HOSIA 3
3
U Hosia bad ka nongklim
1Te U Trai u la ong ha nga, “Nang leit, ieit ïa ka briew ba la ieit da u lok jong ka bad kaba klim ruh, kat kumba U Trai u ieit ïa ki khun Israel, la ki phai sha kiwei pat ki blei, bad ki brai ki kpu soh Khajur.” 2Kumta, nga la thied ïa ka ha lade, khatsan ki sbai rupa, bad shi homar#3:2 homar: Homer. u Kew Barli, bad shi lethek u Kew Barli: 3nga la ong ha ka ruh, “Phan ïai-ap ïa nga bun sngi; phan ym leh nuti, bad phan ym long ka tnga uwei pat: kumta, nga ruh ngan long ha pha.” 4Namar ki khun Israel kin ïaisah bun sngi khlem syiem, bad khlem rangbah, bad khlem jingkñia, bad khlem mawblei, bad khlem ephod lane teraphim: 5hadien kata, ki khun Israel kin sa phai, bad kin sa wad ïa U Trai U Blei jong ki, bad ïa u Dabid u syiem jong ki de; te kin sa wan da ka jingsheptieng ha U Trai bad ha ka jinglehsbun jong u ha ki sngi ki bakhatduh.
The Bible Society of India