ABALAWI 18

Ebikhole bioluswa

1OMWAMI Nyasaye nalachilisia Musa ari, 2“Boolela abandu ba Isiraeli mbu, isie nisie OMWAMI Nyasaye wenywe. 3Mulakholekhwo ebikhole ebia Abamisiri bakholanga, noho ebiabandu bamenyile mushialo eshiemuyilangamwo shia Kanani bakholanga tawe. Mulalondekhwo amalako kabwe tawe. 4Muloonde amebaalo kanje nimulinda amalako aka emulachilisinjia. Nisie OMWAMI Nyasaye wenywe. 5#Neh. 9:29; Ezek. 18:9; 20:11-13; Luka 10:28; Abaro. 10:5; Abagal. 3:12Okhuula mulinde amebaalo kanje nende amalako kanje, khulwa okhukakhola murio nolwa mulabaho abalamu. Nisie OMWAMI Nyasaye.”

6OMWAMI Nyasaye yalachilisia amalako kano naboola ari, “Shiolayinakhwo nomwikhowo yesi yesi tawe. 7Shiolafimbia papawo omurwe khulwa okhuyilana nende mamawo tawe. Ye nimamawo, olayilanakhwo ninaye tawe. 8#Abal. 20:11; Okhuk. 22:30; 27:20Shiolafimbia papawo omurwe khulwa okhuyilana nende mulala khubakhasibe tawe. 9#Abal. 20:17; Okhuk. 27:22Shiolayilanakhwo nende omukhaana wenywe noho omukhaana wa papawo noho owa mamawo owebulwa hango wenywe noho elwanyi tawe. 10Shiolayilanakhwo nende omwitsukhuluwo tawe, okhuba oba niwifimbinjia omurwe omwene. 11Shiolayilanakhwo nende omukhaana wa papawo yebula mumukhasi undi ta, shichila yesi nomukhaana wenywe. 12#Abal. 20:19,20Shiolayilanakhwo nende senjewo tawe, shichila ye nomukhaana wabwe papawo ouli omwikhowo. 13Shiolayilanakhwo nende omukhaana wabwe mamawo ta, shichila ye nomwikho wamamawo owahambi. 14Shiolayilanakhwo nomukhasi womusiani wabwe papawo ta, shichila ye nimamawo. 15#Abal. 20:12Shiolayilanakhwo nomukhasi womusianiwo ta, shichila nomukhasi womwanawo. 16#Abal. 20:21Shiolayilanakhwo nende omukhasi womusiani wenywe tawe, shichila oba ofimbinjia omusiani wenywe omurwe. 17#Abal. 20:14; Okhuk. 27:23Shiolayilanakhwo nomukhasi nende khandi omwanawe omukhaana tawe, kata omwitsukhuluwe tawe, shichila nabekhobo bahambi muno. Abakholanga ako bonoonanga. 18Shiolayilanakhwo nende abakhaana babo omukhasiwo lwomukhasiwo tsana aba nashiliho mwoyo tawe.

19 # Abal. 20:18 “Shiolayilanakhwo nende omukhasi ouli mutsinyangatsie tsiomumwesi tawe, okhuba nowomusilo. 20#Abal. 20:10Shiolayilanakhwo nende omukhasi womusaatsa washio tawe, shichila olaba womusilo. 21#Abal. 20:1-5Shiolahaanakhwo omwanawo mbu ahaanwe shinga omusango khumunyasaye Moleki tawe, shichila eshio shilaba eshifimbwa murwe khuliira lianje, isie OMWAMI Nyasaye. 22#Abal. 20:13Shiolayilanakhwo nende omusaatsa washio tawe, olwo noluswa. 23#Okhur. 22:19; Abal. 20:15,16; Okhuk. 27:21Omusaata yesi yesi shialoyilanakhwo nende isolo yosi yosi ta, okhuba oba wiyonooninjia omwene. Kata omukhasi yesi yesi shialehaanakhwo mbu akone neisolo yosi yosi tawe; okhuba olwo noluswa.

24“Shimuleyonoonia abeene khulwa okhukhola ako ta, shichila amahanga aka enondanga okhurula imbeli wenywe keyonoonia khulwa okhukhola ako. 25Ebikhole biabwe bionooninjia eshialo, niko akachila ehelesinjia abandu beshialo eshio eshinyasio nende okhubaloonda mbu barulemwo. 26Nebutswa okhuula mwesi nende abarende abamenyanga mwinywe mulinde amalachilisio kanje nende amalako kanje. Shimulakholakhwo kata elala khukoluswa ako tawe. 27Abandu bamuranjilila okhumenya mushialo eshio bakhola akoluswa ako nibonoonia eshialo eshio. 28Nimukhola ako ndalamuloba shinga olwa ndaloba abamuranjilila inywe okhumenya mushialo eshio. 29Omundu yesi oukholakhwo kata elala khukoluswa ako okhuula arusibwe muboluyia lwa Abaisiraeli.

30“Khulweshio, mulinde amalako aka emulachilisiye kano, khandi mulakholekhwo emilukha echiabandu abamuranjilila okhumenya hano bakholanga nimushili okhwitsaho tawe. Shimuleyonooniakhwo abeene khulwa okhukhola elala khwako tawe. Nisie OMWAMI Nyasaye, Nyasaye wenywe.”

Currently Selected:

ABALAWI 18: OLUPR

Highlight

Copy

Compare