1 CRÓNICAS 1
1
Adanpac huahua huahuacunamanta
(Gn 5.1-32)
1Adanpac huahua huahuacunaca Set, Enós, 2Cainán, Mahalaleel, Jared, 3Enoc, Matusalén, Lamec, 4Noé, Sem, Cam, Jafetmi carca.
Noepac huahua huahuacunamanta
(Gn 10.1-32)
5Jafetpac churicunaca: Gomer, Magog, Madai, Javán, Tubal, Mesec, Tirasmi carca. 6Gomerpac churicunaca: Askenaz, Rifat, Togarmami carca. 7Javanpac churicunaca: Elisa, Tarsis, Quitim, Dodanimmi carca.
8Campac churicunaca: Cus, Mizraim, Fut, Canaanmi carca. 9Cuspac churicunaca: Seba, Havila, Sabta, Raama, Sabtecami carca. Raamapac churicunaca: Seba, Dedanmi carca. 10Cuspac churica Nimrodmi carca. Paimi cai pachapica yallita sinchi carca.
11Mizraimpac huahua huahuacunaca: Ludim, Anamim, Lehabim, Naftuhim, 12Patrusim, Casluhimmi carca. Paicunamantami filisteocunapish, caftoreocunapish llucshirca.
13Canaanpac punta churica Sidón, quipa churica Hetmi carca. 14Shinallatac jebuseo, amorreo, gergeseo, 15heveo, araceo, sineo, 16arvadeo, zemareo, hamateo gentecunapish Canaanpac huahua huahuacunami carca. 17Sempac churicunaca: Elam, Asur, Arfaxad, Lud, Aram, Uz, Hul, Geter, Mesecmi carca. 18Arfaxadca Sela churitami charirca. Selaca Heber churitami charirca. 19Heberca ishcai churitami charirca. Punta churica Pelegmi carca. Cai pachapi causaccuna chicanyanacushca punzha huacharishcamantami chashna shutichirca. Pelegpac huauquica Joctanmi carca. 20Joctanca: Almodad, Selef, Hazar-mavet, Jera, 21Adoram, Uzal, Dicla, 22Ebal, Abimael, Seba, 23Ofir, Havila, Jobab churicunatami charirca. Tucui paicunami Joctanpac churicuna carca.
Sempac huahua huahuacunamanta
(Gn 11.10-26)
24Sempac churicunaca: Arfaxad, Sela, 25Heber, Peleg, Reu, 26Serug, Nacor, Taré, 27Abrammi carca. Paillatacmi Abraham shutipish carca.
Abrahampac huahua huahuacunamanta
(Gn 25.1-6,12-18)
28Abrahampac churicunaca: Isaac, Ismaelmi carca. 29Ismaelpac punta churica Nebaiotmi carca. Quipa churicunaca Cedar, Adbeel, Mibsam, 30Misma, Duma, Massa, Hadad, Tema, 31Jetur, Nafis, Cedemami carca. Paicunami Ismaelpac churicunaca carca.
32Abrahampac caishuc huarmi Ceturapac huahuacunaca: Zimram, Jocsán, Medán, Madián, Isbac, Suami carca. Jocsanpac churicunaca: Seba, Dedanmi carca. 33Madianpac churicunaca: Efa, Efer, Hanoc, Abida, Eldaami carca. Tucui paicunami Cetura huarmipac huahuacunaca carca.
Esaupac huahua huahuacunamanta
(Gn 36.1-43)
34Abrahamca Isaac churitami charirca. Isaacca Esaú, Israel churicunatami charirca. 35Esaupac churicunaca: Elifaz, Reuel, Jeús, Jaalam, Coremi carca. 36Elifazpac churicunaca Temán, Omar, Zefo, Gatam, Cenaz, Timna, Amalecmi carca. 37Reuelpac churicunaca: Nahat, Zera, Sama, Mizami carca. 38Seirpac churicunaca: Lotán, Sobal, Zibeón, Aná, Disón, Ezer, Disanmi carca. 39Lotanpac churicunaca: Hori, Homammi carca. Timnaca Lotanpac panimi carca. 40Sobalpac churicunaca: Alván, Manahat, Ebal, Sefo, Onammi carca. Zibeonpac churicunaca: Aja, Anami carca. 41Disonca Anapac churimi carca. Disonpac churicunaca: Amram, Esbán, Itrán, Queranmi carca. 42Ezerpac churicunaca: Bilhán, Zaaván, Jaacanmi carca. Disanpac churicunaca: Uz, Aranmi carca.
43Israelcunapurapi manarac jatun mandac tiyacpica, caicunami Edom llactataca mandacurca: Beorpac churi Belaca Dina pueblopimi mandac carca.
44Bela huañucpica, Bosra pueblomanta Zerapac churi Jobabmi paipac randi mandarca.
45Jobab huañucpica, temanitacunapac llactamanta Husammi paipac randi mandarca.
46Husam huañucpica, Bedadpac churi Hadadmi paipac randi mandarca. Paimi madianitacunataca Moab pambapi macanacushpa misharca. Paica Avit pueblopimi mandarca.
47Hadad huañucpica, Masreca pueblomanta Samlami paipac randi mandarca.
48Samla huañucpica, Rehobot pueblomanta Saulmi paipac randi mandarca. Chai puebloca Eufrates yacu ladopimi carca.
49Saúl huañucpica, Acborpac churi Baal-hananmi paipac randi mandarca.
50Baal-hanán huañucpica, Hadadmi paipac randi mandarca. Pai causana puebloca Pai shutimi carca. Paipac huarmica Matredpac ushi Mezaabpac nieta Mehetabelmi carca.
51Hadad huañushca quipa Edom llactataca Timna, Alva, Jetet, 52Aholibama, Ela, Pinón, 53Cenaz, Temán, Mibzar, 54Magdiel, Irammi mandacurca. Paicunami Edom llactata mandaccuna carca.
Currently Selected:
1 CRÓNICAS 1: QCA10
Highlight
Share
Copy
Want to have your highlights saved across all your devices? Sign up or sign in
Biblia Quichua Cañar, Dios Rimashcata Quillcashcami © Sociedades Biblicas Unidas, 2010.