LEBITIKOS 21
21
Ka jinglong bakhuid ki lyngdoh
1 #
Ese. 44:25. Bad U Trai u la ong ha u Moses, “To kren ha ki lyngdoh ki khun shynrang u Aaron, bad to ong ruh ha ki, ‘Uno uno ruh na ki un ym pyntngit sang ïa lade hapdeng u paidbah jong u namar kaba ïap briew; 2hynrei, namar ki kur bajan jong u, kata ka long, namar la ka kmie bad namar la u kpa, bad namar la u khun, bad namar la ka khun, bad namar la u para; 3bad namar la ka para kaba dang sotti, kaba jan ïa u, ka bym shym la ïoh tnga; namar kane u lah ban pyntngit sang ïa lade. 4Bad un ym pyntngit sang ïa lade hapdeng u paidbah jong u haba u long rangbah. 5#Leb. 19:27; Deu. 14:1.Kin ym khi ïa la ka khlieh, lymne ïa ki dong ki 'main ker jong ki, bad kin ym pynmong ïa ka doh jong ki. 6Kin long ba la kyntang ïa U Blei jong ki, bad kin ym pyntngit ïa ka kyrteng U Blei jong ki: naba ki long ma ki, kiba kñia ainguh ïa ki jingkñia U Trai ba la pynlong da ka ding, ïa ka jingbam ka jong U Blei jong ki: namar kata keiñ, ka dei ïa ki ban long ki bakhuid eh. 7Kin ym shim tnga ha lade da ka nuti, lane ka briew kaba la kheiñ burom; bad kin ym shim tnga ha lade ïa ka briew ba la khlad na la u tnga: naba u long uba la kyntang ha U Blei jong u. 8Namar kata, men ñiew kyntang ïa u: naba u ainguh ïa ka jingbam ka jong U Blei jong me keiñ: to ai ba un long u bakhuid ïa me: naba ma nga U Trai, uba pynkhuid ïa phi, nga long u bakhuid. 9Lada ka khun u lyngdoh ka da pyntngit ïa lade da kaba klim, ka pyntngit ruh ïa la u kpa: yn thang ïa ka da ka ding.
10“ ‘Bad uta uba long rangbah lyngdoh hapdeng ki para lyngdoh jong u, uba ïa ka umphniang ka jingsleh la theh halor ka khlieh jong u, bad ïa uba la pynkyntang ïa ka ban kup ïa kita ki jaiñ, wat ai ba un ieh rangei ïa la ka khlieh, lymne kad ïa la ki jaiñ; 11bad wat ai ba un wan hajan ka metïap, lymne pyntngit ïa lade namar u kpa jong u, lane namar ka kmie jong u; 12bad wat ai ba un mih noh na ka jaka ba la kyntang khuid, lymne ban pyntngit ïa ka jaka bakyntang ka jong U Blei jong u; namar ka pansngiat ka umphniang ka jingpynsleh ka jong U Blei jong u ka don halor jong u: Nga long U Trai keiñ. 13Bad un shim tnga ha lade da ka theisotti. 14Ka riewkynthei, lane ka briew ba la khlad na la u tnga, lane kaba la kheiñ burom, lane ka nuti, ïa kine un ym shim: hynrei, un shim da ka theisotti napdeng la u paidbah jong u ban long ka tnga jong u. 15Bad wat ai ba un pyntngit ïa la ki khun ki ksiew hapdeng u paidbah jong u: naba nga long U Trai uba pynkyntang ïa u.’ ”
16Bad U Trai u la kren ha u Moses, u da ong, 17“To kren ha u Aaron, da ong, ‘Uno uno ruh na ki khun ki ksiew jong me ha la ki pateng la pateng uba don ka jingsniewbriew kaba kumno kumno ruh ha u, wat shah ba un wan hajan ïa ka ban kñia ainguh ïa ka jingbam ka jong U Blei jong u. 18Naba u briew baroh uba don ka jingsniewbriew ha u, un ym ïoh wan hajan: lymne u bamatlah, lymne u ba-dkoh, lymne u bathem lynghung ka khmut, lymne uba don ei ei kaba tam ha la ka met, 19lymne u ba-dkoh ka sla'jat, lane ba-dkoh ka kti jong u, 20lymne uba at kuda na ka ingdong, lymne u baraid, lymne uba don ka jingsniew ha ka khmat jong u, lane ka sur, lane kaba sarew, lymne uba la mong la ki pylleng; 21wat ai ba uno uno ruh na u symbai u Aaron lyngdoh, uba don ka jingsniewbriew ha u, un wan hajan ïa ka ban kñia ïa ki jingkñia da ka ding ka jong U Trai: u don keiñ ka jingsniewbriew: wat shah ba un wan hajan ïa ka ban kñia ïa ka jingbam jong U Blei jong u. 22Un ïoh bam ïa ka jingbam ka jong U Blei jong u, na kita ki jong ki bakyntang tam, bad na ki jong ki bakyntang. 23Tangba un ym ïoh leit bsut haduh ka jingkah, lymne leit hajan ïa ka duwan, namar ba u don ka jingsniewbriew ha u; wat ai ba un pyntngit ïa ki jaka kyntang jong nga: naba nga long U Trai uba pynkhuid ïa ki.’ ” 24Kumta, u Moses u la kren ha u Aaron, bad ha ki khun shynrang jong u, bad ha ki khun Israel baroh ruh de.
Currently Selected:
LEBITIKOS 21: KHB
Highlight
Copy
Compare
Share
Want to have your highlights saved across all your devices? Sign up or sign in
The Bible Society of India
