DEUTERONOMI 33
33
U Moses u kyrkhu ïa ki khat-ar jaid
1Kane te ka long kata ka jingkyrkhu, da kaba u Moses, uta u briew jong U Blei, u la kyrkhu ïa ki khun Israel mynshuwa ka jingïap jong u. 2U la ong ruh,
“U Trai
u la mih noh na Sinai,
bad u la ïeng na Seir ha ki;
u la tyngshaiñ noh
na u lum Paran,
bad u la wan
lem bad ki shiphew hajar
ki riewkhuid:
ha ka kti kamon jong u
la don ka hukum ba-meh ding
ha ki.
3Shisha, u la ieit ïa uta
u paidlang;
ki riewkhuid jong u baroh
ki don ha ka kti jong me:
ki la ïashong dem
ha ki kjat jong me:
uwei uwei baroh un pdiang
na ki ktien jong me.
4U Moses u la hukum
ïa ka hukum ha ngi,
ïa kaba long
ka bynta pateng
ïa u paidlang jong u Jakob.
5Bad u la long u syiem
ha Jeshurun,
mynba la ïalum lang
ki rangbah u paidlang
bad ki jaid Israel.
6“To ai ba u Reuben un im,
te wat ai ba un ïap noh:
bad wat ai ba ki briew
jong u
kin long khyndiat.”
7Ïa kane ruh ha u Judah; bad u la ong,
“To sngew, A Trai,
ïa ka ktien jong u Judah,
bad to wallam ïa u
sha ki briew jong u:
to ai ba ki kti jong u
kin biang ïa u:
bad to long u nongïarap
na ki nongshun jong u.”
8 #
Eks. 28:30; 17:7; 17:7; Jkñ. 20:13. Bad shaphang u Lebi u la ong,
“To ai ba ki Thummim
bad ki Urim jong me
kin long lem bad u bakhuid
jong me,
ïa uba me la tynjuh ha Massah,
bad uba me la ïa-pyneh
ha ki um Meribah;
9uba la ong ha la u kpa,
bad ha la ka kmie,
‘Ngam shym la ïohi ïa u’;
bad um shym la ithuh
ïa la ki para,
lymne um shym la ithuh
ïa la ki khun:
naba ki la sumar ïa ka ktien
jong me,
bad ki la rakhe ïa ka jutang
jong me.
10Kin hikai
ïa ki jingbishar jong me
ïa u Jakob
bad ka hukum jong me
ïa u Israel:
kin buh ïa ka jingiwbih thang
ha khmat jong me,
bad ïa ka jingkñia
ainguh thang
halor ka duwan jong me.
11To kyrkhu, A Trai,
ïa ka bynta jong u,
bad to pdiang hun
ïa ki kam ki kti jong u:
to da sum lyngba
ïa ka syngkai jong kita
kiba ïeng ïaleh ïa u,
bad ïa kita kiba shun ïa u,
ba kin ym ïeng shuh.”
12Shaphang u Benjamin
u la ong,
“Uba ieit jong U Trai
un shongsuk hajan jong u:
u ban kah ïa u baroh shi sngi,
bad un ïaishong
hapdeng ki tyrpeng jong u.”
13Bad shaphang u Joseph u la ong,
“Yn kyrkhu ïa ka ri jong u
da U Trai;
da ki jingkordor ka bneng,
da ki umjer,
bad da kaba jylliew
kaba thiah shapoh,
14bad da ki soh bakordor
jong ka sngi,
bad da ki soh bakordor
jong u bnai,
15bad da kiei kiei
ki jingkordor
jong ki kliar lum
ba mynbarim,
bad da ki jingkordor
jong ki lum bymjukut,
16bad da ki jingkordor
jong ka khyndew
bad ka jingdap jong ka,
bad da ka mon sngewbha
jong uta uba la shong
ha kata ka 'law lynnong:
te ai ba kin wan ha ka khlieh
u Joseph,
bad ha ka shynrong khlieh
jong uta ïa uba la pynkhlad
na la ki hynmen.
17Ka burom jong u,
kum u khun nyngkong
u masi lyngraw jong u,
bad ki reng jong u,
kum ki reng jong u kynda:
da ki, un tur lang ïa uta
u paidlang,
haduh ki bakut
kata ka pyrthei:
kine ki long ki shiphew hajar
jong u Ephraim,
kine ruh ki hajar
jong u Manasseh.”
18Bad shaphang u Sabulon u la ong,
“To da leh kmen,
ko Sabulon,
ha kaba leit mih noh
jong me;
ko Issakhar ruh,
ha la ki ïingjaiñ.
19Kin ïakhot ïa u paidlang
sha uta u lum;
hangta kin ainguh
da ka jingkñia ka hok:
naba kin ïakjit
ïa ka jingdap
jong ki duriaw,
bad ïa ki jingkynshew
ba la buhrieh
ha u shyiap.”
20Bad shaphang u Gad u la ong,
“Long ba la kyrkhu
ïa uta uba pynïar
ïa u Gad:
u thiah suk kum u sing
bad u tar ïa ka ksang'ti
bad ka shynrong khlieh.
21Bad u la khreh ha lade
ka bynta ka banyngkong;
namar hangta ha ka bynta
u nongai hukum,
la pynshong ïa u;
u la wan bad ki rangbah
u paidlang,
u la pyndep ïa ka hok
jong U Trai,
bad ïa ka jingbishar jong u
bad ki Israel.”
22Bad shaphang u Dan u la ong,
“U Dan u long u khun sing,
uba rynsied keiñ
na Bashan.”
23Bad shaphang u Naphtali u la ong,
“Ko Naphtali, uba la hun
da ka jingsngewbha,
bad ba la dap
da ka jingkyrkhu
U Trai:
to ïoh ma me ïa ka sepngi
bad ka shathie.”
24Bad shaphang u Asher u la ong,
“To ai ban kyrkhu
ïa u Asher da ki khun:
to ai un long
uba la pdiang hun
da la ki para
bad un wieh ïa la ka sla'jat
ha ka umphniang.
25Ki juti jong me kin long
u nar bad ka rnong;
kumba ki sngi jong me,
kumta keiñ kan long
ka bor jong me.
26“Ym don uba kum U Blei,
O Jeshurun,
uba shong kulai halor ki bneng
ïa ka ban ïarap ïa me,
bad halor ki suiñbneng
ha ka jinglong burom
jong u.
27Uta U Blei bymjukut
u long ka jaka rieh ïa me,
bad hapoh ki don kita
ki ksang'ti bymjukut;
un beh noh ïa u nongshun
jong me
na khmat jong me,
bad un ong.
‘To pynduh noh ïa ki.’
28U Israel te
un shongsuk marwei;
ka pukri u Jakob kan long
ha ka ri u Kew bad ka Waiñ:
ki bneng jong u ruh
kin jaw da ka umjer.
29Suk ma me, A Israel:
uei uba kat ma me,
A u paidlang ba la pynim
da U Trai,
uba ka stieh ka jingïarap
jong me,
bad uba long ka waitlam
ka jinglong burom jong me!
bad ki nongshun jong me ruh
kin nguh ïa me;
bad men ïoh ïuh top
halor ki jaka kiba jrong
jong ki.”
Currently Selected:
DEUTERONOMI 33: KHB
Highlight
Copy
Compare
Share
Want to have your highlights saved across all your devices? Sign up or sign in
The Bible Society of India
