KI KAM 18

U Paul ha Korinth

1Hadien kine kiei kiei ruh, u la kynriah noh na Athen bad u la wan sha Korinth. 2Haba u la shem ïa uwei u Jiw uba kyrteng “u Akwila”, u briew uba na Pontos ha ka jaid#18:2 u briew uba na Pontos ha ka jaid: U trai-shnong na Pontos., uba la wan dang shibit na Itali, bad ka Priskila ka tnga jong u, namar u Klaudios u la lah hukum ïa ki Jiw baroh ban kynriah noh na Rom, u la wan ha ki. 3Te namar ba u la long uba ju trei kajuh ka kam, u la ïaisah bad ki, bad ki la ïatrei; namar ha la ka kam ki la long ki nongthaw ïingjaiñ. 4Te u la ju pyni nia ha ka synagog man la ka sngi Sabbaton, bad u la ju pyrshang pynkohnguh ïa ki Jiw ruh bad ïa ki Grik.

5Te mynba u Silas bad u Timothi ki la ïawan hiar na Makedonia, la pynshit rhem ïa u Paul da kata ka ktien, u da phla ha kita ki Jiw ba U Jisu u long uta U Khrist. 6Te haba ki la ïeng ïaleh pyrshah bad krenbeiñ, u la kynther noh ïa la ki jaiñ, bad u la ong ha ki, “Ka snam jong phi kan long halor ka khlieh jong phi hi! nga khuid: naduh mynta ngan leit sha ki Jentil.” 7Te u la leit noh nangta, bad u la leit hapoh ka ïing jong uwei u briew uba kyrteng “u Titos Justos”, uba mane ïa U Blei, uba ka ïing jong u ka la long ha syndah kata ka synagog. 8Te u Krispos, u nongsynshar ka synagog u la ngeit ha U Trai lem bad ka ïing jong u baroh; bun ruh na ki nong Korinth haba ki la ïohsngew, ki la ngeit, bad la pynbaptis ïa ki. 9#Isa. 43:5; Jer. 1:8.Ynda kumta, U Trai u la ong ha u Paul da ka jingithuhpaw mynmiet, “Wat sheptieng, hynrei, to kren, bad wat sngap jar ruh; 10naba nga long ryngkat bad me, bad ym don u briew u ban ïaleh ïa me ïa ka ban pynsniew ïa me; naba nga don bun briew ha kane ka nongbah.” 11Te u la ïaishong shi snem hynriew bnai, u da hikai ïa ka ktien U Blei hapdeng jong ki.

12Te mynba u Gallio u la long lyngskor ha Akhaïa, ki Jiw da kawei ka jingmut ki la ïeng ïaleh pyrshah ïa u Paul, bad ki la wallam ïa u ha ka khet bishar, 13ki da ong, “Une u briew u pynkohnguh ïa ki briew ban mane ïa U Blei pyrshah ïa ka hukum.” 14Hynrei, haba u Paul un sa ang la ka shyntur, u Gallio u la ong ha kita ki Jiw, “Lada shisha ka la long ka kam bymdei lane ka kam runar, A phi ki Jiw, kan da shongnia ba ngan shahshkor ïa phi: 15hynrei, lada ka jingïasaid ka long shaphang ki ktien, bad ki kyrteng, bad ka hukum jong phi, khmih hi ma phi ïa kata; nga ngam mon ban long u nongbishar shaphang kine kiei kiei ruh.” 16Bad u la beh noh ïa ki na kata ka khet bishar. 17Ynda kumta, ki baroh ki la kem ïa u Sosthenis, u nongsynshar ka synagog, bad ki la shoh ïa u ha khmat kata ka khet bishar. U Gallio te um suidñiew ei ei ruh ïa kita kiei kiei.

Ka jingwan phai sha Antiok

18 # Jkñ. 6:18. Hynrei, u Paul ynda u la nang sah bun sngi hadien kane, u la ïabidai ïa ki parabangeit, bad u la leit noh nangta da ka lieng sha Syria lem bad ka Priskila bad u Akwila uba u la lah khi ïa la ka khlieh ha Kenkhria, namar u la bat ka kular. 19Te ki la wan sha Ephesos, bad u la iehnoh sah ïa ki hangta: hynrei, u hi haba u la leit rung shapoh ka synagog, u la pyni nia ha ki Jiw. 20Haba ki te ki la ïakyrpad ïa u ban sah kham slem, u, um treh; 21hynrei, u la bidai ïa ki, u da ong, “Ngan wan phai pat ha phi lada mon U Blei.” Kumta, u la mih noh da ka lieng na Ephesos.

22Bad ynda u la lah hiar lieng ha Kaisaria, u la leit kiew bad u la khublei ïa kata ka balang, bad u la leit hiar sha Antiok. 23Te ynda u la lah shong katto katne hangta, u la leit noh, u da ïaid ïa ka ri Galatia bad Phrygia ter ter, u da pynskhem ïa ki synran baroh.

U Apollos u ïalap ha Ephesos

24Te uwei u Jiw uba kyrteng “u Apollos”, uba dei u nong Aleksandria, u briew uba pnah, u la wan sha Ephesos; bad u la long uba nang eh ha Ki Jingthoh Bakhuid. 25Ïa une, la hikai ha ka lynti U Trai; bad namar ba u long uba shitrhem ha ka mynsiem, u la kren bad u la hikai biang biang ïa kiei kiei ruh shaphang U Jisu, u da sngewthuh tang ïa ka jingbaptis u Ïoannis. 26Une te, u la sdang ban kren shlur ha ka synagog; hynrei, haba u Akwila bad ka Priskila ki la lah sngew ïa u, ki la ïakhot ïa u sha ki, bad ki la batai kham bniah ha u ïa ka lynti U Blei. 27Te haba u la kwah ban leit sha shiliang sha Akhaïa, kita ki parabangeit ki la pynshlur ïa u, bad ki la ïathoh sha ki synran ban pdiang ïa u; bad ynda u la lah poi, u la ïarap lem shibun ïa kita kiba da ka jingaiei U Blei ki la lah ngeit: 28namar da ka borbah u la pynduh nia khoit ïa ki Jiw ha kaba paw ruh, u da pyni na Ki Jingthoh ba U Jisu u long uta U Khrist.

Currently Selected:

KI KAM 18: KHB

Highlight

Copy