Esikeel 9
9
Ubiereikpe Nnọọ Mme Akpono Ndem
1Ndin ami mmaakop naña anye akoot ke akpọsọñ uyio ate, “Nam nọ mbon se emek ebo yak ekpe ikpe abio ado esaña ekpere, ammọ keedekeed ekama ñkpọ ekọñ ammọ ke ubọk.” 2Ndin ami mmaakịt ideen itiokeed nte eto ñkañ adoro-adoro inuaatob, a-aseeghe adoro edi, afịd ammọ keedekeed ekaama aniendịk ñkpọekọñ ke ubọk. Awodeen keed a-akesịneke afọñidem linen anyʌñ akama ñkpọ uwedñkpọ ke ñkañ amọ amaasaña ye ammọ. Ammọ emaedʌk edida ke ñkañ akpokoro uwa brọns.
3Ndin ubọọñ Abasi Isrel amaadọọk akpọñ serubim, itie a-anye akedoroke, akaa inuausʌñ tembịd. Ndin Abọọñ amaakoot awodeen a-akesịneke afọñidem linen anyʌñ akama ñkpọ uwedñkpọ ke ñkañ. 4Abọọñ amaabo anye ate, “Saña dʌk afịd abio Yeruselem nyʌñ nịm idiọọñọ ke akpọiso mbon se ifʌhọ inyʌñ iseeme ibaña afịd mme mbubiam ñkpọ se enam ke esịd amọ.”
5Nte ami ñkekpañña utọñ, anye amaabo mbon ako ate, “Ikeene anye isaña afịd abio inyʌñ iwot, ikiitua awo mbọm, ikiikop awo udʌk. 6Iwot ñkaan ideen, ñkparawa ye ubọikpa, mme eka ye ntəkayịn, ado ikiituuk awo ndomokeed a-anieghe idiọọñọ ado. Itọọñọ ke adisana itie mmi.” Ndin ammọ emaetọọñọ ye ñkaan ideen e-ekebaaha ke iso tembịd.
7Akem anye amaabo ammọ ate, “Isappa tembịd inyʌñ iwot awo iyọhọ akwere amọ. Ikaa!” Ndin ammọ emaewuọñọ eketọọñọ adiwoot mme awo ke afịd abio. 8Idaha a-ammọ ekesʌkkọ ewot awo nọ ami mba ikpọọñ, ami mmaaduọ ñkʌp iso ke isọñ, ñnyʌñ ntua nte, “Sai, Abọọñ Andikara! Afo ayem adisobo afịd ñyọhọnsʌhọ ufọk Isrel ke adinwañña ifiobesịd mfo mfʌk Yeruselem?”
9Anye amambọọrọ miin ate, “Idiọọkñkpọ mbon Isrel ye Yuda akpon abọhọ; iyiib ayọyọhọ isọñ ami ndin ukwañ ikpe ayọhọ abio. Ammọ ebo ete, ‘Abọọñ adakka akpọñ isọñ ami; Abọọñ ikịtte.’ 10Ke ntoro ami ndiituaha ammọ mbọm, ndiinyʌññọ ñyaak ammọ, ado ñyaaben se ammọ ekenam ndot ammọ ke iwuod.”
11Ndin awo a-akesịneke afọñidem linen akama ñkpọ uwedñkpọ ke ñkañ amaaben etob anyọñ adi, ate, “Ami mmenam naña afo akenọọ uyio abo yak nnam.”
Currently Selected:
Esikeel 9: ICB
Highlight
Copy
Compare
Share
Want to have your highlights saved across all your devices? Sign up or sign in
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.
