DEUTERONOMI 2

Ki snem ha ka ri khlaw

1 # Jkñ. 21:4-20. “Ynda kumta, ngi la ïaphai, bad ngi la ïaid sha kata ka ri khlaw na ka lynti ka Duriaw Basaw, kumba U Trai u la kren ha nga; bad ngi la ïaid sawdong ïa u lum Seir bun sngi, 2U Trai u la kren ruh ha nga, u da ong, 3‘Phi la ïaid sawdong ïa une u lum la biang: to phai phi shaphang shatei. 4#Jen. 36:8.To men hukum ïa u paidbah, da kaba ong, “Phin ïaid lyngba ïa ki rud jong ki para jong phi, ki khun u Iso#2:4 u Iso: U Esau., kiba ïashong sah ha Seir; te kin sheptieng ïa phi: namar kata, to phin sumar biang ïa lade: 5to wat ïashei bad ki; namar ngan ym ai na ka ri jong ki ha phi, em, wat tang shi sien ïuh kjat: naba ïa u lum Seir, nga la ai ka jingïoh pateng ha u Iso. 6Phin thied jingbam na ki da u sbai, ba phin ïoh bam; bad phin thied ïa ka um ruh na ki da u sbai, ba phin ïoh dih. 7Naba U Trai uba U Blei jong me u la kyrkhu ïa me ha ki kam ka kti jong me baroh: u ithuh keiñ ïa ka jingïaid jong me lyngba kane ka ri khlaw bakhraw: kine sawphew snem, U Trai uba U Blei jong me u la don ryngkat bad me; mem shym la duna ei ei ruh em.” ’ 8Te ngi la ïaid lait na ki para jong ngi, ki khun u Iso, kiba ïashong sah ha Seir, na ka lynti jong ka madan na Elath bad na Esion-geber.

“Bad ngi la ïaphai pat, bad ngi la ïaid ruh na ka lynti ka ri khlaw Moab. 9#Jen. 19:37.U Trai te u la ong ha nga, ‘Wat pynjynjar ïa ki Moab, lymne wat ïaleh thma ïa ki: naba ngan ym ai ka bynta trai ha me na ka ri jong ki; naba ïa ka Ar, nga la ai ka bynta trai ha ki khun u Lot.’ 10(Ki Emim ki la ju ïashong sah ha ka mynbarim, ki briew kiba khraw, bad kiba bun eh, bad kiba jrong rynïeng ruh, kat kita ki Anak: 11la ñiew ki riewradbah ïa ki ruh, kum kita ki Anak hi; hynrei, ki Moab ki khot ‘ki Emim’ ïa ki. 12Ki Hor ruh ki la ïashong sah ha Seir mynshuwa, hynrei, ki khun jong u Iso, ynda ki la lah jop thiaw ïa ki ha khmat jong ki, ki la ïabud hadien jong ki, bad ki la ïashong sah ruh ha ka jaka jong ki; kumba ki Israel ki la leh ïa ka ri ka jingïoh pateng jong ki, ïa kaba U Trai u la aiti ha ki.) 13‘To ïeng, bad phin ïaleit ruh sha shiliang ka wah Sered.’ Te ngi la ïaleit sha shiliang kata ka wah Sered. 14#Jkñ. 14:28-35.Te kita ki sngi, naduh ba ngi la ïaid na Kadesh-barnea haduh ba ngi la ïawan poi sha shiliang kata ka wah Sered, ki la long laiphew phra snem; tad ynda kata ka pateng bynriew jong kita ki briew kiba ïaleh thma ka la ïap duh noh baroh napdeng uta u paidbah, kumba U Trai u la lah smai ha ki. 15Naba shisha ka kti U Trai ka la ïaleh pyrshah ïa ki, ïa ka ban pynjot noh ïa ki napdeng uta u paidbah, tad ynda ki la duh noh khoit.

16“Ka la jia te, mynba kita ki riewthma ki la duh noh baroh, bad ki la ïap noh napdeng uta u paidbah, 17ba U Trai u la kren ha nga, u da ong, 18‘Men sa ïaid lait ha kane ka sngi lyngba ka Ar, ki pud Moab: 19#Jen. 19:38.te haba me wan poi marpyrshah ki khun u Ammon, wat pynjynjar ïa ki, lymne wat ïashei bad ki; naba na ka ri ki khun u Ammon, ngan ym ai ka bynta trai ha me: namar nga la ai ïa ka, ïa ka ban long ka bynta pateng ïa ki khun u Lot.’ 20(Ïa kata ruh, la ñiew ka ri ki riewradbah: ki riewradbah ki la ju shong sah ha ka, mynhyndai; ki Ammon ki khot ïa ki, ‘ki Samsum’; 21ki briew bakhraw, bad kiba bun, bad kiba jrong rynïeng ruh, kat kita ki Anak; hynrei, U Trai u la pynjot thiaw ïa ki na khmat jong ki; te ki la wan hadien jong ki, bad ki la ïashong sah ruh ha ka jaka jong ki: 22kumba u la leh ïa ki khun u Iso, kiba la shong sah ha Seir, mynba u la pynjot noh ïa ki Hor na khmat jong ki; te ki la ïabud hadien jong ki, bad ki la ïashong sah ha ka jaka jong ki, haduh kane ka sngi keiñ: 23kumta, kita ki Abbim kiba la ju shong sah ha Haserim haduh Gasa, kita ki Kaphtor kiba la ïawan mih noh ha ka ri Kaphtor, ki la pynjot noh ïa ki, bad ki la shong sah ha ka jaka jong ki.) 24‘To ïeng joit phi, to nang leit, bad to nang ïaid ruh sha shiliang ka wah Arnon: ha khmih, nga la ai ha ka kti jong me ïa u Sihon u kynja Amor, u syiem ka Heshbon, bad ïa ka ri jong u; to sdang ban shimti ïa ka, bad to ïaleh thma ïa u ruh. 25Ha kane ka sngi ngan sdang ban buh ïa ka jingshyrkhei ïa me, bad ïa ka jingsheptieng ïa me halor ki jaid bynriew kiba hapoh ka bneng baroh kawei, kat ki ban bna shaphang jong me, kin khynñiuh, bad kin sngewjynjar sat ruh namar jong me.’

Ki Israel ki jop ïa u Sihon

(Jkñ. 21:21-30)

26 # Jkñ. 21:21-32. “Nga te nga la phah ïa ki nonglam-ktien na ka ri khlaw Kedemoth, ha u Sihon u syiem ka Heshbon, da ki ktien ka jingïasuk, da kaba ong, 27‘To ai ba ngan leit lyngba ka ri jong me: ngan shu ïaid na ka lynti bah, ngan ym phai lymne sha kamon lymne sha kadiang. 28Men die jingbam ïa nga namar u sbai, ba ngan ïoh bam; to men ai um ruh ïa nga namar u sbai, ba ngan ïoh dih; tang ba ngan ïaid da la ki kjat; 29kumba la leh ha nga, da ki khun u Iso kiba ïashong sah ha Seir, bad ki Moab kiba ïashong sah ha Ar: tad ynda ngan ïoh leit sha shiliang ka Jordan sha kata ka ri kaba U Trai uba U Blei jong ngi u ai ha ngi.’ 30Hynrei, u Sihon u syiem ka Heshbon um shah keiñ ïa ngi ban ïaid lait hajan jong u: naba U Trai uba U Blei jong me u la pyneh ïa ka mynsiem jong u, bad u la pynmutlop ïa ka dohnud jong u, khnang ban aiti ïa u ha ka kti jong me, kumba ka paw ha kane ka sngi. 31Te U Trai u la ong ha nga, ‘Ha khmih, nga la sdang ban aiti ïa u Sihon bad ïa ka ri jong u ha khmat jong me; to sdang ban shimti, ba men ïoh pateng ïa ka ri jong u.’ 32Ynda kumta, u Sihon u la wan mih noh pyrshah ïa ngi, ma u bad u paidbah jong u baroh, ïa ka ban ïaleh thma ha Jahas. 33Bad U Trai uba U Blei jong ngi te u la aiti ïa u ha khmat jong ngi; bad ngi la ïashoh ïap ïa u, bad ïa ki khun shynrang jong u, bad ïa u paidbah jong u baroh de. 34Bad ngi la ïashim ruh ïa ki nongbah jong u baroh ha kata ka por, bad ngi la ïa-pynduh noh khoit ïa ki rangbah, bad ïa ki kynthei bad ïa ki khynnah, na ki nongbah baroh; te ngim shym la pynsah ïa uwei ruh; 35tang ïa ki jingri, ngi la ïashim kum ka jinglute ha lade hi, lem bad ka jinglute jong kita ki nongbah ïa kiba ngi la jop. 36Naduh Aroer, kaba harud ka wah Arnon, bad naduh kata ka nongbah kaba harud kata ka wah, haduh Gilead, ym don kawei ka nongbah kaba la ïohlait na ngi: U Trai uba U Blei jong ngi, u la aiti ïa ki baroh ha ngi: 37tang sha ka ri ki khun u Ammon, mem shym la wan poi: lymne sha kano kano ruh ka jaka harud ka wah Jabbok, lymne sha ki nongbah kiba ha kita ki lum, lymne shano shano ruh ba U Trai uba U Blei jong ngi u la adong ïa ngi.

Currently Selected:

DEUTERONOMI 2: KHB

Highlight

Copy

Compare