm.

Katiyuk tiju gulöm

62A kotumalu lo kebbu Lor Tetenet lu, a kiŋanejin temejik se ko Parusijin momoruŋdye ko Pilato i komor,

63 # Mat 16.21; 17.23; 20.19; Mar 8.31; 9.31; 10.33, 34; Luk 9.22; 18.31-33 a kulyani adi, Pon duma, yi a yiyiun adi, na gwoŋdi ŋilo kamumulukanit jörun nu, lepeŋ a kulya adi, Nan mo pipien i twan i perok musala. 64Saŋi saŋu anyen gulöm titikö go tojo ko lor tomusala lonyit, an ŋutu kanyit kajujumuk tu i kokoladdu na öpu nanyit, a tukökiŋdye ŋutu adi, Lepeŋ aje ŋien i twan; a mumuluket na ’dutet mo gwe a naron bia parik lwölwöŋ na kokwe nu. 65a Pilato takiŋdye se adi, Ta gwon ko katiyuk. Iti ta, titike ta titik gulöm go gwoso nagon ta bubulö na. 66Nyena a se iti tu, a titiŋge gulöm, a nya ’dutukiŋdye kweyet i ŋurupit duma, a kölökiŋdye katiyuk i tiju.

Currently Selected:

Matayo 27: BBE

Highlight

Copy

Compare