OKHURULA 23
23
Obukhalachi bwahabwene khubandu boosi
1 #
Okhur. 20:16; Abal. 19:11,12; Okhuk. 5:20 “Shiolaboolakhwo amakhuwa kobubeeyi kata okhukholela omundu obuloli bwobubeeyi khumundu ouli neshikha tawe. 2Shiolalonda abandu abanji olwa baba nibakhola eshindu eshibi, kata olwa baba nibayinia obuloli bwobubeeyi okhushiamia akobulunjishi tawe.
3 #
Abal. 19:15
“Kata shiolatererakhwo omumanani niyonoonile, nayaalungwa mbu shichila ye nomumanani tawe.
4 #
Okhuk. 22:1-4
“Ne niwakaana neing'ombe kata isishili yomusukuwo niyikorire, chikete mana omukalusilie. 5Ne nonyoola isishiliye niyikwile hasi niyisitohelwe nomusiko, okhuula omukhoonye achibuusie, shiolabira butswa tawe.
6 #
Abal. 19:15; Okhuk. 16:19 “Shiolalekha okhukhalachila omumanani eshiina habwene olwa yetsa mushiina shichila mbu, nomumanani tawe. 7Shiolachiikhakhwo owashio kata shioleerakhwo omundu oubula obwonooni ta, shichila ndilikhalachila eshiina omundu yesi yesi oukhola obwonooni obubi shinga obwo. 8Shiolafuchililakhwo okhubukula eshiomufuusi ta, shichila eshiomufuusi shichilanga abandu bakhalakanga ebiina habwene bashiamia amakhuwa kobulunjishi mana basasia obukhalachi bweshiina shiabandu ababula eshikha.
9 #
Okhur. 22:21; Abal. 19:33,34; Okhuk. 24:17,18; 27:19 “Shimulasandiakhwo omurende owamenya mwinywe ta, mumanyile obutinyu bwokhuba omurende mubandu, shichila inywe abeene mwali abarende mushialo shia Misiri.
Omuyika kwomusaafu nende inyanga eya Isabato
10 #
Abal. 25:1-7
“Orachenje nochesa mumukundakwo khulwemiyika chisasaba. 11Nebutswa mumuyika kwomusaafu, oleshenje kuhuluukha butswa, ne shiolachesakhwo ebiokhulia biosi biosi ebimelile mukwo tawe. Abamanani nibo abanyala okhuliakhwo ebiokhulia bimela nibikhula mukwo, natsio tsisolo nabulimo tsiosi tsinyala tsialiakhwo ebiba nibitong'a. Khandi okholenje orio emikundachio chiemitsabibu nende echiemitseituni chiosi.
12 #
Okhur. 20:9-11; 31:15; 34:21; 35:2; Abal. 23:3; Okhuk. 5:13,14 “Mukholenje emilimo tsinyanga tsisasaba khwichuuma, nebutswa shimulakholenje emilimo khunyanga yomusaafu ta, kho mbu abasumba benywe nende abarende abamukholelanga inywe bahuluushekhwo. Kata emiruko chienywe chiosi shinga ing'ombe noho isishili bihuluushe. 13Muhulile buli likhuwa elia isie emubooleele. Shimulenamilenje abanyasaye bandi, kata okhubarumbulakhwo tawe.
Amasabo amakhongo kataru
(Okhur. 34:18-26; Okhuk. 16:1-17)
14“Buli muyika mukholenje amasabo kataru khulwa okhumbelesia oluyali. 15#Okhur. 12:14-20; Abal. 23:6-8; Obub. 28:17-25Mumwesi kwa Abibu, okwa mwarulilakhwo Misiri, mukholenje lisabo liemikaate chibulamwo limela shinga olwa ndamulachilisia okhukhola. Mulalitsanga emikaate chibulamwo limela khulwa tsinyanga musaafu shinga olwa ndamulaka okhukhola. Shimuletsakhwo okhunzinamila mana muleshe okhuukholela omusango tawe.
16 #
Abal. 23:15-21; Obub. 28:26-31;
Abal. 23:39-43
“Mukholenje lisabo liebichese biambeli olwa muchaaka okhuchesa ebiokhulia bienywe.
“Mukholenje lisabo lieshiubwe olwa munoka ebichese biambeli biebiamo okhurula mumikunda chiemitsabibu nende mumikunda chiebiamo bienywe.
17“Buli khumuyika abandu benywe beshisaatsa boosi okhuula baletsanga okhunzinamila isie OMWAMI Nyasaye mumasabo kataru ako.
18“Shimulahaanakhwo omukaate okulimwo limela, olwa muukholela omusango kwomuruko kwosi tawe. Amasinya akemiruko chiekholeelwe omusango echio mubise ebiemilukha, okhuula kaliibwe koosi pe, shikaloolakhwo khunyanga eyilondakhwo tawe.
19 #
Okhuk. 26:2; Okhur. 34:26; Okhuk. 14:21 “Buli khumuyika oreerenje khubichese biambeli munzu eya OMWAMI Nyasaye Nyasayewo.
“Shiolateekhakho inyama yeshimeeme shielikondi mana oreemwo amabeele koshelile muyanyina tawe.
Obusuubisie nende Amalachilisio
20“Ndalaruma omumalaika okhwimila imbeli wenywe namulinda khuluchendo okhuula olwa muula habundu aha ndamukaasilia inywe. 21Murecheresinjie nimuhulila aka omumalaika oyo amuboolela. Shimulachweya okhuhulila amakhuwake ta, shichila nisie oumurumile, naye shialabeela tsimbabasi abakhaya okhuhulila amakhuwake tawe. 22Nebutswa nimuba nimuhulila akaboola koosi nende okhukhola akemboola koosi, ndalaseera abasuku benywe boosi nebakhupa. 23Omumalaika wanje alamwimilila inywe namubisia mushialo shia Abamori, Abahiti, Abaperisi, Abakanani, Abahiwi, nende Abayebusi, nasi ndalabamulula boosi pe. 24Shimulenamilakhwo abanyasaye babandu abo, kata okhubakhalabanila, noho okhwiyinjisia mukhukhola emilukha chiabakholanga tawe. Musasie abanyasaye babwe khandi mulikulule tsisiilo tsiamachina kabalaamilangakhwo tsiosi pe. 25Ne nimunzinamila isie OMWAMI Nyasaye wenywe, ndalamuhelesinjia tsikhabi nimeeta ebiokhulia bienywe, nemuhelesia amaatsi kokhunywa, nende okhumurusia mubulwale bwenywe. 26Omukhasi omukumba yesi yesi shialanyoolekhakhwo mushialo shienywe kata okhuhuusakhwo omwana tawe. Ndalamuhelesia obulamu muyindile.
27“Ndalakhola abasuku benywe abamulwanaga inywe boosi okhuuria isie. Ndalakoyaasia abasuku benywe khandi ndalabakhola bakalukhane belushe boosi pe nibamurulakhwo. 28Ndalariisia abasuku benywe boosi bachaache okhutechela, khulwa okhubarumila amahalamba, akalalasa Abahiwi, Abakanani nende Abahiti nibelukha. 29Shindalabalonda mbu, barule mwinywe khumuyika mulala kwonyene tawe. Nekhola endio, eshialo shiakhetsukhana shiakwa eshitsiimi mana tsisolo nabubulimo tsiaba tsinyinji nitsimwinjilila. 30Nebutswa ndalalondanga oluyia lulala lulala, okhuula olwa muliba nimwibulaane nimuli abanji abahelile okhubukula eshialo eshio. 31Ne olwakho lwenywe lularula khunyanza inzakhanyu okhuula khunyanza ya Mediterenia, khandi okhurula khushitsiimi okhuula khumwalo kwa Yufurate. Ndalamuhelesia inywe amaani kokhukhupa nimuhula abandu bamenyanga mushialo shino. Nenyu mulabalonda batsie. 32Nenyu shimulakholakhwo indakano yosi yosi ninabo, kata okhukhola indakano nabanyasaye babwe tawe. 33Shimulafuchililakhwo abandu abo okhumenya mushialo shienywe tawe. Nimufuchilila okhumenya halala ninabo, balamukhola okhwonoona nimwinamila abanyasaye babwe. Okwenokwo kuliba omubero omubi okwa muliba nimwinjiilemwo.”
Currently Selected:
OKHURULA 23: OLUPR
Highlight
Copy
Compare
Share
Want to have your highlights saved across all your devices? Sign up or sign in
