ABAROMA 9
9
Abandu ba Nyasaye abaahule
1Emboolanga akatoto mbu, endi owa Kristo, ne shiemboolanga obubeeyi tawe. Amayililisio kanje akomukari nikemililwe nende Roho Omutakatifu, kasuubisinjia khandi mbu, shiemboolanga obubeeyi olwa emboola mbu, 2endi neshibeela eshinji, nende obutsunwi obulahwetsanga mumwoyo kwanje tawe. 3Okhuba ndakhekombile mbu, isie omwene ndalaamwa eshilaamo shiobubi mana erusibwe khubuheeli bwa Kristo khulwa okhubela abaana befwe, aboluyia lwanje lwene. 4#Okhur. 4:22Nabandu abaahule ba Nyasaye. Yabakhola okhuba abaanabe, ne nabafwimbulila oluyalilwe. Yakaasia ninabo tsindakano khandi nabahelesia Amalako. Benamilanga Nyasaye mubwatoto, khandi baanyoolile obusuubisie bwa Nyasaye. 5Bo nabolwibulo lwabakuuka befwe, aboluyia lwa Abaheburania, naye Kristo mumeloye yomubili, nowomuluyia lwabwe. Esaaya mbu, Nyasaye ourukanga boosi, yetsoomibwe obushia nobushia! Amina.
6Shiemboolanga mbu Nyasaye yakhaywa okhuusia obusuubisiebwe tawe, okhuba abandu ba Isiraeli boosi shibali abaahule ba Nyasaye tawe. 7#Obucha. 21:12Kata abolwibulo lwa Aburahamu shibali boosi abaana ba Nyasaye tawe. Nyasaye yaboolela Aburahamu ari, “Olanyoola olwibulo olwa ndakhusuubisia okhubirira mu Isaka.” 8Kano kamanyinjia mbu, abaana abebuulwa mumelo yomubili shibali boosi abaana ba Nyasaye tawe, nebutswa abaana abebuulwa okhulondana nende obusuubisie bwa Nyasaye nibo ababasibwa okhuba abolwibulolwe toto. 9#Obucha. 18:10Shichila obusuubisie bwa Nyasaye bwakholelwa mumakhuwa kano mbu, “Khushise eshiahule ndakhakalushe, ne Sara yakhebule omwana omusiani.”
10Ne shikali ako konyene ta, habula abaana abasiani babili ba Rebeka bali nende sabwe mulala, niye Isaka kuuka wefwe. 11#Obucha. 25:23Ne abaana nibashili okhwibulwa kata okhukhola likhuwa liosi liosi lilayi noho libi, 12Rebeka yaboolelwa ari; “Omukhulundu alikhalabanila omushe.” Kano kali kario kho mbu, lichoomo lia Nyasaye liobulobolwi libeho, nibulali bwebikhole ta, habula bwokhwahulwakhwe, 13#Mal. 1:2,3shinga Amahandiko kaboolanga mbu, “Ndaheela Yakobo, nebutswa ndasila Esau.”
14Kho khuboole shiina bulano? Mbu, Nyasaye nomushiamu noho? Kata nahatuutu tawe. 15#Okhur. 33:19Shichila yaboolela Musa ari, “Ndalabeela tsimbabasi owa enjama okhubeela tsimbabasi, ndalamutililwa eshisa owa enjama okhutiililwa eshisa.” 16Kho amakhuwa koosi shikeleetanga khukomundu yenya noho akhola ta, habula khutsimbabasi tsia Nyasaye. 17#Okhur. 9:16Okhuba Amahandiko kaboolanga khumuruchi wa Misiri kari, “Ndakhwemekha okhuba omuruchi khulwa lichoomo lino mbu, endolesilie mwiwe obunyali bwanje, khandi ekhola eliira lianje limanyishe mushialo shiosi.” 18Khulweshio Nyasaye abeelanga tsimbabasi oyo owachama okhubeela tsimbabasi, khandi atinyinjia omwoyo khu owachama okhutinyia omwoyo.
Liruma nende tsimbabasi tsia Nyasaye
19Nebutswa oundi khwinywe alaareeba ari, “Nikaba nikali kario, Nyasaye yakhanyoola arie obubi mumundu? Ne niwiina owakhekalila akokhwenya khwa Nyasaye?” 20#Isa. 29:16; 45:9; Obuch. 12:12Nebutswa nawe niwe wina owashianje, owakhayingasia Nyasaye? Inyungu yelitoyi shiyireebanga omulonji owachilonga mbu, “Eshichila niunoonga ori nanwa nishiina? Tawe.” 21#Obuch. 15:7; Sira 33:13Kata kario, omundu oulonganga tsinyungu ali habwene okhwikhoonyela litoyi liosi shinga olwa yenya, nende kata okhulonga tsinyungu tsibili okhurula khumuhayila mulala kwelitoyi, ndala eyokhwikhoonyela khumulukha omuchoomeshe neyindi eyokhwikhoonyela munjila yosi yosi.
22 #
Obuch. 12:20,21 Kho nolwa kali kario nende Nyasaye. Yeenya okhumanyia lirumalie nende okhulolesia obunyalibwe. Kho yali omwisimilisi muno, nabefwiilanga abo abamuhafia liruma. Abo abali nibatsia okhusishibwa. 23Khandi yenya okhufimbula obuyinda bwoluyalilwe, olwasundulwa khwifwe aba yali nabeelele tsimbabasi, ifwe abayarechekha okhunyoola oluyalilwe. 24Kho nifwe aba yalanga, ne shiyakhulanga okhurula mu Abayahudi bonyene ta, habula okhurula mubamahanga. 25#Hos. 2:23Kano niko aka yaboola mushitabu shia Hosea ari,
“Abo abalali abandu banje ta,
ndakhabalanje endi, ‘Abandu banje.’
Aboluyia olwa ndalaheela ta,
ndakhabalanje endi, ‘Abaheelwa banje.’
26 #
Hos. 1:10
Ne habundu tsana aha baboolelwa mbu, ‘shimuli abandu banje ta,’
niho aha bakhalanjilweho bari, ‘abaana ba Nyasaye ouliho mwoyo.’ ”
27 #
Isa. 10:22,23 Naye Isaya yesi alanjilisia khumakhuwa ka Abaisiraeli naboola ari, “Kata Abaisiraeli nibali abanji shinga omuyeshe kwomunyanza, batiti butswa khubo nibo abalihonibwa, 28okhuba Omwami alabakhalachila eshiina lwangu abomushialo boosi.” 29#Isa. 1:9Kali shinga olwa Isaya yaboola khale ari, “Omwami Ounyala Biosi, abula okhulekhakhwo batiti khubolwibulo lwefwe, khwakhasishili shinga Sodomu, khwakhabeele shinga Gomora.”
Paulo asaayila Abaisiraeli
30Kho khuboole shiina bulano? Abamahanga abalaateemakhwo okhukhukhaaba ta, bakholilwe abalunjishi imbeli wa Nyasaye, bulano bamalile okhukholwa abalunjishi imbeli wa Nyasaye okhubirira mubusuubili. 31Nebutswa Abaisiraeli, abakhaaba obulunjishi okhubirira mumalako shibabunyoola tawe. 32Shichila shiina? Shichila shibabukhaaba okhubirira mubusuubili ta, habula mubikhole. Kho besichirala “khwichina elieshisichirasio” 33#Isa. 28:16elia Amahandiko kaboolangakhwo kari,
“Lole, era mu Zayuni lichina elilachila abandu besichirale,
olwanda olulachila abandu bakwe.
Nebutswa yesi yesi ousuubila muye shialafwimbwa omurwe tawe.”
Currently Selected:
ABAROMA 9: OLUDC
Highlight
Share
Copy
Want to have your highlights saved across all your devices? Sign up or sign in
