Josué 1
1
Josuéta Tayta Dios shakyätsishqan
1 Tayta Diospa sirviqnin Moiséspa yanapaqninmi Numpa tsurin Josué karqan. Moisés wanuykuptinnami Josuéta Tayta Dios kayno nirqan: 2<<Sirvimaqnï Moisés wanukushqanami. Tsaymi Israel runakunata pushanki Jordán mayuta tsimpar promitishqä nacionman chayatsinaykiyaq. 3Moisésta promitishqänölami#Deut. 11.24-25. maymanpis chayapäkushqayki qamkunapaqna kanqa. 4Chaskipäkunaykipaq kaykaq nación kanqa chunyaq jirkapita qalaykur Líbanucho kaq jalqakunayaqmi. Tsaynöpis kanqa Éufrates mayupita qalaykur Mediterráneo Lamaryaq. Tsay nacionchömi heteo runakuna tarkaykan. 5Moisésta yanapashqänölami qamtapis mana kachaypa yanapashayki.#Deut. 31.6-8; Heb. 13.5. Tsaymi guërracho pipis mana ichipäshunkipaqtsu.#Deut. 11.24-25.
6<<Qammi Israel runakunata aypunki unay aylunkunata promitishqä nacionta herencian kananpaq. Tsayno kaykaptinqa ama qelanaytsu ni mantsakuytsu.#Deut. 31.6-7, 23. 7Yapaypis qamta kaynömi nï: Ama qelanaytsu ni mantsakuytsu. Sirvimaqnï Moisés yachatsishushqayki leykunata mana qonqaypa cumpliy. Lapanta cumpliptikiqa ima rurashqaykichöpis yanapashaykimi. 8Tsay qelqaraykaq leykunataqa imaypis ama qonqankitsu. Tsaypa trukanqa paqasta junaqta yarpachakunki lapanta cumplinaykipaq. Tsayno cumpliptikimi lapan rurashqaykipis ali kanqapaq. 9Noqaqa Tayta Diosnikimi kaykä. Maypa aywaptikipis yanapanäpaq qamwanmi imaypis kaykäshaq. Tsayno niykaptïqa ama mantsakuytsu ni qelanaytsu>>.
Israel runakunata Josué shakyätsishqan
10Tsaypitanami Israel autoridäkunata Josué kayno nirqan: 11<<Intëru campamentupa aywaykur runakunata wilapäkuy kayno nir: <Mirkapaykita kamarikäriy. Kananpita kimsa junaqtami Jordán mayuta tsimpapäkushun Tayta Diosnintsi promitimashqantsi nacionta chaskinantsipaq> >>.
12Tsaypitanami Rubén trïbu runakunata, Gad trïbu runakunata y pulan Manasés trïbu runakunata qayaykatsir Josué kayno nirqan: 13<<Yarpapäkuy Tayta Diospa sirviqnin Moisés kayno nishushqaykita: <Tayta Diosnintsimi jamayman yaykatsishushpayki kay tsimpa markakunata y chakrakunata qoykushushqanki>. 14Nishushqaykinöla Jordán mayu kay tsimpancho tänaykipaq Moisés rikaykätsishuptikiqa warmikita, tsurikikunata y uywaykikunata kaycho kachaykuy. Qamkunaqa armaykita apakurkur Israel mayikikunapa puntanta aywapäkuy pelyäshinaykipaq. 15Tsayno yanapanki qamkunano paykunapis jamayman yaykur Tayta Diosnintsi promitishqan nacionta chaskipäkunanyaq. Nirkurnami Jordán mayu kay tsimpanman kutipäkamunki Tayta Diospa sirviqnin Moisés rikatsishushqayki herenciaykikunaman. Tsaychönami qamkuna imayyaqpis tankipaq>>.#Núm. 32.28-32; Deut. 3.18-20; Jos. 22.1-6.
16Josué tsayno niptinmi paykuna kayno nipäkurqan: <<Lapan nimashqaykitami cäsukärishaq, tayta. Maypa aywanäpaq nimaptikipis aywapäkushaqmi. 17Noqakuna qamta cäsukärishayki Moisésta cäsukärishqänölami. Tayta Dios yanapaykuläshunki Moisésta yanapashqanno. 18Nishqaykikunata mana cäsukuq kaqtaqa wanutsipäkushaq. Tsayno kaykaptinqa ama mantsakuytsu ni qelanaytsu>>.#Núm. 27.20; Deut. 34.9.
Currently Selected:
Josué 1: qvmB
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
