OBUBALI Okhumanyisia akalimwo
Okhumanyisia akalimwo
Eshitabu eshia Obubali shiboolanga khumakhuwa aka Abaisiraeli ahambi emiyika amakhumi kane, okhurula khubise ebia barula khushikulu shia Sinai okhuula olwa boola khu lwakho lwebukwe lweshialo eshia Nyasaye yali niyasuubisia okhubahelesia. Eliira lieshitabu shino lichoomanga khu Obubali, obwa Musa yabala Abaisiraeli nibali khushikulu shia Sinai nibashili okhurulaho nibatsiililila noluchendo lwabwe. Nende khandi Obubali obwakholwa nibali mushialo eshia Moabu ebukwe womwalo kwa Yorodani. Ako kali olunyuma lwa ahambi olwibulo lulala. Mubise ebia hakari wokhubalwa khabili khuno, Abaisiraeli batsia Kadeshi Barinea elubeka lwemulambo wokhulwakho lwa Kanani, nebutswa bakhaywa okhwinjila mushialo shiabasuubisibwa okhubirira ebweneyo. Olunyuma lwokhumenya emiyika eminji mushialo eshio, batsia elubeka lwebukwe womwalo kwa Yorodani, ewa abandu balala bamenya, nabo abandi niberechekha okhwambukha omwalo okwo okhutsia mushialo shia Kanani.
Eshitabu shia Obubali shiboolanga amakhuwa kabandu abali abokhuhenda omwoyo khandi abari olwa baba nibali mumatinyu, khandi khubandu abafukula Nyasaye nende Musa, omundu wa Nyasaye yaahula okhubemilila. Shiboolanga khumakhuwa kobwisiikwa bwa Nyasaye, okhwifwilakhwe, okhulinda abandube, obulahenga khubuteshele bwabwe nende obulaloonda amalako bwabwe tawe, khandi shiboolanga khu akobwisikwa bwa Musa kata olwa aba nalenya okhwisimilisia nende okhwihaana khu Nyasaye nende khubandu ba Isiraeli.
Akalimwo mubwimbichiti
Abaisiraeli berechekha okhurula khushikulu shia Sinai 1:1–9:23
(a) Okhubalwa khwambeli 1:1–4:49
(b) Amalako nende amalachilisio kahukhane 5:1–8:26
(c) Lisabo lia Pasaka liakhabili 9:1-23
Okhurula khushikulu shia Sinai okhuula Moabu 10:1–21:35
Akekholekha mushialo shia Moabu 22:1–32:42
Oluchendo lwokhurula Misiri okhuula Moabu mubwimbichiti 33:1-49
Amechesio nibashili okhwambukha omwalo kwa Yorodani 33:50–36:13
Currently Selected:
OBUBALI Okhumanyisia akalimwo: OLUPR
Highlight
Copy
Compare
Share
Want to have your highlights saved across all your devices? Sign up or sign in