ABAROMA 10
10
1Baana befwe, ndikomba nomwoyo kwosi mbu, abandu banje beene bahonibwe, ebasaayilanga khu Nyasaye. 2Enyala okhukhola obuloli mbu, toto behaana khu Nyasaye nomwoyo kwosi. Nebutswa okhwihaana khwabwe khubula obumanyi bwatoto. 3Bashili okhumanya injila ya Nyasaye akholelangamwo abandu okhuba abalunjishi tawe. Nebutswa abeene bateema okhuraho injila yabwe abeene, kho shibayehaana abeene khunjila ya Nyasaye akholelangamwo abandu okhuba abalunjishi tawe. 4Kristo yamala okhureera amalako khushiakamo, kho mbu yesi ousuubila alunjisibwe imbeli wa Nyasaye.
Obuhonia nobwabandu boosi
5 #
Abal. 18:5
Musa yahandika okhulondana namakhuwa okokhukholwa omulunjishi imbeli wa Nyasaye khulwa okhulonda Amalako ari, “Omundu yesi oukhola akamalako kalachilisia alabaho omulamu.” 6#Okhuk. 30:12-14Nebutswa aka Amahandiko kaboolanga khulwa okhukholwa omulunjishi imbeli wa Nyasaye okhubirira mubusuubili ngakano mbu, “Shiolereeba omwene mbu, ‘Niwiina oulatsia mwikulu?’ (mbu areere Kristo hasi) tawe. 7Khandi shiolareeba mbu, ‘Niwiina ouleekha emakombe?’ (mbu, abuusie Kristo okhurula mubafu) tawe.” 8Nebutswa eshiakaboolanga njieshino mbu, “Oburume bwa Nyasaye buli butswa ahambi ninawe, buli khumunwakwo nende mumwoyokwo,” (nibwo oburume bwobusuubili obwa khuyaalanga). 9Noba norumbula nomunwakwo habulafu, mbu, “Yesu niye Omwami,” mana nosuubila mumwoyokwo mbu, Nyasaye yamulamusia okhurula mubafu, olahonibwa. 10Okhuba khusuubilanga mumioyo chiefwe mana khulunjisibwa imbeli wa Nyasaye, ne khurumbulanga habulafu neminwa chiefwe mana khuhonibwa. 11#Isa. 28:16Amahandiko kaboolanga mbu, “Omundu yesi ousuubila muye shialifwimbwa omurwe tawe.” 12Kano kali khubandu boosi, shichila bubulaho obwahukhani hakari wa Abayahudi nende Abamahanga tawe. Nyasaye nimulala, Omwami wa boosi, mana abalaamilanga tsikhabi mubwitsulu boosi abamuhabilanga. 13#Yoe. 2:32Shinga Amahandiko kaboolanga mbu, “Buli shiamundu yesi oulanga eliira lia Omwami alahonibwa.”
14Nebutswa bakhaliliila barie Omwami okhubakhoonya nibashili okhusuubila? Kata bakhasuubila barie, nibashili okhuhulila oburume bwa tsana? Ne bakhahulila barie oburume nibushili okhuyaalwa? 15#Isa. 52:7Ne oburume bwatsana bwakhayaalwa burie, nikaba abarume bashili okhurumwa? Shinga Amahandiko kaboolanga mbu, “Okhwitsa khwabarume abareera Amakhuwa Amalayi nokhulayi muno!” 16#Isa. 53:1Nebutswa boosi shibafuchilila Amakhuwa Amalayi ako ta. Isaya omwene yaboola ari, “Omwami niwiina owasubila oburume bwefwe?” 17Kho obusuubili burulanga khukhuhulila oburume, nabwo oburume bwitsanga khulwa okhuyaala aka Kristo.
18 #
Tsits. 19:4
Nebutswa ereeba mbu: Nitoto mbu shibahulila oburume obwo ta? Obwatoto buli mbu, bahulila, shichila shinga Amahandiko kaboolanga,
“Amakhuwa kabwe kahulilikha khushialo shiosi;
nako amakhuwa kabwe nikoola khundulo tsieshialo.”
19 #
Okhuk. 32:21
Khandi ereeba endi, Abaisiraeli abo shibamanyilisia ta noho? Musa mwene niye owambeli okhukalusia ari:
“Ndalamukhola okhuna neimbalikha khubandu abalali lihanga ta,
khandi ndalamukhola inywe okhutiilwa liruma khuluyia lwabandu abayingwa.”
20 #
Isa. 65:1
Khandi Isaya yali neitswoni olwa yaboola ari;
“Ndanyoolilwe nende abandu abalaali nibakhaabanga ta,
ndaloleshela abandu abalaali nibareebanga okhundola ta.”
21 #
Isa. 65:2
Nebutswa okhulondana khu aka Abaisiraeli aboola ari,
“Eshiteere tulu ndakalikha amakhono kanje khubandu abalaali abahulili ta, khandi abakhayi bamalako.”
Currently Selected:
ABAROMA 10: OLUDC
Highlight
Share
Copy
Want to have your highlights saved across all your devices? Sign up or sign in
