DEUTERONOMI 18

Ka hok ki lyngdoh bad ki Lebi

1 # Jkñ. 18:20-24. “Kita ki lyngdoh ki Lebi, kiba na ka jaid Lebi baroh, kin ym ïoh ka bynta, lymne ka jingïoh pateng lem bad ki Israel, kin ïoh bam ïa ki jingkñia ainguh da ka ding jong U Trai, bad ïa ka bynta pateng jong u. 2#Jkñ. 18:20.Te kin ym ïoh ka jingïoh pateng hapdeng ki para jong ki: U Trai u long keiñ ka bynta pateng jong ki, kumba u la kren ha ki. 3Kane te kan long ka bynta u lyngdoh na u paidbah, na kita keiñ kiba kñia ainguh ïa ka jingkñia, la u long u masi, ne ka langbrot, te kin ai ha u lyngdoh ïa ka kti, bad ïa ki ngab baroh ar, bad ïa ka 'nierbah. 4Ïa u soh nyngkong u Kew jong me, ïa ka Waiñ jong me, bad ïa ka umphniang jong me, bad ïa uba la ot nyngkong na u shñiuh ki langbrot jong me, men ai ha u. 5Namar U Trai uba U Blei jong me, u la jied ïa u na ki jaid jong me baroh, ban ïeng ïa ka ban shakri ha ka kyrteng U Trai, ïa u bad ïa ki khun shynrang jong u ha la ka rta.

6“Te lada u Lebi u wan na kano kano na ki khyrdop jong me ha Israel baroh, ha kaba u ju shong basa, bad ba u wan da ka jingkwah ka dohnud jong u baroh sha kata ka jaka ïa kaba U Trai un jied; 7te un shakri ha ka kyrteng U Trai uba U Blei jong u, kumjuh kum kita ki Lebi ki para jong u baroh, kiba ïeng hangta ha khmat U Trai. 8Kin ïoh kijuh ki bynta ban bam, nalor kata kaba mih na kaba die ïa ka bynta kaba hiar na ki kpa jong u.

Ka jingmaham pyrshah ïa ki jingijli ki jaid bynriew

9“Ynda me la wan sha kata ka ri ïa kaba U Trai uba U Blei jong me u ai ha me, men ym hikai ban bud ïa ki jingijli jong kita ki jaid bynriew. 10#Eks. 22:18; Leb. 19:26,31; 20:6,27.Wat ai ba yn shem hapdeng jong phi, uba pynïaid ïa la u khun, lane ïa la ka khun, lyngba ïa ka ding, lane uba leh blei, lane uba khan por, lane uba kren byrtong, lane uba ai ksuid, 11#Leb. 19:31.lane uba pynthame, lane uba khan ai ksuid, lane uba leh byrtong, lane uba kheiñ ksuid ïap. 12Naba baroh kiba leh ïa kine kiei kiei ruh, ki long ka jingijli ha U Trai: bad na ka bynta kine ki jingijli, U Trai uba U Blei jong me u beh noh ïa ki na khmat jong me. 13#Mat. 5:48.To men long uba janai bad U Trai uba U Blei jong me. 14Namar kine ki jaid bynriew, ïa kiba men ïoh, ki la shahshkor ïa ki nongkhan por, bad ïa ki nongleh blei: hynrei ïa me, U Trai uba U Blei jong me um shah keiñ ba men leh kumta.

Ka jingkular ïa u nongïathuhlypa

15 # Ki Kam. 3:22,23; 7:37. “U Trai uba U Blei jong me un pynmih ha me ïa u nongïathuhlypa napdeng jong me, na ki para jong me, uba kum ma nga: ïa u phin shahshkor; 16kat kumba me la kwah baroh na U Trai uba U Blei jong me ha Horeb ha ka sngi kata ka jingïaseng, da kaba ong, ‘Wat ai ngan ïohsngew shuh ïa ka ktien U Trai uba U Blei jong nga, lymne wat ai ba ngan ïohi shuh ïa kane ka ding ka bakhraw, ïoh ngan ïap.’ 17Te U Trai u la ong ha nga, ‘Kata ïa kaba ki la kren ka long kaba dei. 18Ngan pynmih ha ki ïa u nongïathuhlypa napdeng ki para jong ki, uba kum ma me keiñ; bad ngan buh ïa ki ktien jong nga ha ka shyntur jong u, bad un kren ha ki ïa kata baroh ïa kaba ngan hukum ïa u. 19#Ki Kam. 3:23.Te kan jia, ba uno uno ruh u bym shahshkor ïa ki ktien jong nga ïa kiba un kren ha ka kyrteng jong nga, ngan dawa ïa kata na u. 20Hynrei, uta u nongïathuhlypa uba nud kren ïa ka ktien ha ka kyrteng jong nga, ïa kaba ngam shym la hukum ïa u ban kren, lane u ban kren ha ka kyrteng kiwei kiwei pat ki blei, ïa uta u nongïathuhlypa yn pynïap noh.’ 21Lada men ong te ha la ka dohnud, ‘Hato kumno ngin tip ïa kata ka ktien ïa kaba U Trai um shym la kren?’ 22Haba u nongïathuhlypa u kren ha ka kyrteng jong U Trai, lada kata ka ktien kam urlong kumta, lymne kam wan jia, ïa kata ka ktien keiñ, U Trai um shym la kren: hynrei, uta u nongïathuhlypa u la kren ïa ka da kaba kob sob, men ym sheptieng ïa u.

Currently Selected:

DEUTERONOMI 18: KHB

Highlight

Copy

Compare