Hosia 2
2
Ẹguọnọ rẹ Ọrovwohwo vwo kẹ Ihwo Rọye ri Gbe Ọfanrhiẹ
1Ta kẹ oniọvo wẹn rẹ ọshare, Ihwo mẹ, ta kẹ oniọvo wẹn rẹ ọmọtẹ nẹ, Ọ mrẹ ehrọre reyọ.
2Nene oni wẹn jẹ iroro, vuẹ
kidie ọ gbe dia aye mẹ-ẹ,
me gbe dia ọshare rọye-e
nẹ o siobọ nẹ igberadja rọye,
no si ọfarhiẹ nẹ udu rọye,
3me da rhe ban phihọ
ọ da rhe dia kerẹ ọke re vwo vwiẹ,
mi de rhi ruọ hirhe phihọ aghwa
mi de rhe ruo hirhe phihọ otọ ọyaya,
me da vwẹ urhuru rẹ ame hwe.
4Me rha re ehrọre rẹ emọ rọye-e,
kidie ayen emọ rẹ ọfarhiẹ.
5Kidie oni rayen gbe ọfarhiẹ;
ohwo ro mrẹ evun rẹ ayen ru emu rẹ omẹvuọ.
Kidie ọ tare, Mi nenẹ esen mẹ, re kẹ vwẹ emuọrẹ mẹ vẹ ame mẹ, ẹton rẹ ogegede mẹ vẹ oruru mẹ, ọfigbo mẹ vẹ udi mẹ.
6Fiki rẹ ọtiọyẹ na kẹ mẹ vwẹ inwe gba idjerhe rọye
me tọn igbẹhẹ phihọ ghẹnẹ,
ọtiọye na ọ gbe mrẹ idjerhe rọye-e.
7Ọ cha vwọ tua esen rọye,
ẹkẹvuọvo ọ gbe djẹ mu aye-en
kọ guọnọ ayen,
jẹ ọ gbe mrẹ ayẹ-ẹn
kọ ta, mẹ ra
mi rhivwi bru ọsharẹ mẹ rẹ ẹsosuọ,
kidie ọke yena o de me yovwi kẹ vwẹ nọ asakiephana.
8Ọ gbe rha riẹn
nẹ omẹvwẹ re vwẹ
ọka na, vẹ udi na vẹ ọfigbo na kẹ-ẹ,
nẹ mẹvwẹ re je rhaphiẹ idọnọ
vẹ oro rọ rhaphiẹ kẹ Baal.
9Fiki rẹ ọtiọye na ke me rhoma reyọ ọka mẹ hirhe
vwẹ ọke rọye,
vẹ udi mẹ vwẹ ororo rọye,
me je reyọ ẹton rẹ ogegede vẹ oruru mẹ,
ro vwo rhurhu ẹban rọye.
10Asakiephana ke me ban amwa no
vwẹ obaro rẹ esen rọye,
ohwo ọvuọvo gbi se sio nẹ obọ mẹ-ẹ,
11Ki mi phi oba phihọ omavwerhovwẹ rọye,
te erẹ rọye, tẹ ọtuphro rẹ emeranvwe rọye, ẹdidjala rọye,
kugbe ẹdẹ rẹ orẹ re bruru.
12Ke me guọghọ irhe ri vain vi figi rọyẹ,
rọ ta ota kpahe nẹ,
Enana osa mẹ, rẹ esen mẹ vwọ kẹ vwẹ.
Mi ru ayen hirhe phihọ egbo,
eranvwe rẹ aghwa ke re ayen.
13Ki mi vwẹ oja riọ fiki rẹ ẹdorẹ ri Baal
ọke rọ vwọ torhẹ insens kẹ ayen
rọ vwọ vwẹ Isa vẹ ejọnrọn vwọ rhuẹro oma rọye,
ro de nenesi rẹ esen rọye,
Me da chọrọ ẹro, ọtiọye Ọrovwohwo tare,
14Fiki rẹ ọtiọye na, ki mi ruo re urhuru sio,
ke me riẹriẹ kpo ivuaghwa,
ke me vwẹ aghẹghẹ ta ota kẹ.
15Etiyin ke me vwẹ ogba ri vain rọye vwọ kẹ,
ki mi ru iyara rẹ Akọ ẹchẹ rẹ iphiẹrohọ.
Etiyin ọ de che nyo kerẹ ọke rọ vwọ hẹ emeghene,
kerẹ ọke rọ vwo vrẹn nẹ otọ rẹ Ijipt rhe.
16Vwẹ ẹdẹ yena Ọrovwohwo da ta, ku wọ se vwẹ, Ọshare mẹ, wọ gbi se vwẹ Baal mẹ-ẹ. 17Kidie mi si odẹ ri Baal nẹ unu rọye, e gbi se odẹ rayen ọfa-a. 18Ke me vẹ owẹ cha re ọphọ vwẹ ẹdẹ yena kugbe eranvwe rẹ aghwa, ephran rẹ irharheghe, vẹ ọbo ri kpono vwẹ otọ, ke me guọghọ umurhabọ, ọlọkọ kugbe ofovwi nẹ otọ na; ke me vwẹ owẹ sherhẹ otọ gbiei. 19Ke me rhoma sa wẹ otọ kẹ oma mẹ bẹdẹ; me sa wẹ otọ vwẹ ọ rẹ ọvwata vẹ ọsoso, vẹ ẹguọnọ esiri ro jẹrhẹriẹ vẹ arodọvwẹ. 20Me sa wẹ otọ vwẹ ọ rẹ uyota; ku wọ riẹn Ọrovwohwo na. 21Vwẹ ẹdẹ yena, Ọrovwohwo da ta, ke me kpahe kẹ idjuvwu
ayen ke kpahe kẹ otọ,
22otọ ke rha kpahe kẹ eka, udi kugbe ọfigbo,
ayen ejobi ke kpahe kẹ Jezrẹl,
23ke me kọn phihọ otọ na kẹ oma mẹ
ke me re ehrọre kẹ ro vwo ehrọre-e
ke me ta kẹ ihwo re dia ihwo mẹ-ẹ,
Ovwan ihwo mẹ,
Kọ ta nẹ, Wẹ Ọghẹnẹ mẹ.
Currently Selected:
Hosia 2: UBV77
Highlight
Share
Copy
Want to have your highlights saved across all your devices? Sign up or sign in
Bible in Urhobo © United Bible Societies, 1977.
