OBUBALI 21
21
Abaisiraeli bahula Abakanani
1 #
Obub. 33:40
Olwa omuruchi wa Abakanani, owarukanga Aradi, ne niyamenya Negebu yahulila mbu, Abaisiraeli betselanga khunjila yitsia Atsarimu, yarula nabaseera, ne natiila abandi khubo. 2Mana Abaisiraeli nibetsubila OMWAMI Nyasaye nibaboola bari, “Noba nokhunyalila okhuhula abandu bano, khulabamululila elala bo abeene halala namatookho kabwe.” 3OMWAMI Nyasaye nahulila okhulila khwabwe, ne nabanyalila okhuhula Abakanani. Kho Abaisiraeli nibamululila elala Abakanani nende amatookho kabwe mana nibakulikha habundu yaho eliira mbu Horima,#21:3 Horima: Eshisina shialio muluheburania mbu, okhusasia.
Musa akaasia inzokha okhurula khumukasa
4 #
Okhuk. 2:1
Mana Abaisiraeli nibasumukha okhurula khushikulu shia Hori nibalonda khunjila yitsia khunyanza inzakhanyu, mbu babotokhane eshialo shia Edomu. Nebutswa nibali khuluchendo olwo, bakhaywa okhwisimilisia. 5#1 Abakor. 10:9Kho nibeyiniakana khu Nyasaye nende khu Musa nibaboola bari, “Shichila shiina nimukhutikulusia okhurula Misiri, mbu khufwile mushitsiimi shino? Khubula eshiokhulia kata amaatsi, khandi ebiokhulia bino bikhusinyile.” 6Mana OMWAMI Nyasaye naruma emiyokha chiobufwisi obululu mubandu, nachio nichiluma Abaisiraeli abanji nibafwa. 7Mana abandu abo nibetsa khu Musa nibaboola bari, “Khwonoona olwa khweyiniakanila OMWAMI Nyasaye nende iwe, bulano khukhusaaya oboolele OMWAMI Nyasaye nachama arusie emiyokha chino mwifwe.” Mana Musa nasaayila abandu khu OMWAMI Nyasaye. 8Mana OMWAMI Nyasaye naboolela Musa ari, “Okaasie inzokha okhurula khumukasa mana ochisinjisie khumusaala, ne omundu yesi yesi oulumwa neinzokha nahengakhwo alamenya.” 9#2 Abar. 18:4; Yoh. 3:14Musa nakaasia inzokha okhurula khumukasa nachisinjisia khumusaala, ne olwa inzokha yalumanga omundu yesi yesi, ne nahenga khuinzokha yomukasa eyo, ne abaho omulamu.
Oluchendo olwa Abaisiraeli okhurula khushikulu shia Hori okhuula mwibanda lia Abamoabu
10Mana Abaisiraeli nibasumukha, ne nibakhoma ikambi yabwe Obotsi. 11Khandi nibasumukha okhurula ebweneyo, ne nibakhoma ikambi yabwe mumahindi ka Abarimu akali mushitsiimi ebukwe wa Moabu. 12Okhurula yaho, basumukha nibakhoma ikambi yabwe mwibanda lia Zeredi. 13Okhurula yaho basumukha, ne nibakhoma ikambi yabwe elubeka lwemulambo lwomwalo kwa Arinoni okuli mushitsiimi, khulwakho lwa Abamori. (Okhuba omwalo kwa Arinoni nikwo olwakho lwa Abamoabu nende Abamori). 14Niko akachila eshitabu shiamahe aka OMWAMI Nyasaye shiboolanga mbu,
“Litookho lia Wahebu elili mu Sufa nende amabanda komwalo kwa Arinoni,
15nende ebikholomokho biamabanda ako ebiulanga khwitaala lia Ari,
ne nibitsia okhuula khulwakho lwa Moabu.”
16Okhurula yaho batsiililila okhuchenda niboola habundu halangwa mbu, amayabo, niho aha OMWAMI Nyasaye yaboolela Musa ari, “Khung'asia abandu boosi halala nasi ndalabahelesia amaatsi.” 17Mana Abaisiraeli nibemba olwimbo luno nibaboola bari,
18“Liyabo eliayabwa nabaruchi nende abakhongo babandu,
eliayabwa nende indabushi yobwami nende emitunga chiabwe.”
Ne okhurula mushitsiimi eshio, batsia Matana; 19ne okhurula Matana batsia Nahalieli, nibarula Nahalieli nibatsia Bamotsi, 20nibarula Bamotsi nibatsia mwibanda elili mushialo shia Abamoabu ahambi nende khubutenje bweshikulu shia Pisiga, obuhenjile hasi mushitsiimi.
Abaisiraeli bahula omuruchi Sihoni nende omuruchi Ogu
(Okhuk. 2:26–3:1)
21Mana Abaisiraeli nibaruma abarume khu Sihoni omuruchi wa Abamori nibaboola bari, 22“Oleshe khubirile mushialoshio; ifwe nemiruko chiefwe shilakotokhakhwo mumukundakwo noho mumukunda kwemitsabibu kata okhunywakhwo amaatsi mumayabo ta, habula khulalonda butswa khumuhanda omukhongo kwomuruchi okhuula olwa khuba nikhubirile mushialoshio.” 23Nebutswa Sihoni shiyafuchilila Abaisiraeli okhubirila mushialoshie tawe. Kho nakhung'asia abelihebe boosi, ne narula okhuseerana nende Abaisiraeli mushitsiimi, habundu halangwa mbu eyahazi. 24Abaisiraeli nibabeera netsinganga nende okhubukula eshialo shiabwe okhurula khumwalo kwa Arinoni okuli emasaba wa Yaboki okhuula khu Abamoni, shichila olwakho lwa Abamoni lwali liasirwa obutinyu. 25Mana Abaisiraeli nibabukula amatookho ka Abamoni koosi halala nende elia Heshiboni namataala kalio ne nibamenyayo. 26Heshiboni liali litookho likhongo lia Sihoni omuruchi wa Abamori, owali niyakhupana nende oyo owalinji omuruchi wa Moabu, ne niyabukula eshialoshie shiosi okhutsia okhuula khumwalo kwa Arinoni. 27Niko akachila abareleesi betsinyimbo nibemba bari,
“Mwitse Heshiboni; mwitookho liomuruchi Sihoni.
Khwenyanga khuliumbashe obuyia khandi. 28#Yer. 48:45,46Okhuba omulilo kwarula mwitookho lia Sihoni,
nikusasia litookho lia Ari eliali mu Moabu,
nikusamba ebikulu bieinjelekha womwalo kwa Arinoni.
29Inywe abandu ba Moabu mumululwe!
Inywe abenamilanga omunyasaye Kemoshi musasibwe.
Omunyasaye wenywe yalekha abasaatsa benywe nibaba abahuya huyi,
nabo abakhasi nibaba ababohe abamahe bomuruchi wa Abamori.
30Nebutswa abolwibulo lwabwe bulano bamululwe boosi pe,
okhurula khwitookho lia Heshiboni okhuula khwitookho lia Diboni.
Okhurula khwitookho lia Nashimu okhuula khu elia Nofa elili ahambi nende Medeba.”
31Kho Abaisiraeli nibamenya mushialo shia Abamori. 32Mana Musa naruma abandu okhuhenjelesia shinga olwa bakhaseera litookho lia Yazeri. Abaisiraeli balibukula halala namataala kalio, ne nibalonda Abamori abali nibamenyamwo.
33Mana Abaisiraeli nibashiukhana nibatikulushila khunjila ya Bashani, naye Ogu, omuruchi wa Bashani narula okhubaseera, ye nende abandube boosi nibetsa okhubaseera Ederei. 34Ne OMWAMI Nyasaye naboolela Musa ari, “Shiolabaria ta, shichila emuhanile ye nende abandube boosi nende eshialoshie mumakhonoko, nawe olamukholela aka wakhola khu Sihoni omuruchi wa Abamori owarukanga Heshiboni.” 35Kho Abaisiraeli nibera Ogu, nabasianibe nende abandube boosi, abulaho owehonokokha kata mulala tawe, mana nibabukula eshialoshie.
Currently Selected:
OBUBALI 21: OLUPR
Highlight
Copy
Compare
Share
Want to have your highlights saved across all your devices? Sign up or sign in
