JINGKHEIÑ 36
36
Ka aiñ kaba ïadei bad ka bynta pateng
1Te ki tymmen ki san ki ïing ki khun u Gilead, u khun u Makhir, uba u khun u Manasseh, na ki ïing ki khun u Joseph, ki la ïawan hajan, ki la kren ruh ha khmat u Moses, bad ha khmat ki rangbah, kata, ha khmat ki tymmen ki san ki khun Israel: 2#Jkñ. 27:7.bad ki la ong, “U Trai u la hukum ïa u kynrad jong nga ba un ai ïa kata ka ri ban long ka bynta pateng ha ki khun Israel da ka jingkhalai: bad la hukum ïa u kynrad jong nga na U Trai ba un ai ïa ka bynta pateng u Selophehad uba u para jong ngi ha ki khun kynthei jong u. 3Te lada kin long ki tnga ki khun shynrang kiba na kiwei pat ki jaid ki khun Israel, kumta ïa ka bynta pateng jong ki, yn shim noh na kata ka bynta pateng jong ki kpa jong ngi, bad yn pynïasoh lang ïa ka bad ka bynta pateng jong kata ka jaid ha kaba la pdiang ïa ki: te yn pynduna ïa kata ka bynta jingïoh pateng jong ngi. 4Bad haba kan long ka jubili jong ki khun Israel, te ïa ka bynta pateng jong ki, yn pynïasoh lang bad ka bynta pateng jong kata ka jaid ha kaba la pdiang ïa ki: bad kumta, yn shim noh ïa ka bynta pateng jong ki na kata ka bynta pateng ka jaid ki kpa jong ngi.”
5Te u Moses, u la hukum ïa ki khun Israel katba kum kata ka ktien U Trai, u da ong, “Ka jaid ki khun shynrang u Joseph ka kren ïa kaba dei. 6Dei kane ïa kaba la hukum U Trai shaphang ki khun kynthei u Selophehad, u da ong, ‘To ai kin long ki tnga jongno jongno katba ki ibit hi; hynrei, kin long ki tnga tang ha kiba na ki ïing ka jaid u kpa jong ki.’ 7Kumta, ïa ka bynta pateng jong ki khun Israel, yn ym pynkynriah noh na kawei ka jaid sha kawei pat ka jaid; namar uwei uwei baroh na ki khun Israel, un ïaineh keiñ ha ka bynta pateng ka jaid ki kpa jong u hi. 8Bad ka khun kynthei baroh, kaba don ka bynta pateng ha kano kano ruh ka jaid ki khun Israel, kan long ka tnga ha uwei uba na ka ïing ka jaid u kpa jong ka hi, ba ki khun Israel kin dup ïoh uwei uwei baroh ïa ka bynta pateng ki kpa jong u hi. 9Lymne wat ai ban pynkynriah ïa ka bynta pateng na kawei ka jaid sha kawei pat ka jaid; namar ki jaid ki khun Israel, kin ïaisah kawei kawei baroh ha la ka jong hi ka bynta pateng.”
10Kumba u la hukum U Trai ha u Moses, kumta keiñ ki la leh ki khun kynthei u Selophehad: 11namar ka Mahlah, ka Tirsah, bad ka Hoglah, bad ka Milkah, bad ka Noah, kiba ki khun kynthei u Selophehad, ki la long ki tnga ha ki khun shynrang ki kpanah ki kpasan jong ki. 12Ki la long ki tnga ha kiba na ki kur ki khun shynrang u Manasseh uba u khun u Joseph, bad ka bynta pateng jong ki ka la ïaisah ha ka jaid ki kur u kpa jong ki.
13Kine long ki hukum bad ki jingbishar, ïa kiba u la hukum U Trai ha ki khun Israel da ka kti u Moses, ha ki pyntha ka ri Moab, hajan ka Jordan, ha marpyrshah ka Jerikho.
Currently Selected:
JINGKHEIÑ 36: KHB
Highlight
Copy
Compare
Share
Want to have your highlights saved across all your devices? Sign up or sign in
The Bible Society of India
