1 CRÓNICAS 2
2
Israelpac churicunamanta
(Gn 35.22-26)
1Israelpac churicunaca: Rubén, Simeón, Leví, Judá, Isacar, Zabulón, 2Dan, José, Benjamín, Neftalí, Gad, Asermi carca.
Judapac huahua huahuacunamanta
3Judapac churicunaca: Er, Onán, Selami carca. Chai quimsa churitaca cananeopuramanta Súa huarmipimi charirca. Judapac punta churi Ertaca, Mandac Diospac ñaupapi mana alli cacpimi, paipac causaita quichurca. 4Judá, paipac nuera Tamarpi charishca churicunaca Fares, Zerami carca. Judaca pichca churitami charirca.
5Farespac churicunaca: Hezrón, Hamulmi carca. 6Zerapac churicunaca: Zimri, Etán, Hemán, Calcol, Darami carca. Tucuica pichca churicunami carca.
7Carmipac churica Acanmi carca. Paimi Dios tucui chingachichun nishcata mana cazushpa mana allita japishpa israelcunataca yallita llaquichirca. 8Azariasca Etanpac churimi carca.
9Hezronpac churicunaca: Jerameel, Ram, Quelubaimi carca. 10Ramca Aminadab churitami charirca. Aminadabca Naasón churitami charirca. Paimi Judá aillutaca mandarca. 11Naasonca Salmón churitami charirca. Salmonca Booz churitami charirca. 12Boozca Obed churitami charirca. Obedca Isaí churitami charirca. 13Isaipac punta churica Eliabmi carca. Quipa churica Abinadabmi carca. Chai ishcai churicunapac quipaca Simeami carca. 14Chuscuniquipica Natanaelmi carca. Pichcaniquipica Radaimi carca. 15Suctaniquipica Ozemmi carca. Canchisniquipica Davidmi carca. 16Paicunapac panicunaca Sarvia, Abigailmi carca. Sarviapac quimsa cari huahuacunaca: Abisai, Joab, Asaelmi carca. 17Abigaíl huarmica Amasa huahuatami charirca. Amasapac taitaca ismaelitapuramanta Jetermi carca.
18Hezronpac churi Calebca Azuba huarmipimi Jeriot churita charirca. Chai huarmipac caishuc cari huahuacunaca: Jeser, Sobab, Ardonmi carca. 19Azuba huañucpica, Efrata huarmihuanmi Calebca cazararca. Chai huarmimi Hur cari huahuata charirca. 20Hurca Uri churitami charirca. Urica Bezaleel churitami charirca.
21Hezronca sucta chunga huatata charishpami, Galaadpac taita Maquirpac ushihuan cazararca. Chai huarmimi Segub cari huahuata charirca. 22Segubca Jair churitami charirca. Paimi Galaad llactapica ishcai chunga quimsa pueblocunata charirca. 23Shina cacpipish Gesur, Aram runacunami Jairpac pueblocunatapish, Kenat pueblotapish sucta chunga pueblocunata muyundi uchilla llactacunandi japirca. Chaipi tucui causaccunami Galaadpac taita Maquirpac churicuna carca. 24Hezronca Caleb-efrata pueblopimi huañurca. Chai quipami, paipac huarmi Abiasca Asur huahuata charirca. Paimi Tecoapac taita carca.
25Hezronpac punta churi Jerameelpac churica Rammi carca. Caishuc churicunaca: Buna, Orén, Ozém, Ahiasmi carca. 26Jerameelca shuctac Atara huarmitami charirca. Paimi Onampac mamaca carca.
27Jerameelpac punta churi Rampac churicunaca: Maaz, Jamín, Equermi carca. 28Onampac churicunaca: Samai, Jadami carca. Samaipac churicunaca: Nadab, Abisurmi carca. 29Abisurpac huarmica Abihailmi carca. Paimi Ahbán, Molid huahuacunata charirca.
30Nadabpac churicunaca: Seled, Apaimmi carca. Seledca churicunata mana charishpami huañurca. 31Isica Apaimpac churimi carca. Sesanca Isipac churimi carca. Ahlaica Sesanpac churimi carca.
32Samaipac huauqui Jadapac churicunaca: Jeter, Jonatanmi carca. Jeterca churicunata mana charishpami huañurca. 33Jonatanpac churicunaca: Pelet, Zazami carca. Caicunami Jerameelpac churicunaca carca.
34Sesanca mana churicunata charircachu, ushicunallatacmi charirca. Shina cashpapish, Egiptomanta Jarha shuti servictami charirca. 35Sesanca chai runahuanmi paipac shuc ushita cazarachirca. Chai ushimi Atai cari huahuata charirca. 36Ataica Natán churitami charirca. Natanca Zabad churitami charirca. 37Zabadca Eflal churitami charirca. Eflalca Obed churitami charirca. 38Obedca Jehú churitami charirca. Jehuca Azarías churitami charirca. 39Azariasca Heles churitami charirca. Helesca Elasa churitami charirca. 40Elasaca Sismai churitami charirca. Sismaica Salum churitami charirca. 41Salumca Jecamías churitami charirca. Jecamiasca Elisama churitami charirca.
42Jerameelpac huauqui Calebpac churicunaca: Puntaca Mesa, quipaca Maresami carca. Mesaca Zifpac taitami carca. Maresaca Hebronpac taitami carca. 43Hebronpac churicunaca: Coré, Tapúa, Requem, Semami carca. 44Semaca Raham churitami charirca. Rahamca Jorcoampac taitami carca. Requemca Samai churitami charirca. 45Samaica Maón churitami charirca. Maonca Bet-surpac taitami carca.
46Calebpac caishuc huarmi Efaca Harán, Mosa, Gazez huahuacunatami charirca. Haranca Gazez churitami charirca. 47Jahdaipac churicunaca: Regem, Jotam, Gesam, Pelet, Efa, Saafmi carca.
48Calebpac caishuc huarmi Maacaca Seber, Tirhana cari huahuacunatami charirca. 49Shinallatac Saaf, Seva cari huahuacunatapish charircami. Saafca Madmanapac taitami carca. Sevaca Macbenapac, Gibeapac taitami carca. Acsaca Calebpac ushimi carca. 50Caicunami Calebpac churicunaca carca.
Efratapac punta churi Hurpac churicunaca: Quiriat-jearimpac taita Sobalmi carca. 51Belenpac taita Salmami carca. Cutin shucca Bet-gaderpac taita Harefmi carca. 52Quiriat-jearimpac taita Sobalpac churicunaca manahetitapuramanta chaupimi carca. Paicunaca Haroepac huahuacunami carca. 53Quiriat-jearimpac aillucunaca itritacuna, futitacuna sumatitacuna, misraitacunami carca. Paicunapuramantami zoratitacuna, estaolitacuna llucshirca.
54Salmapac churicunaca: Belén pueblopi causaccuna, netofatitacuna, Atrot— bet-joab pueblopi causaccunapish, chaupi manahetitacuna, zoraitacunami carca. 55Jabes pueblopi causacuc quillcaccunapac familiacunaca: tirateocuna, simeateocuna, sucateocunami carca. Paicunami Recabpac taita Hamatpac huahua huahua ceneocunaca carca.
Currently Selected:
1 CRÓNICAS 2: QCA10
Highlight
Share
Copy
Want to have your highlights saved across all your devices? Sign up or sign in
Biblia Quichua Cañar, Dios Rimashcata Quillcashcami © Sociedades Biblicas Unidas, 2010.