Akpa Ñwed Tesalonia 1
1
Ekọọm
1Ami Pọọl, Sailas ye Timoti, inọọ etob ami esọk ufọkabasi mbon Tesalọnika ke Abasi Ete ye Abọọñ Yisọs Krais. Mfọn ye emem aba ye ndufo.
Ukọọm Abasi Mbaña Mbuọdidem Mbon Tesalọnika
2Ñnyịn imisikọọm Abasi afịd ini ke ntak afịd ndufo, inyʌñ isịn afịd ndufo ke akam ñnyịn. 3Ñnyịn imisitoiyo ndufo afịd ini ke iso Abasi Ete ke abaña utom ndufo a-atooho mbuọdidem, akpọsọñ utom ndufo e-enamma ke ima, ye ime a-ndufo enieghe ke ntak idodanyen ke Abọọñ ñnyịn Yisọs Krais.
4Sia ñnyịn imidiọọñọ, mme nditọeka#1:4 Ke usem Greek adelfọi a-awuọñọke nditọeka ideen ye ibaan anyʌñ asʌk ada anọ mme ideen ye ibaan e-enịmme Krais ke akpanikọ ke atu ubon Abasi; se ñko ke 1 Tesalonia 2:1, 9, 14, 17; 1 Tesalonia 3:7; 1 Tesalonia 4:1, 10, 13; 1 Tesalonia 5:1, 4, 12, 14, 25, 27. ke Krais A-Abasi a-amaaha, ke anye imek ndufo, 5sia eti etob ñnyịn ikisañake ye ikọ inua ikpọọñ, ado ye adudu ñko, ye Adisana Sịbidịd ye adinekke nnịm ke akpanikọ. Ndufo emediọọñọ naña ñnyịn ikidu uwem ke atu ndufo ke ntak ndufo. 6Ndufo emaikpebe ñnyịn ye Abọọñ, sia ke unana adikere mbana akpọsọñ ndutʌhọ ndufo, emaebọ etob ke inemesịd A-Adisana Sịbidịd anọọhọ. 7Ke ntoro ndufo emaekappa edoñño uwọdñkpọ enọ afịd mme andinịm ke akpanikọ ke Masidonia ye ke Akaya. 8Etob Abọọñ amaatop awuọ ito ndufo, idooho ke Masidonia ikpọọñ ye Akaya, ado e-ekop etob mbuọdidem ndufo ke Abasi ke afịd itie. Ke ntoro, ñnyịn inieghe ñkpọ ndomokeed aba se itañ ibaña anye, 9sia ammọ ke idem ammọ e-enọ mbʌk se ikitịppe ke utọ adidaara a-ndufo ekidaarake ñnyịn. Ammọ e-etañ naña ndufo ekekappa ekeene Abasi, ekpọñ mme usọsọiñkpọ, enyʌñ enam ñkpọ enọ aduuwem Abasi akpanikọ, 10ndin ebet Ayịn amọ a-atooho hefịn, a-anye akenamma aset ke ñkpa, a-adooho Yisọs, i-inyaañake ñnyịn asio ke ekamba ifiobesịd a-adiidi.
Currently Selected:
Akpa Ñwed Tesalonia 1: ICB
Highlight
Copy
Compare
Share
Want to have your highlights saved across all your devices? Sign up or sign in
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.
