ABALAWI 26
26
Tsikhabi tsiokhuba Omuhulili
(Okhuk. 7:12-24; 28:1-14)
1 #
Abal. 19:4;
Okhur. 20:4; Okhuk. 5:8; 16:21,22; 27:1 “Shimulekasiliakhwo abeene ebifwanani kata okhusinjisia eshilonje shieliloba noho eshieisilo, kata okhumbakha eshifwanani shielichina mushialo shienywe mbu mubinamile tawe, okhuba nisie OMWAMI Nyasaye wenywe. 2Okhuula mulindenje tsinyanga tsia Isabato tsianje khandi muhelesie habundu wanje hatakatifu oluyali. Nisie OMWAMI Nyasaye.
3 #
Okhuk. 11:13-15; 28:1-14 “Nimuba nimumenya okhulondana namalachilisio kanje nende okhulinda amalako kanje nimukakhola, 4ndalamukwisilia ifula mubise biayo bikhoyele, nakwo omukunda kulaama ebiamo ebinji khandi emisaala chiomumukunda chilaama ebiamo biachio. 5Ebiirache bienywe bilaba ebinji muno, mbu mulaba nimushichesanga olwa ebise biokhunoka tsinzabibu bilaba nibiulile, ne mulaba nimushinokanga tsinzabibu etsio olwa ebise ebiokhuraka biula. Khandi mulanyoolanga buli shindu shiosi eshia mwenya okhulia, ne nimumenya mushialo shienywe nomulembe.
6“Ne ndalareera omulembe mushialo shienywe, nenywe mulakona tsindoolo nimularia eshindu shiosi shiosi tawe, khandi ndalarusia mushialo tsisolo tsimbalaba, abulaho omusuku yesi yesi oulamuseera tawe. 7Mulahula abasuku benywe, nabo nibafwa mwihe imbeli wenywe. 8Abandu barano khwinywe balahula abasuku eshikhumi, nabo eshikhumi khwinywe balahula abasuku ebikhimila ekhumi. Abasuku benywe baleerwa imbeli wenywe nolukanga. 9Nasi ndalamuhelesia ikhabi nende okhumukhola mwibulane nimwinjiha, khandi ndalalinda indakano yandakhola ninenywe. 10Mulachesanga ebindu ebinji ebilabetsangaho khulwomuyika kwosi, okhumeetakhwo mulasukunanga ebindi khulwa okhuhaana obwiyangu khulwa ebindi ebiamuchesile ebiyiakha. 11Mana ndalamenya hakari mwinywe khandi shindalamusilakhwo tawe. 12#2 Abakor. 6:16Ndalamenya hakari mwinywe, khandi ndalaba Nyasaye wenywe, nenywe mulaba abandu banje. 13Nisie OMWAMI Nyasaye wenywe, owamurusia mushialo shia Misiri kho mbu, muleshe okhuba abasumba babwe; ne ndafunaka obunyali bwebwe khwinywe, mana nimukhola okhuba abalekhuule.”
Eshinyasio shiokhulekha okhuloonda amalako
(Okhuk. 28:15-18)
14 #
Okhuk. 28:15-68
OMWAMI Nyasaye naboola ari, “Nimulambulila noho okhukhola amalako kanje ta, mulanyoola eshinyasio. 15Nimuloba amalachilisio nende amalako kanje, ne nimufunaka indakano yanje, 16ndalamuhelesia eshinyasio. Ndalamureerela amatinyu, akobulwale bulahonanga ta, nende emirengo echiokhumubofusia tsimoni, nokhukhola obulamu bwenywe okhuhwelelela. Khandi mulanyakhana butswa okhuraka imwo yenywe nebutswa shimulachiliakhwo ta, shichila abasuku benywe balamuhula nibachilia. 17Ndalamulekha muhulwe khandi abasuku benywe balamuruka. Mulatilwa noburi muno, mbu kata mulelukha lwomundu yesi yesi aba nalamutafinjia ta.
18“Ne olunyuma olwa amatinyu ako nimutsiililila okhuloba okhumbulila, ndalenjiyia eshinyasio shienywe akhandi musafu. 19Ndalafunaka injinia yenywe khandi ifula shiyilakwakhwo ta, kho liloba lienywe lilakwa eliumu shinga omukasa. 20Amaani kenywe kalahwa butswa eshikhaya, shichila liloba lienywe shililakhusia ebiokhulia ta, nachio emisaala echiomumukunda shichilaama ebiamo biachio tawe.
21“Ne nimuba nimutsiililila okhumenya mubukhayi nimulambulila ta, ndalenjiyia eshinyasio shienywe akhandi musafu. 22Khandi ndalamurumila tsisolo nabulimo tsimbalaba, etsilamuluula abaana benywe nende okhwiira tsing'ombe tsienywe, khandi okhutitiyia obunji bwenywe kho mbu emihanda chienywe chilabula abokhuchendakhwo.
23“Olunyuma olwa amanyakhano ako, nimulangalushila ta, nimutsiililila okhuba abakhayi, 24kho omwene ndalamuhelesia eshinyasio eshilulu akhandi musafu khulwa obwonooni bwenywe. 25Khandi ndalareera lihe mwinywe khulwa okhumuhelesia eshinyasio khulwa okhufunaka indakano yanje. Ne nimuba nimwikhung'asia mumatookho kenywe khulwa okhwihonokosia, ndalaruma obulwale obululu, obulahonanga ta mwinywe, khandi ndalamulekhuula mumakhono chiabasuku. 26Nditsa okhulekha okhumuhelesia eshiokhulia, kho mbu abakhasi ekhumi balafumbukha omukaate mushifulia shilala. Balamuhelesia omukaate okwo mushichelo eshitiiti, mulakulia, ne shimulekura tawe.
27“Ne olunyuma olwa ako koosi, nimuba nimutsiililila okhuloba okhumbulila, nimumeeta okhuba abakhayi khwisie, 28kho ndalatiilwa neliruma, nemba omululu khandi ndalamuhelesia eshinyasio akhandi okhuula musafu. 29Mulalumwa inzala indulu, kho mbu mulalia abaana benywe beene. 30Khandi ndalasasia habundu wenywe ahamwinamilanga khubikulu, nende okhulikulula ebimalilo biemisango chibubaabe nokhusukuna emilambo chienywe khu echiebifwanani bienywe ebio. Nasi ndalamuloba. 31Ndalalikulula amatookho kenywe nende habundu wenywe hatakatifu, khandi shindalafuchilila emisango chienywe tawe. 32Ndalasasia eshialo shienywe kho mbu abasuku benywe abetsa okhumenyamwo balahuka shinga olwa eshialo eshio shiasasibwa. 33Ndalamureerela lihe nimusalasia mumahanga. Eshialo shienywe shilatong'a eshikhaya, nako amatookho kenywe kalasalasibwa. 34Mana omukanda kulekhoonyelwa emiyika chiakwo chiosi echia okhuhuluukha olwa nenywe mulaba nimushili mushialo eshia abasuku, kho eshialo shilahulukha nishikhoya mutsinyanga tsie Isabato. 35Oluhoono lwosi olwa shilaba nishitonyile eshikhaya shilahulukha okhushilakhwo shinga olwa shiahulukhanga tsinyanga tsia mwamenyangamwo.
36“Ndalakhola abo khwinywe abali mushinyasio mushialo eshia abasuku benywe okhuba abari muno, mbu kata okhusakhasia khwelisafu nilikwa hasi khulabakhola belushe. Balelukha shinga abatafibungwa mwihe, lwomusuku yesi yesi aba nalabatafinjia ta. 37Balatuyana abeene khubeene shinga abelukhanga mwihe, lwomusuku yesi yesi aba nalabatafinjia ta, khandi shibalanyalilwakhwo okhulwana omusuku yesi yesi tawe. 38Mulafwiila mushialo shiabasuku benywe, nashio eshialo eshio shilamumilila elala. 39Nabo batiiti khwinywe abehonokokha mushialo shiabasuku benywe eshio, balahwelelela elala khulwa obwonooni bwabwe nende obumayanu bwa abakuuka babwe.
40“Nebutswa abolwibulo lwenywe nibaba nibeyema obwonooni bwabwe nende bwabakuuka babwe, abali abakhayi khwisie, 41nibakhola isie okhubakalukhanakhwo, nokhubayila mubuhambe mushialo eshia abasuku babwe; kho olwa abolwibulo lwenywe betutuyia khandi nibamalile okhunyoola eshinyasio shiobwonooni bwabwe nende obukhayi bwabwe, 42#Obucha. 28:13,14; Obucha. 26:3,4; Obucha. 17:7,8kho nilwo olwa ndilitsulila indakano yanje eyandakaasia nende Yakobo, Isaka nende Aburahamu mana nenditsulila indakano eya ndakaasia nabandu banje nesuubisia mbu ndakhabahelesie eshialo shia Kanani.
43“Nebutswa okhuula eshialo eshio shitoonye eshikhaya, shikhoyela emiyika chiashio echiokhuhuluukha. Nilwo olwa balinyoola eshinyasio khulwa obwonooni bwabwe shichila bakhaya okhuhulila amalako nende amalachilisio kanje. 44Ne kata kario, olwa balaba nibashili mushialo shiabasuku babwe eshio, shindalabalobela elala kata okhubamululila elala tawe. Ako kakhachila indakano yanje ninabo okhwakama, isie nisie OMWAMI Nyasaye wabwe. 45Nebutswa ndakhetsulile indakano yanje eya ndakaasia nabakuukanyene, abandarusia mushialo shia Misiri amahanga kandi nikareerekhwo tsimoni, kho mbu, isie OMWAMI Nyasaye embe Nyasaye wabwe.”
46Ako niko amalachilisio nende amalako aka OMWAMI Nyasaye yalachilisia Musa khushikulu shia Sinai mbu aboolele abandu ba Isiraeli.
Currently Selected:
ABALAWI 26: OLUPR
Highlight
Copy
Compare
Share
Want to have your highlights saved across all your devices? Sign up or sign in
