Esikeel 2
2
Ikood Esikeel nte Prọfed
1Anye amambo miin ate, “Ayịn awo, dakka da ke ukod mfo, ndin ami ñyaatañ ikọ unọ fiin.” 2Nte anye akesʌkkọ atañ ikọ, Sịbidịd amandʌk miin idem anyʌñ andịppe adaaha ke ukod, ndin ami mmaakop naña anye atañ ikọ ye ami.
3Anye amaabo ate: “Ayịn awo, ami ñyaudọñ fiin utom nnọ nditọ Isrel, nnọ idịd nsọñiwuod e-esọññọ iwuod ye ami; ammọ ye mme eteete ammọ emaedakka eda ikọ ye ami tutu awuọ idem usen mfịn ami. 4Mbon se ami udọñ fiin utom nnọ esọñ iwuod enyʌñ etre utọñ. Bo ammọ ate, ‘Se Abọọñ Andikara abo ado ami.’ 5Ndin me ammọ ekpañ utọñ me ikpañña, sia ammọ edo mbon nsọñiwuod, ammọ eyaediọọñọ ke prọfed mmọdo ke atu ammọ. 6Ndin afo, ayịn awo, kuufeghe ammọ me ikọ ammọ. Kuukop ndịk, akpesʌkado akpab ye ñkukịm ebaaha ukanna fiin ekʌk ndin afo anyʌñ adʌñ ke atu mme ikpeyen. Kuukop ndịk ubaña se ammọ etañ, ñko kuunyʌñ udịkke ubaña ammọ, akpesʌkado ammọ edooho mbon nsọñiwuod. 7Ana afo atañ ikọ mmi anọ ammọ, me ammọ ekpañ utọñ me ikpañña, sia ammọ e-esọñ iwuod. 8Ado amaado afo, ayịn awo, kpañ utọñ kop se ami ntañ unọọ fiin. Kuusọñ iwuod nte mbon nsọñiwuod ado; kʌppọ inua mfo nyʌñ dia se ami unọọ fiin.”
9Ndin ami mmaase, ñnyʌñ ñkịt ubọk keed nte anyanna anọ utịd mmi. Ubọk ado amaakama ikpañwed, 10a-anye aketatta ke iso mmi. Emaewet mme ikọ aseeme ye ntuaña ye mfʌhọ ke naña edem ikpañwed iba.
Currently Selected:
Esikeel 2: ICB
Highlight
Copy
Compare
Share
Want to have your highlights saved across all your devices? Sign up or sign in
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.
