DEUTERONOMI 17

1 # Leb. 22:17-24. “Men ym kñia ainguh ha U Trai uba U Blei jong me da u masi, lane da ka langbrot, ha kiba don ka bathoh, lane kaei kaei ruh ka basniew: namar kata ka long kaba ijli ha khmat U Trai uba U Blei jong me.

2 # Eks. 22:20. “Lada yn shem hapdeng jong phi, hapoh kawei na ki khyrdop jong me ïa kiba U Trai uba U Blei jong me u ai ha me, ïa u briew lane ka briew, ba la leh ïa ka basniew ha khmat U Trai uba U Blei jong me, da kaba ryngkang ïa ka jutang jong u, 3bad ki la leit bad ki la shakri ïa kiwei pat ki blei, bad ki da mane ïa ki, ïa ka sngi, lane ïa u bnai, lane ïa kino kino ruh ki paidbah bneng, ïa kiba ngam shym la hukum: 4Te haba la ïathuh ha me, bad haba me la ïohsngew ruh, bad me la tohkit biang biang ruh, te ha khmih, lada long kaba shisha bad kaba skhem, ba la leh kaba ijli kat kata ha Israel: 5Ynda kumta, men wallam noh ïa uta u briew, lane ïa kata ka briew, kiba la leh ïa kata ka bymman, sha ki khyrdop jong me, ïa uta u briew, lane ïa kata ka briew keiñ, bad men lynthem ïa ki da ki maw, ha ban da ki ïap. 6#Jkñ. 35:30; Deu. 19:15; Mat. 18:16; 2 Kor. 13:1; 1 Tim. 5:19; Heb. 10:28.Ha ka shyntur ar ngut ki nongsakhi, ne lai ngut ki nongsakhi, yn pynïap noh ïa uta uba dei ban ïap; hynrei, ha ka shyntur uwei u nongsakhi keiñ, yn ym pynïap noh ïa u. 7#Deu. 19:19; 1 Kor. 5:13.Ki kti kita ki nongsakhi kin long ki banyngkong halor jong u, ïa ka ban pynïap noh ïa u, te hadien kata, sa ki kti u paidbah baroh. Kumta keiñ, men pynduh noh ïa kata ka basniew napdeng jong phi.

8“Lada kan mih kaei kaei ruh ka kam ba kham eh ïa me ha ka jingbishar, hapdeng ka snam bad ka snam, hapdeng ka jingdawa bad ka jingdawa, bad hapdeng kaba shoh bad kaba shoh, ha ki kynja ki jingïakajia keiñ hapoh ki khyrdop jong me: ynda kumta men ïeng, bad men leit kiew ruh sha kata ka jaka ïa kaba U Trai uba U Blei jong me un jied; 9bad men wan sha kita ki Lebi ki lyngdoh, bad sha uta u nongbishar u ban long ha kita ki sngi: te men kylli ïit biang; ki te kin ïa-pyni ha me ïa ka rukom ka jingbishar: 10te men leh ruh katba kum kata ka rukom, ïa kaba kita na kata ka jaka ïa kaba U Trai u la jied kin ïa-pyni ha me; bad to men sumar ruh ban leh katba kum ïa kata baroh ba kita kin ïa-pyni ha me: 11to men leh katba kum ka rukom jong kata ka hukum ïa kaba kin hikai ïa me, bad katba kum kata ka jingbishar ïa kaba kin ïathuh ha me; wat kiar noh na kata ka rukom ba kin ïa-pyni ha me, sha kamon, lymne sha kadiang. 12Te uta u briew uba nud leh meng khlem da shahshkor ïa uta u lyngdoh uba ïeng ban shakri hangta ha khmat U Trai uba U Blei jong me, lane ïa uta u nongbishar, te ïa uta u briew yn pynïap noh: bad men ïoh pynduh noh ïa kata ka basniew na Israel. 13Bad uta u paidlang baroh un ïohsngew, bad kin ïasheptieng ruh, kin ym nud leh meng shuh.

14 # 1 Sam. 8:5. “Ynda me la wan sha kata ka ri ïa kaba U Trai uba U Blei jong me u ai ha me, bad ba me la ïoh ïa ka, bad ba me la shongneh ha ka; te lada men ong, ‘Ngan thung da u syiem halor jong nga, kum kita ki jaid bynriew baroh kiba don baroh sawdong ïa nga’; 15men thung ïa u syiem la kumno kumno halor jong me, da uta uba U Trai uba U Blei jong me un jied: napdeng ki para jong me keiñ, men thung ïa u syiem halor jong me: kam dei ïa me ban thung da u nongwei halor jong me, u bymlong u para jong me. 16#1 Syiem. 10:28; 2 Khrn. 1:16; 9:28.Hynrei, un ym pynbun ïa ki kulai ha lade, lymne pynphai pat ïa uta u paidlang sha ka ri Ijipt, khnang ba un ïoh pynbun ïa ki kulai: namar U Trai u la ong ha phi, ‘Wat leit phai pat shuh da kata ka lynti.’ 17#1 Syiem. 11:1-8; 10:27; 2 Khrn. 1:17; 9:27.Lymne un ym ri ha lade bun ki tnga, ba ka dohnud jong u kan ym bakla noh: lymne un ym kynshew eh ïa ka rupa bad ïa ka ksiar ha lade.

18“Kan long ruh, ynda u la shong halor ka khet ka hima jong u, ba un thoh ha lade ka nokol#17:18 ka nokol: Ka kopi. na kane ka hukum ha ka kitab, na kata kaba ha khmat kita ki lyngdoh ki Lebi keiñ. 19Te kata kan long lem bad u, bad un pule ha ka baroh ki sngi ka rta jong u: ba un ïoh nang ban sheptieng ïa U Trai uba U Blei jong u, ïa ka ban rakhe ïa ki ktien baroh jong kane ka hukum bad ïa kine ki aiñ, ïa ka ban leh ïa ki: 20ba ka dohnud jong u kan ym sngewsarong halor ki para jong u, bad ba un ym phai noh na kata ka hukum, sha kamon ne sha kadiang: khnang ba un pynslem ïa ki sngi jong u ha la ka hima, ma u bad la ki khun, hapdeng ki Israel.

Currently Selected:

DEUTERONOMI 17: KHB

Highlight

Copy

Compare