DEUTERONOMI 14

Kam dei ïa ki khun U Blei ban pynisih ïa lade haba ïambriew

1 # Leb. 19:28; 21:5. “Phi long ki khun U Trai uba U Blei jong phi: phin ym ot ïa lade, lymne wat khi hapdeng ki khmat jong phi na ka bynta kiba la ïap. 2#Eks. 19:5,6; Deu. 4:20; 7:6; 26:19; Tit. 2:14; 1 Pet. 2:9; Jpw. 1:6; 5:10.Namar me long u paidlang u bakyntang ha U Trai uba U Blei jong me, U Trai ruh u la jied ïa me, ban long u paidlang ba dei la u jong hi, nalor kita ki jaid bynriew baroh kiba don ha ka pyrthei.

Kiba kumno ki jaid mrad ki bakhuid, bad ki bymkhuid

(Leb. 11:1-47)

3 # Leb. 11:2-23. “Men ym bam ei ei ruh kaba sang jli. 4Kine keiñ, kita ki mrad ïa kiba phin bam: ïa u masi, ïa ka langbrot, bad ïa ka blang, 5ïa ka khiat, bad ïa u 'keirang, bad ïa u bthong, bad ïa u 'lang khlaw, bad ïa u mynthna, bad ïa u shynreh, bad ïa u 'lang lum. 6Bad ïa u mrad baroh uba pait khnap, bad uba phiah ar liang ki ar khnap, bad uba ktha ar sien hapdeng ki mrad, ïa uta phin ïoh bam keiñ. 7Hynrei, ïa kine phin ym bam na kita kiba ktha ar sien, lane na kita kiba pait khnap: ïa ka ut, bad ïa ka arnabeth#14:7 ka arnabeth: Ka Ut., bad ïa u heiraks, la ki ktha ar sien hynrei namar ba kim pait khnap, ki long ki bymkhuid ïa phi: 8Bad ka sniang ruh, la ka pait khnap, hynrei, namar kam ktha ar sien, ka long kaba sang ïa phi: phi wat bam na ka doh jong ki, lymne wat ktah ïa ki metïap jong ki.

9“Ïa kine keiñ, phin ïoh bam na kita baroh kiba hapoh ki um: ïa kita baroh kiba don ki shnet bad ki snep, phin ïoh bam: 10hynrei, ïa kaei kaei baroh ka bymdon ki shnet bad ki snep, phin ym ïoh bam; ka long kaba sang ïa phi. 11Ïa ki kynja sim bakhuid baroh, phin ïoh bam. 12Hynrei, kine keiñ, ki long ïa kiba phin ym bam: ïa ka siarali, bad ïa ka khlieng duriaw, bad ïa ka khlieng ïong; 13bad ïa ka pukni, bad ïa ka khlieng, bad ïa ka pukni ha la ka jaid; 14bad ïa ka tyngab baroh, ha la ka jaid; 15bad ïa ka dkhoh lieh, bad ïa u kbeit miet, bad ïa ka khapsnem, bad ïa u kbeit ha la ka jaid; 16ïa ka khwak, bad ïa ka dkhoh, bad ïa ka thring; 17bad ïa ka pelikan, bad ïa u proh jyndem, bad ïa ka tyngab duriaw; 18bad ïa ka lak-lak, bad ïa ka saro ha la ka jaid, bad ïa u sim tyngwieng, bad ïa u lymbit. 19Bad ïa ki kynja bapar baroh ki baher ki long kiba sang ïa phi: kam dei ban bam ïa ki. 20Hynrei, ïa ki kynja sim baroh ki bakhuid to phin ïoh bam.

21 # Leb. 11:39,40; 17:15; Eks. 23:19; 34:26. “Phin ym ïoh bam ïa kaei kaei ruh ka baïap hi: men ai ïa ka ha u nongwei uba ha ki khyrdop jong me, ba un ïoh bam ïa ka; lane me lah ban die ïa ka ha u nongwan hap: naba me long u paidlang u bakyntang ha U Trai uba U Blei jong me.

“Men ym shet ïa u khun blang ha ka dud la ka kmie.

Kaba shiphew ka jingshakri ïa U Blei

22 # Leb. 27:30-33; Jkñ. 18:21-32. “Shisha men ai ïa kaba shiphew na kata ka jingmih u symbai jong me baroh, kaba mih na ka lyngkha, man la ka snem. 23Bad to men bam ha khmat U Trai uba U Blei jong me ha kata ka jaka ïa kaba un jied ban buh ïa la ka kyrteng ha ka, ïa kaba shiphew na u Kew jong me, na ka Waiñ jong me, bad na ka umphniang jong me, bad na kiba kha nyngkong ki masi jong me, bad ki blang jong me; ba men dup nang ban sheptieng ïa U Trai uba U Blei jong me ha la ka sngi. 24Te lada ka lynti ka long jngai ïa me, ba mem lah ban wallam ïa ki, lane lada kata ka jaka ka kham jngai na me, ïa kaba U Trai uba U Blei jong me un jied ban buh ïa la ka kyrteng ha ka, ynda U Trai uba U Blei jong me u la kyrkhu ïa me: 25ynda kumta, men ïapeiñ ïa ka da u sbai, bad to tehsong ruh ïa kita ki sbai ha la ka kti, bad to leit sha kata ka jaka ïa kaba U Trai uba U Blei jong me un jied: 26bad men thied da kita ki sbai ïa kaei kaei ba ka mynsiem jong me ka kwah eh, ïa ki masi, lane ïa ki langbrot, lane ïa ka Waiñ, lane ïa ka kyiad, lane ïa kaei kaei ruh ba ka dohnud jong me ka kwah: bad to men bam hangta ha khmat U Trai uba U Blei jong me, bad to men ïoh leh kmen ruh, ma me lem bad la ka ïing: 27bad u Lebi ruh uba hapoh ki khyrdop jong me, men ym klet ïa u; naba um don ka bynta, lane ka jingïoh pateng lem bad me.

28“Ha ka bakut ki lai snem, men wallam noh ïa kaba shiphew baroh jong ka jingmih jong me ha kata ka snem, bad men kynshew noh ïa ka hapoh ki khyrdop jong me: 29bad u Lebi ruh, namar ba um don ka bynta, lane ka jingïoh pateng lem bad me, bad u nongwei, bad ki khunswet, bad ka riewkynthei, kiba hapoh ki khyrdop jong me, kin ïawan, kin ïabam ruh bad kin kdang; ba U Trai uba U Blei jong me un kyrkhu ïa me ha ki jingleh ka kti jong me baroh ïa kiba me leh.

Currently Selected:

DEUTERONOMI 14: KHB

Highlight

Copy

Compare