Popular Bible Verses from Josué 1

Share

Noqaqa TAYTA DIOSNIKIMI kaykä. Maypa aywaptikipis yanapanäpaq qamwanmi imaypis kaykäshaq. Tsayno niykaptïqa ama mantsakuytsu ni qelanaytsu>>.

Tsay qelqaraykaq leykunataqa imaypis ama qonqankitsu. Tsaypa trukanqa paqasta junaqta yarpachakunki lapanta cumplinaykipaq. Tsayno cumpliptikimi lapan rurashqaykipis ali kanqapaq.

Yapaypis qamta kaynömi nï: Ama qelanaytsu ni mantsakuytsu. Sirvimaqnï Moisés yachatsishushqayki leykunata mana qonqaypa cumpliy. Lapanta cumpliptikiqa ima rurashqaykichöpis yanapashaykimi.

Moisésta yanapashqänölami qamtapis mana kachaypa yanapashayki. Tsaymi guërracho pipis mana ichipäshunkipaqtsu.

<<Qammi Israel runakunata aypunki unay aylunkunata promitishqä nacionta herencian kananpaq. Tsayno kaykaptinqa ama qelanaytsu ni mantsakuytsu.

Moisésta promitishqänölami maymanpis chayapäkushqayki qamkunapaqna kanqa.

<<Sirvimaqnï Moisés wanukushqanami. Tsaymi Israel runakunata pushanki Jordán mayuta tsimpar promitishqä nacionman chayatsinaykiyaq.

TAYTA DIOSPA sirviqnin Moiséspa yanapaqninmi Numpa tsurin Josué karqan. Moisés wanuykuptinnami Josuéta TAYTA DIOS kayno nirqan

Chaskipäkunaykipaq kaykaq nación kanqa chunyaq jirkapita qalaykur Líbanucho kaq jalqakunayaqmi. Tsaynöpis kanqa Éufrates mayupita qalaykur Mediterráneo Lamaryaq. Tsay nacionchömi heteo runakuna tarkaykan.

Nishqaykikunata mana cäsukuq kaqtaqa wanutsipäkushaq. Tsayno kaykaptinqa ama mantsakuytsu ni qelanaytsu>>.

<<Intëru campamentupa aywaykur runakunata wilapäkuy kayno nir: <Mirkapaykita kamarikäriy. Kananpita kimsa junaqtami Jordán mayuta tsimpapäkushun TAYTA DIOSNINTSI promitimashqantsi nacionta chaskinantsipaq> >>.