ABALAWI 19
19
Akakhoyile okhukholelwa Nyasaye nende abandu
1Khandi OMWAMI Nyasaye nalachilisia Musa ari, 2#Abal. 11:44,45; 1 Pet. 1:16“Boolela abomukanda kwosi okwa aba Isiraeli mbu, mukhoyile okhuba abatakatifu, shichila isie OMWAMI Nyasaye wenywe endi omutakatifu. 3#Okhur. 20:12; Okhuk. 5:16; Okhur. 20:8; Okhuk. 5:12Buli omundu khwinywe okhuula ahelesie mamawe nende papawe oluyali, khandi okhuula yetsulilenje inyanga ya Isabato shinga ndalachilisia. Nisie OMWAMI Nyasaye wenywe.
4 #
Abal. 26:1;
Okhur. 20:23; 34:17; Okhuk. 17:2-5 “Shimulandeshe nimutsia okhwinamila abanyasaye bandi tawe. Shimulasamba ebibia nimukaasia abanyasaye abokhwinamila tawe. Nisie OMWAMI Nyasaye, Nyasaye wenywe.
5“Olwa muukholela isie OMWAMI Nyasaye omusango kwokhureera omulembe, mukukhole nimuloonda amalako aka ndamuhelesia, nasi ndalakufuchilila 6Inyama yakwo okhuula yiliibwe khunyanga tsana eyamukholilekhwo omusango noho inyanga yilondakhwo. Inyama niyitong'a okhuula khunyanga yakhataru, okhuula yisambwe mumulilo yosi pe, 7okhuba yiba eyomusilo, ne omundu yesi naba nachiliakhwo, ndalaloba omusangokwe. 8Ne omundu yesi ouliakhwo inyama eyo okhuula anyoole eshinyasio shichila yonooniye eshili eshitakatifu eshia OMWAMI Nyasaye khandi omundu oyo shialaba mulala khubandu banje tawe.
9 #
Abal. 27:15; Okhuk. 24:19-22 “Olwa muchesa ebirache bienywe, mulachesa okhuula khundulo khwomukunda ta, khandi shimulakalushila okhuchesa ebiba nibitoonyile mumukunda tawe. 10Shiolakalushila okhutoobelesia nomala tsinzabibu tsiosi mukundakwo ta, kata okhukhung'asia etsikwiile hasi tawe. Otsileshele abamanani nende abarende. Nisie OMWAMI Nyasaye wenywe.
11 #
Okhur. 20:15; Okhuk. 5:19;
Okhur. 20:16; Okhuk. 5:20 “Shioleeba kata okhubeeya owashio noho okhumukaatia tawe. 12#Okhur. 20:7; Okhuk. 5:11; Mat. 5:33Khandi shioletsuba muliira lianje noba nolanyala okhuusia eshitsubo eshio tawe. Nokhola orio oba onyasinjia oluyali lweliira lianje. Nisie OMWAMI Nyasaye, Nysaye wenywe.
13 #
Okhuk. 24:14,15 “Shiolasandia omumenyani washio kata okhumunuula eshindu shiosi shiosi tawe. Noba nofuchilisania nomundu mbu akhukholele omulimo, olaloba okhumurunga omurungokwe kweinyanga eyo tawe. 14#Okhuk. 27:18Shiolalaama omundu owekala amarwi eshilaamo shiobubi noho okhura eshisichirasio imbeli womubofu tawe. Habula umbelesie isie oluyali. Nisie OMWAMI Nyasaye wenywe.
15 #
Okhur. 23:6-8; Okhuk. 16:19 “Shiolakhola ebiela lwokhalaka eshiina tawe, khandi okhuula oterere omumanani obularia omuyinda tawe. 16Shiolachendachenda eyi nende eyi nokhola inzoka mubandubo ta; khandi olaboola obuloli bwobubeeyi kho mbu, owashio yerwe tawe. Nisie OMWAMI Nyasaye.
17 #
Mat. 18:15
“Shiolatiila isira khuwashio yesi yesi tawe; habula okaasie omulembe, kho mbu oleshe okhubasilibwa mubwonoonibwe obwo. 18#Mat. 5:43; 19:19; 22:39; Mrk. 12:31; Luka 10:27; Abaro. 13:9; Abagal. 5:14; Yak. 2:8Shiolarunga omundu obubii khububii bundi ta, kata okhumubiishila likhobo ta, habula oheele owashio shinga olwa wiheela omwene. Nisie OMWAMI Nyasaye.
19 #
Okhuk. 22:9-11
“Okhuula mulonde amalachilisio kanje. Mulafuchilile tsing'ombe tsienywe tsilusibwe nende tsing'ombe tsiaboluyia lundi ta. Mularachenje mumikunda chienywe tsimwo tsibili etsiahukhane kata mulefwale ebifwalo ebiakasibwa khubusi bubili obwahukhane tawe.
20“Omusaatsa naba nakona nomusumbawe weshikhasi, oukhoyile okhuteshela omusaatsa undi, ne omukhasi oyo nashili okhununulwa noho okhulekhuulwa, omundu oyo okhuula ahebwe eshinyasio, nebutswa alerwa ta, shichila omukhasi oyo shiali omulekhuule tawe. 21Omusaatsa oyo okhuula yandereere hamuliango weliheema lianje litakatifu, limiiku liomusango kwokhurusiaho obwonooni obwo. 22Mana omwisaaliisi atiise limiiku elo khulwa okhuyiniaho obwonooni bwomusaatsa oyo akholile, mana aleshelwe.
23“Olwa mwinjila mushialo shia Kanani nimuraka omusaala kwoluyia lwosi lwosi, okwamanga ebiamo bilibungwa, mubasie ebiamo biakwo okhuba ebiomusilo khulwemiyika chiambeli chitaru. Mulaliekhwo ebiamo biakwo emiyika echio chiosi tawe. 24Khumuyika kwakhane mureere ebiamo biako biosi biahulwe nibihaanwa shinga omusango kwenywe omutakatifu okwa okhunzitsoomia isie OMWAMI Nyasaye wenywe. 25Nebutswa mumuyika kwakharano munyala okhuliakhwo ebiamo biakwo. Nimukhola ako koosi emisaala chienywe chilaama ebiamo ebinji. Nisie OMWAMI Nyasaye wenywe.
26 #
Obucha. 9:4; Abal. 7:26,27; 17:10-14; Okhuk. 12:16,23; 15:23;
Okhuk. 18:10
“Shimulaliekhwo inyama yosi eyilarusibwemwo amalasile tawe; shimulatsiekhwo obulakusi kata obufumu tawe. 27#Abal. 21:5; Okhuk. 14:1Shimulatumakhwo liswi okhubotokhana obweni kata okhuteta tsindefu khuula khundulo tawe. 28Shimulesalakakhwo tsisalache khumibili chienywe khulwa okhwikhuula oufwile tawe. Nisie OMWAMI Nyasaye.
29 #
Okhuk. 23:17
“Shiolafimbiakhwo omwanawo omukhaana omurwe khulwa okhumuhaana okhukhola obutamba muhekalu tawe. Nimukhola murio, mulaba nimwinamilanga abanyasaye bandi, ne mulachila eshialo shitsulemwo obumayanu. 30#Abal. 26:2Okhuula mwitsulile inyanga ya Isabato nimuhelesia oluyali habundu wanje hatakatifu ahamwinamilanga. Nisie OMWAMI Nyasaye.
31 #
Okhuk. 18:11; 1 Sam. 28:3; 2 Abar. 23:4; Isa. 8:19 “Shimulatsiekhwo okhureeba okhurula khubetsinyengo kata khubebitsoyelo tawe, nimubatsiakhwo mulaba abomisilo. Nisie OMWAMI Nyasaye, Nyasaye wenywe.
32“Okhuula oritsenje nende okhuhelesia abakofu oluyali khulwa okhusinjila imbeli wabwe, khandi mumbelesie oluyali, okhuba nisie OMWAMI Nyasaye.
33 #
Okhur. 22:21; Okhuk. 24:17,18; 27:19 “Shimulakholelakhwo omurende oumenya mushialo shienywe obumayanu tawe. 34Mukholelenje omurende oumenyanga ninenywe shinga olwa mukholela omuisiraeli washienywe, khandi okhuula mumuheelenje shinga olwa mwiheela, abeene. Mwitsulile mbu mwali abarende mushialo shia Misiri. Nisie OMWAMI Nyasaye, Nyasaye wenywe.
35 #
Okhuk. 25:13-16; Tsinj. 20:10; Ezek. 45:10 “Shiolakaatiakhwo omundu yesi khulwa okhwikhoonyela eshichelo shilaali eshia habwene ta, shibe eshiokhuchela oburambi noho obusiro noho obwitsulu bweshindu shiosi shiosi. 36Wikhoonyelenje eshichelo shiahabwene shiokhuchela obusiro. Nisie OMWAMI Nyasaye, Nyasaye wenywe, owamurusia mushialo shia Misiri. 37Mulinde amalako nende amalachilisio kanje koosi. Nisie OMWAMI Nyasaye.”
Currently Selected:
ABALAWI 19: OLUPR
Highlight
Copy
Compare
Share
Want to have your highlights saved across all your devices? Sign up or sign in
