ROM 15

Kam dei ïa ngi ban pynsngewbha tang ïa lade hi

1Te ma ngi ki bakhlaiñ ngi dei ban ïaishah ïa kita ki jingtlot jong ki bymkhlaiñ, bad ban ym pynsngewbha tang ïa lade hi. 2To ai ba uwei pa uwei na ngi un pynsngewbha ïa la u paramarjan, shaphang kata ka babha ïa ka ban tei ïa u. 3#Salm. 69:9.Namar wat U Khrist um shym la pynsngewbha ïa lade hi; hynrei, kumba la thoh: “Kita ki jingkrenbeiñ ki jong kita kiba krenbeiñ ïa me, ki la ïahap ha nga.” 4#Rom. 4:23-24; 1 Kor. 9:10; 2 Tim. 3:16.Namar ïa kiei kiei baroh ba la thoh mynbarim, la thoh khnang ban long ka jinghikai ïa ngi keiñ; ba da ka jingïaishah bad da ka jingpyntngen jong kita Ki Jingthoh, ngin dup ïoh ka jingkyrmen. 5#Rom. 12:16; 1 Kor. 1:10; 2 Kor. 13:11; Php. 2:2; 4:2.Te U Blei ka jingïaishah bad ka jingpyntngen to un ai ha phi ban ïamut lem ïa kajuh paralok hi, katba kum U Khrist Jisu; 6ba da kawei ka jingmut, phin ïoh pyndonburom da kawei ka shyntur ïa U Blei bad U Kpa U Jisu Khrist uba U Trai jong ngi.

Ka jingkhot ïa ki Jentil

7Naba kumta, phin ïa-pdiang lok parabangeit hi, kumba U Khrist ruh u la pdiang lok ïa ngi, khnang ïa ka ban pyndonburom ïa U Blei. 8Te nga ong ba la pynlong ïa U Khrist u nongkam ïa ka jingotsher, na ka bynta ka jingshisha U Blei, khnang ïa ka ban pynskhem ïa kita ki jingkular ba la ai ha kita ki kpa: 9#Salm. 18:49; 2 Sam. 22:50.bad ba ki Jentil ruh kin ïoh ïa-pyndonburom ïa U Blei namar ka jingisynei jong u, kumba la thoh:

“Namar kane ngan ïaroh ïa me

hapdeng ki Jentil,

bad ngan rwai ïa ka kyrteng

jong me.”

10 # Deu. 32:43. Bad u ong pat,

“To da leh kmen phi ki Jentil,

lem bad u paidlang jong u.”

11 # Salm. 117:1. Bad ruh,

“To ïaroh noh ïa U Trai,

phi ki Jentil baroh,

bad to ïaroh ïa u,

phi ki paidlang baroh.”

12 # Isa. 11:10; Mat. 12:21. Pat ruh, u Isaïah u ong,

“Yn sa long u thied

u jong u Jesse,

bad uta u ban sa mih

ban synshar ïa ki Jentil;

ha u keiñ, ki Jentil

kin ïakyrmen.”

13Te U Blei u jong kata ka jingkyrmen, to un pyndap ïa phi da ka jingkmen bad da ka jingsuk baroh ha kaba ngeit, khnang ba phin ïoh nang roi kyrhai ha kata ka jingkyrmen, da ka bor U Mynsiem Bakhuid.

U Paul u pyni balei u la thoh kham shlur

14Ruh putet, ma nga hi, nga ngeit shaphang jong phi, ko parabangeit jong nga, ba ma phi hi ruh, phi long kiba dap da ka jingbha, ïa kiba la pyndap da ka jingtip baroh, bad kiba lah ban ïasneng parabangeit hi. 15Hynrei, nga la thoh kham shlur ha phi, katto katne, kum uba sneng pynkynmaw ïa phi, namar kane ka jingaiei ïa kaba la ai ha nga na U Blei; 16#Ki Kam. 9:15.khnang ba ngan ïoh long u shakri u jong U Jisu Khrist sha ki Jentil, da kaba trei lyngdoh ïa ka gospel U Blei, ba ka jingkñia ainguh ïa kita ki Jentil kan ïoh long ïa kaba la pdiang sngewbha, ba la pynkhuid ïa ka da U Mynsiem Bakhuid. 17Nga don daw te, namar kata, ïa ka ban leh kmen ha U Khrist Jisu shaphang kita kiei kiei ruh kiba dei sha U Blei. 18#Rom. 1:5; Ki Kam. 15:12; 21:19.Namar ngan ym nud ban kren ei ei shaphang kita kiei kiei ruh, ïa kiba U Khrist um shym la trei da nga, khnang ïa ka ban pynkohnguh ïa ki Jentil, da ka ktien bad da ka jingleh, 19#Ki Kam. 19:11; 2 Kor. 12:12.da ka bor ki dak khyllah bad ki jingphylla, da ka bor U Mynsiem U Blei; katba naduh Jerusalem, bad kylleng sawdong jin haduh Illyrikom, nga la ïalap biang biang ruh ïa ka gospel U Khrist. 20#2 Kor. 10:15-16.Kumta ruh, nga da ïa-pyneh khnang ban ïalap ïa ka gospel, ym ha kaba la lah pyntip ïa ka kyrteng U Khrist keiñ, ïoh ba ngan tei ha ka nongrim ka jong uwei pat; 21#Isa. 52:15.hynrei, kumba la thoh:

“Kita ha kiba ym shym la ïalap

shaphang jong u, kin ïohi;

bad kita ki bym shym

la ïohsngew,

kin ïoh shemphang keiñ.”

Ka jingthmu u Paul ban leit sha Rom

22 # Rom. 1:13. Naba kumta te, la ju pynpep noh ïa nga bunsien eh ïa ka ban wan ha phi. 23#Ki Kam. 19:21; Rom. 1:10-11; 15:32.Hynrei, mynta, ba ym don jaka shuh ha kine ki phang, bad ba nga don ka jingkwah hir hir putet ïa ka ban wan ha phi mynta la bun snem; 24#Rom. 15:28.haba ngan ïoh leit lano lano ruh sha ka ri Spain, ngan wan ha phi. Namar nga kyrmen, haba nga leit, ban wan khmih artad ïa phi, bad ban ïaleit on lynti ïa nga da phi shata, ynda la pynhun shuwa ïa nga katto katne da ka jingsyllok jong phi. 25#Ki Kam. 19:21; 24:17; 15:31; 1 Kor. 16:1-4.Hynrei, mynta, nga leit sha Jerusalem, ïa ka ban sumar sukher keiñ ïa ki riewkhuid. 26#2 Kor. 8:1-5; 9:2; 1 Thes. 1:7-8.Namar ki la ïasngewbha eh ha Makedonia bad Akhaïa, ban ïasynñiang sbai ïa kita ki baduk napdeng ki riewkhuid kiba ha Jerusalem. 27#1 Kor. 9:11.Shisha, ki la ïasngewbha eh; bad ki long ki nongkit ram jong ki. Namar lada ki Jentil ki la ïoh ïabynta lem bad ki na kiei kiei kiba kynja mynsiem ki jong ki, ka la dei keiñ ïa ki ruh, ban sumar sukher ïa ki, ha kiei kiei ruh kiba dei ïa ka met. 28#Rom. 15:24.Te ynda nga la pyndep ïa kane, bad la aiti noh ha ki, ïa une u soh, ngan wan ïaid na sha phi sha ka ri Spain. 29#Ki Kam. 19:21.Te nga tip biang ba ynda nga wan ha phi, ngan wan da ka jingdap ka jingkyrkhu U Khrist.

30Te nga kyrpad ïa phi, ko parabangeit, na ka bynta U Jisu Khrist uba U Trai jong ngi, bad na ka bynta ka jingïa-ieit ka jong U Mynsiem, ba phin ïa-pyneh lem bad nga ha ki jingduwai jong phi na ka bynta jong nga ha U Blei; 31#2 Thes. 3:2; Rom. 15:25-26; 2 Kor. 8:4; 9:1.ba yn ïoh knieh kynthet ïa nga na kita ki bymkohnguh ha Judia; bad ba kata ka jingsumar sukher jong nga kaba na ka bynta ka Jerusalem, kan ïoh long ba la pdiang sngewbha da kita ki riewkhuid; 32#Rom. 1:10; Ki Kam. 19:21.ba kumta, ngan ïoh wan ha phi ha ka jingkmen, da ka mon U Blei, bad ba ngan ïohsngew pyngngad lem bad phi. 33#2 Kor. 13:11; Php. 4:9.Te U Blei ka jingsuk to un long lem bad phi baroh: Amen.

Currently Selected:

ROM 15: KHB

Highlight

Copy