Akpa Ñwed Kọrint 2
2
1Naña akeba adoodo ye ami, nditọeka mmi ke Krais. Ke ini ami ñkediighe ibịne ndufo, ñkidiighe ye akpọsọñ ndọọn ikọ me aniọñ a-atooho awo ke ini ñketañña ikọ ntiense inọọ ndufo mbaña Abasi.#2:1 Usʌk mme ikpañwed ewet ñketañña ntọtʌñọ 2Sia ami mmaabiide aditre adidiọọñọ ñkpọ ndomokeed ke ini ñkebaaha ye ndufo ke amaaboiyo Yisọs Krais e-ekekọññọ ke krọs. 3Ami ñkedi ibịne ndufo ke mmemidem ye akpọsọñ ndịk ye ñnyeñidem. 4Etob mmi ye ukwọrọikọ mmi ikisañake ye aniọñ ye ikọ ndukpek, ado akeben adudu Sịbidịd anam uwọdñkpọ, 5mbaak mbuọdidem ndufo adikeene ifiọk awo, ado akeene adudu Abasi.
Sịbidịd Ayaara Aniọñ Abasi
6Kpayeado, imisʌk ineme ikọ aniọñ inọ mme adiọọñọidem awo, ado idooho aniọñ ayio mfịn me ake mme andikara ayio mfịn, e-ediwuọñọ ikpu-ikpu. 7Iyoo, ñnyịn itañ ikọ ibaña ndedịbe aniọñ ake Abasi, aniọñ e-emaekedịp, ake Abasi akebeeñeke anịm anọ ubọọñ ñnyịn ke editọọñọ mbemiso ntọọñọ ederimbod. 8Ikinwañake mme andikara ayio ami ndomokeed sia akpedo amaanwaña ammọ, ammọ ikpikikọññọ Abọọñ ubọọñ ke krọs. 9Kpayeado, naña ewet:
“Se anyen ndomokeed imiikịtte,
se utọñ ndomokeed imiikoppo,
ye se esịd awo ndomokeed imiikereke,
mme ñkpọ se Abasi abeeñe anịm anọ mbon se ima anye.”
10Mme ñkpọ ami ado se Abasi ayaara iwọt ñnyịn ke Sịbidịd amọ.
Sịbidịd aduunọ afịd ñkpọ, kpa ye ntəño-ntəño ñkpọ Abasi. 11Anie ke atu ndufo adiọọñọ akikere esịd awo ke mmiibọhọke sịbidịd esịd mbon ado? Ke ukem usʌñ ado awo ndomokeed idiọọñọke akikere Abasi ke miibọhọke Sịbidịd Abasi. 12Ñnyịn ibọọhọ sịbidịd ake ederimbod ado ibọ Sịbidịd a-atooho Abasi nọ ato do anekke inwaña ñnyịn se Abasi inọ ñnyịn ke ntadubọk. 13Se ñnyịn itañ ado ami, idooho ikọ se ifiọk awo ikpeep ñnyịn, ado ke ikọ ake Sịbidịd akpeebe, atañ abaña akpanikọ ake Sịbidịd ato ke ikọ Sịbidịd. 14Awo abʌkidem i-imiinieghe Sịbidịd ibọọhọ ñkpọ a-atooho Sịbidịd Abasi sia atie anye ndisịme-ndisịme, ñko ikanna inwaña anye sia ediọọñọ mme ñkpọ ami eto Sịbidịd. 15Awo a-anieghe Sịbidịd akeme inọ ubiideikpe mbaña afịd ñkpọ, ado anye ke idem amọ ibaaha ke idak ubiideikpe awo ndomokeed. 16Sia,
“Anie awo adiọọñọ akikere Abọọñ
nọ ato do anye akpeep Abasi ñkpọ?”
Ado ñnyịn iminie akikere Krais.
Currently Selected:
Akpa Ñwed Kọrint 2: ICB
Highlight
Copy
Compare
Share
Want to have your highlights saved across all your devices? Sign up or sign in
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.
