Popular Bible Verses from ROM 15

Share

Te U Blei u jong kata ka jingkyrmen, to un pyndap ïa phi da ka jingkmen bad da ka jingsuk baroh ha kaba ngeit, khnang ba phin ïoh nang roi kyrhai ha kata ka jingkyrmen, da ka bor U Mynsiem Bakhuid.

Namar ïa kiei kiei baroh ba la thoh mynbarim, la thoh khnang ban long ka jinghikai ïa ngi keiñ; ba da ka jingïaishah bad da ka jingpyntngen jong kita Ki Jingthoh, ngin dup ïoh ka jingkyrmen.

Te U Blei ka jingïaishah bad ka jingpyntngen to un ai ha phi ban ïamut lem ïa kajuh paralok hi, katba kum U Khrist Jisu; ba da kawei ka jingmut, phin ïoh pyndonburom da kawei ka shyntur ïa U Blei bad U Kpa U Jisu Khrist uba U Trai jong ngi.

Naba kumta, phin ïa-pdiang lok parabangeit hi, kumba U Khrist ruh u la pdiang lok ïa ngi, khnang ïa ka ban pyndonburom ïa U Blei.

To ai ba uwei pa uwei na ngi un pynsngewbha ïa la u paramarjan, shaphang kata ka babha ïa ka ban tei ïa u.