Hosia 3

Hosia vẹ Aye Rọye ro Gbe Igberadja

1Ọrovwohwo da ta kẹ vwẹ, Rhoma yanran, ra guọnọ aye ra riẹriẹ nẹ obọ obọ wẹn, ọ ro gbe igbaradja na, kirobo rẹ Ọrovwohwo guọnọ ihwo rẹ Izrẹl, dede na yẹ ayen hirhe bru edjọ efa re guọnọ ikara re vuvwuru. 2Etiyin me da dẹ shikẹl ihwiori rẹ idọnọ kugbe eghẹghẹrẹ gbe ubro rẹ ọka. 3Me da ta kẹ, Wọ dia omẹ vwẹ ẹdẹ buebu, wo gbi gbe igberadja-a, eyẹ wọ gbe rọvwọ ohwo ọfa-a, ọtiọye me je dia kẹ wẹ. 4Kidie emọ rẹ Izrẹl ke dia vwẹ ẹdẹ buebu ayen gbi vwo ovie-e yẹrẹ osu-un, ọ rhe vwo izobo e ze-e yẹrẹ uchivwo-o, ibuluku yẹrẹ utẹ-ẹ. 5Ukoko rọye emọ rẹ Izrẹl ki rhivwi rhe rhe guọnọ Ọrovwohwo rẹ Ọghẹnẹ rayen, kugbe Devid rẹ ovie rayen, ayen ki bru Ọrovwohwo rhe vẹ oshọ kugbe ughwẹ rẹ esiri rọye vwẹ ukoko rọye.

Currently Selected:

Hosia 3: UBV77

Highlight

Copy