OBUBALI 20
20
Amaatsi akarula mulwanda Kadeshi
(Okhur. 17:1-7)
1Mumwesi kwambeli omukanda kwosi kwabandu ba Isiraeli kwoola mushitsiimi shia Zini, mana nibakhupa ikambi yabwe Kadeshi. Nibali ebweneyo, Miriamu nafwilayo ne nayabilwayo.
2 #
Okhur. 17:1-7
Ebweneyo amaatsi shikaliyo khulwa abomukanda tawe. Kho nibakhung'ana halala okhwiyiniakanala Musa nende Haroni. 3Mana abandu abo nibasolasia Musa nibaboola bari, “Bwakhabeele obulayi nikhwakhafwile halala nabasiani befwe abafwa imbeli weliheema litakatifu. 4Shichila shiina nimukhureera mushitsiimi shino, kho mbu ifwe nende emiruko chiefwe khufwilemwo? 5Shichila shiina nokhutikulusia okhurula Misiri okhukhureera habundu hano? Shiali habundu hokhuraaka imele noho emikhuyu noho emistabibu noho ebiamo biemikomamanga ta, kata amaatsi kokhunywa shikaliho tawe!” 6Mana Musa nende Haroni nibarula wabomukanda bali nibatsia habwinjililo bweliheema litakatifu nibasikama nende okhwinamia obweni bwabwe okhuula hasi. Ne obulafu obwa OMWAMI Nyasaye nibubaloleshela, 7ne OMWAMI Nyasaye naboolela Musa ari, 8“Bukula indabushi eyili imbeli welisanduku liamalako, mana iwe nende Haroni muboolele olwanda mbu, lurulemwo amaatsi, ne amaatsi kalarula mulwanda olo. Munjila yino mulanyoolela abandu nemiruko chiabwe amaatsi okhurula mulwanda.” 9Mana Musa nabukula indabushi shinga olwa OMWAMI Nyasaye yamulachilisia.
10Mana Musa nende Haroni nibakhung'asia abomukanda halala imbeli wolwanda, ne Musa nababoolela ari, “Recheresie inywe abandu abakhayi, mwenyanga ifwe khumurusilie amaatsi mulwanda luno noho?” 11#Obuch. 11:4Mana Musa nachinguula indabushiye, ne nakhupa olwanda olwo okhuula khabili, ne amaatsi nikatsukhulukha amanji okhurulamwo, abomukanda nende emiruko chiabwe nibanywa. 12Nebutswa OMWAMI Nyasaye nahalabila Musa nende Haroni naboola ari, “Khulwa okhuba shimwabeele nobusuubili buheela bwokhumbelesia oluyali mbu endi omutakatifu imbeli wabandu ba Isiraeli ta, kho shimulenjisia abomukanda kuno mushialo shiandabasuubisia okhubahelesia tawe.”
13Kano kekholekha Meriba,#20:13 Meriba: Eshisina mbu, obuyingani. habundu habandu ba Isiraeli bayingana nende OMWAMI Nyasaye. Naye OMWAMI Nyasaye niyemanyisia omwene khubo mbu, nomutakatifu.
Omuruchi weshialo shia Edomu yekalila Abaisiraeli okhubirira mushialoshie
14Mana Musa naruma abarumwa okhurula Kadeshi okhutsia khumuruchi weshialo shia Edomu naboola ari, “Oburume buno burula khubekhobo aboluyia lwa Isiraeli. Omanyile amatinyu koosi akakhukwiila ifwe. 15Shinga olwa abakuuka befwe bakholomokha nibatsia Misiri nibamenyayo khulwemiyika eminji. Abamisiri nabo nibasandia abakuuka befwe nende ifwe. 16Ne olwa khwahabila OMWAMI Nyasaye, yahulila okhulila khwefwe, mana naruma omumalaika owakhurusia mushialo shia Misiri. Bulano nifwe bano hano Kadeshi, litookho elili khundulo weshialoshio. 17Nochama oleshe khubirile mushialoshio. Shikhulabirila mumukunda noho kata mumukunda kwemitsabibu ta, kata shikhulanywakhwo amaatsi okhurula mwiyabolio tawe. Habula khulalonda butswa omuhanda omukhongo kwomuruchi, shikhulakobelakhwo khumukhono musaatsa noho kata omukhasi ta, okhuula olwa khulaba nikhubirile mushialoshio.”
18Nebutswa omuruchi wa Abaedomu yakalusia Musa naboola ari, “Shimulabirila mushialo shianje ta, ne nimuteema okhubirilamwo khuletsa nolukanga okhumumala.”
19Nabo abandu ba Isiraeli nibamukalusia nibaboola bari, “Khulatikulukha butswa nikhulonda omuhanda omukhongo, ne ifwe abeene kata emiruko chiefwe nikhuba nikhunywakhwo amaatsiko, khuba khularunga. Khwenyile butswa okhubirila mushialoshio khubilenje.”
20Nebutswa omuruchi wa Abaedomu yabakalusia ari, “Shimulabirila mushialo shianje tawe.” Mana omuruchi oyo narula nabelihe bamaani khulwa okhwikalila Abaisiraeli okhubira. 21Khulwokhubela omuruchi oyo yekalila Abaisiraeli okhubirila mushialoshie, Abaisiraeli bashiukhana nibalonda injila yindi.
Okhufwa khwa Haroni
22Mana omukanda kwabandu ba Isiraeli boosi nibachenda okhurula Kadeshi niboola khushikulu shia Hori. 23Mana OMWAMI Nyasaye naboolela Musa nende Haroni khushikulu shia Hori ahambi khulwakho lweshialo shia Edomu ari, 24“Haroni shialenjila mushialo shiandasuubisia Abaisiraeli tawe. Yetsa okhufwa shichila inywe babili mwakhaya okhuhulila lilako lianje olwa mwali hamatsi ka Meriba. 25Bukula Haroni nende omusianiwe Eliazari mana batikulushe khushikulu shia Hori. 26Mana ofwalule Haroni ebifwalobie biobwisaaliisi obifwale omusianiwe Eliazari. Haroni alafwila ebweneyo.” 27Mana Musa nakhola shinga olwa OMWAMI Nyasaye yamulachilisia. Batikulukha khushikulu shia Hori abomukanda kwosi nibabalolanga. 28#Okhur. 29:29; Obub. 33:38; Okhuk. 10:6Mana Musa nafwalula Haroni ebifwalobie, ne nabifwala Eliazari omusiani wa Haroni. Mana Haroni nafwilayo khubutenje bweshikulu eshio. Nabo Musa nende Eliazari nibakholomokha hasi okhurula khushikulu eshio. 29Ne olwa abomukanda kwosi bamanya mbu, Haroni ufwile, bamwikhuula khulwetsinyanga amakhumi kataru.
Currently Selected:
OBUBALI 20: OLUPR
Highlight
Copy
Compare
Share
Want to have your highlights saved across all your devices? Sign up or sign in
