Popular Bible Verses from ABALAWI 26

Share

Ndalamenya hakari mwinywe, khandi ndalaba Nyasaye wenywe, nenywe mulaba abandu banje.

ndalamukwisilia ifula mubise biayo bikhoyele, nakwo omukunda kulaama ebiamo ebinji khandi emisaala chiomumukunda chilaama ebiamo biachio.

“Nimuba nimumenya okhulondana namalachilisio kanje nende okhulinda amalako kanje nimukakhola

“Ne ndalareera omulembe mushialo shienywe, nenywe mulakona tsindoolo nimularia eshindu shiosi shiosi tawe, khandi ndalarusia mushialo tsisolo tsimbalaba, abulaho omusuku yesi yesi oulamuseera tawe.

Nasi ndalamuhelesia ikhabi nende okhumukhola mwibulane nimwinjiha, khandi ndalalinda indakano yandakhola ninenywe.

Nisie OMWAMI Nyasaye wenywe, owamurusia mushialo shia Misiri kho mbu, muleshe okhuba abasumba babwe; ne ndafunaka obunyali bwebwe khwinywe, mana nimukhola okhuba abalekhuule.”

Mana ndalamenya hakari mwinywe khandi shindalamusilakhwo tawe.

“Shimulekasiliakhwo abeene ebifwanani kata okhusinjisia eshilonje shieliloba noho eshieisilo, kata okhumbakha eshifwanani shielichina mushialo shienywe mbu mubinamile tawe, okhuba nisie OMWAMI Nyasaye wenywe.

Mulachesanga ebindu ebinji ebilabetsangaho khulwomuyika kwosi, okhumeetakhwo mulasukunanga ebindi khulwa okhuhaana obwiyangu khulwa ebindi ebiamuchesile ebiyiakha.

Abandu barano khwinywe balahula abasuku eshikhumi, nabo eshikhumi khwinywe balahula abasuku ebikhimila ekhumi. Abasuku benywe baleerwa imbeli wenywe nolukanga.

Ebiirache bienywe bilaba ebinji muno, mbu mulaba nimushichesanga olwa ebise biokhunoka tsinzabibu bilaba nibiulile, ne mulaba nimushinokanga tsinzabibu etsio olwa ebise ebiokhuraka biula. Khandi mulanyoolanga buli shindu shiosi eshia mwenya okhulia, ne nimumenya mushialo shienywe nomulembe.

Mulahula abasuku benywe, nabo nibafwa mwihe imbeli wenywe.

Okhuula mulindenje tsinyanga tsia Isabato tsianje khandi muhelesie habundu wanje hatakatifu oluyali. Nisie OMWAMI Nyasaye.