DEUTERONOMI 16
16
Lai tylli ki Jingleh Niam kiba dei ban rakhe
(Eks. 23:14-17; 34:18-24)
1 #
Eks. 23:14-17; Leb. 23:1-44; Jkñ. 28:1—29:40. “To sumar ïa u bnai Abib, bad to rakhe ruh ïa Ka Niam Ka Jinglait ha U Trai uba U Blei jong me: namar ha uta u bnai Abib, U Trai uba U Blei jong me u la wallam noh ïa me na ka ri Ijipt, mynmiet. 2Namar kata, to men kñia ïa Ka Jinglait ïa U Trai uba U Blei jong me, na ki langbrot, bad na ki masi, ha kata ka jaka ïa kaba U Trai uba U Blei jong me un jied ban buh ïa la ka kyrteng ha ka. 3Men ym bam ïa u kpu ba don thiat lem bad ka; hynñiew sngi men bam ïa u kpu bakhlem thiat lem bad ka, ïa u kpu ka jingshitom keiñ; namar da kaba kyrkieh, me la mih noh na ka ri Ijipt: ba me lah ban kynmaw ïa kata ka sngi ha kaba me la mih noh na ka ri Ijipt, baroh ki sngi ka rta jong me. 4Wat ai ba yn ïohi bad me, ïa u kpu ba don thiat ha ki phang jong me baroh hynñiew sngi; lymne wat pynsah ei ei ruh na ka doh baroh shi miet haduh mynstep, ïa kaba phi la kñia ha ka por janmiet, ha ka sngi nyngkong. 5Mem lah ban kñia ïa Ka Jinglait hapoh kano kano ruh na ki khyrdop jong me, ïa kiba U Trai uba U Blei jong me u ai ha me: 6hynrei, ha kata ka jaka ïa kaba U Trai uba U Blei jong me un jied, ban buh ïa la ka kyrteng ha ka, hangta keiñ, men kñia ïa Ka Jinglait ha ka por janmiet, hamar ba sep ka sngi, kumba ha ka por ba me la mih noh na ka ri Ijipt. 7Bad men syang, bad bam ruh ïa ka ha kata ka jaka kaba U Trai U Blei jong me un jied; bad ha kaba mynstep, men leit phai pat, bad men leit ruh sha la ki ïingjaiñ. 8Hynriew sngi, men ïoh bam ïa u kpu bakhlem thiat: bad ha ka bahynñiew sngi te, kan long ka jingïaseng bakyntang ha U Trai uba U Blei jong me; men ym leh ïa kaei kaei ruh ka kam ha ka.
9 #
Leb. 23:15-21; Jkñ. 28:26-31. “To men kheiñ ha lade hynñiew ki taïew: da kaba sdang kheiñ ïa kita ki hynñiew ki taïew naduh ka por ba me sdang ban ot ïa u Kew. 10Bad men rakhe ïa Ka 'Niam Ki Taïew ha U Trai uba U Blei jong me da ka jingainguh sngewbha ka kti ïa kaba men ainguh, katba U Trai uba U Blei jong me u la kyrkhu ïa me: 11To men ïalehkmen ruh ha khmat U Trai uba U Blei jong me, ma me, bad u khun jong me, bad ka khun jong me, bad u shakri jong me, bad ka shakri jong me, bad u Lebi ruh uba hapoh ki khyrdop jong me, bad u nongwei, bad ki khunswet, bad ki riewkynthei de, kiba hapdeng jong phi, ha kata ka jaka ïa kaba U Trai uba U Blei jong me u la jied ban buh ïa la ka kyrteng ha ka. 12To men kynmaw ruh, ba me la ju long u mraw ha ka ri Ijipt: bad to men sumar bad to leh ruh ïa kine ki hukum.
13 #
Leb. 23:33-36,39-43; Jkñ. 29:12-38. “To men rakhe ïa Ka 'Niam Ki Ïingtrep, hynñiew sngi, ynda me la ïalum ïa la u Kew, bad ïa la ka Waiñ: 14To men ïalehkmen ha la Ka Jingkhawai Niam, ma me, bad u khun jong me, bad ka khun jong me, bad u shakri jong me, bad ka shakri jong me, bad u Lebi, bad u nongwei, bad ki khunswet, bad ki riewkynthei ruh, kiba hapoh ki khyrdop jong me. 15Hynñiew sngi, men rakhe ïa Ka Jingkhawai Niam bakyntang ïa U Trai uba U Blei jong me ha kata ka jaka ïa kaba U Trai un jied: namar U Trai uba U Blei jong me un kyrkhu ïa me ha ka jingmih jong me baroh, bad ha ki kam ki kti jong me baroh, namar kata, to men leh kmen da shisha.
16“Lai sien shi snem, kin ïapaw ki shynrang jong me baroh ha khmat U Trai uba U Blei jong me ha kata ka jaka ïa kaba un jied; ha Ka Jingkhawai Niam U Kpu Bakhlem Thiat, bad ha Ka Jingkhawai Niam Ki Taïew, bad ha Ka Jingkhawai Niam Ki Ïingtrep: hynrei, kin ym ïapaw thylli keiñ ha khmat U Trai: 17Man la u briew un ai katba u don bor, katba kum kata ka jingkyrkhu U Trai uba U Blei jong me ïa kaba u la ai ha me.
Shaphang ki nongbishar bad ka jingbishar hok
18“Men thung ha lade ïa ki nongbishar, bad ïa ki rangbah hapoh ki khyrdop jong me baroh, ïa kiba U Trai uba U Blei jong me u ai ha me, ha ki jaid jong me baroh: bad kin ïabishar ïa ki briew da ka jingbishar bahok. 19#Eks. 23:6-9; Leb. 19:15.Men ym pynkynriang ïa ka jingbishar; me wat ñiew shiliang khmat: wat bamsap; namar kaba bamsap, ka pynmatlah ïa ki khmat jong ki bastad, bad ka pynkylla dor ïa ki ktien jong ki bahok. 20Tang ïa ka hok, ïa ka hok keiñ men bud, ba men ïoh im, bad men ïoh pateng ruh ïa kata ka ri, ïa kaba U Trai uba U Blei jong me u ai ha me.
21 #
Leb. 26:1. “Men ym thung ka 'law kyntang ïa lade da kino kino ruh ki kynja dieng hajan ka duwan U Trai uba U Blei jong me, ïa kaba men thaw ïa lade. 22#Leb. 26:1.Lymne, wat pynïeng ïa kano kano ruh ka dur bleithaw; ïa kaba U Trai uba U Blei jong me u isih.
Currently Selected:
DEUTERONOMI 16: KHB
Highlight
Copy
Compare
Share
Want to have your highlights saved across all your devices? Sign up or sign in
The Bible Society of India