Псалм 7
7
1Давидоскири-Мангипнытко гилы́, сави́ Ёв багандя Ра́скэ-Дэвлэ́скэ пал Хусоскиро Рэ́ндо, Кон сыс Вен΄яминоскиро Чхаво́.
2Миро Ту, Раё Дэ́вла, Мро Дэ́вла, Дрэ Савэ́стэ мэ патя́ва; зра́кх ман мэрибна́стыр мирэ́ вэргэ́ндыр, и приракх ман. 3Соб (кай) ёнэ тэ на сыр шчэр (ле́во) розрискирэн миро ди, савэ́ лучкирэла ман пэ котэра́, ке́ли нанэ никонэ́с тэ приракхэл. 4Раё Дэ́вла, Мро Дэ́вла, ко́ли мэ кэрдём вари-со дасаво, со исын начачипэ́н пэ мирэ́ васта́; 5ко́ли мэ отдыём палэ фуипнаса одолэ́скэ, кон сыс дро рама́нё (миро) ма́нца, ци чордём одолэ́стыр, кон ма́нгэ исын пир ило́. 6Мэк вэ́рги тэ ґаздэ́нпэ проти миро джиибэ́н, и мэк тэ ухтылэ́н ман, мэк ёнэ тэ домарэн ман дрэ бла́та кэ лю́но (адо), мэк тэ пасёл Миро барипэ́н дро пыло. Сэ́ла. 7Ушты́, Раё Дэ́вла, дро Пэ́скири холы́. Сыка́в Пэс и помогин Ма́нгэ вэргэ́ндыр! Ту сэндякирэса пир чачипэ́н. 8Мэк сарэ́ мануша́ тэ скэдэ́нпэ тэл Тыро́ васт. Лы́джа Сэ́ндо Трэ вучэ́ штэто́стыр. 9Рай Дэвэ́л явэ́ла тэ сэндякирэ́л на́цыи. Сэндя́кир ман, Раё Дэ́вла, пир миро чачипэ́н, пир дова́, со нанэ банг ма́ндэ. 10Соб (кай) чорипэ́н фуе́–манушэ́нгиро тэ кончынэлпэ, подрикир патывалэ́ манушэ́с: пал-дова́ со чачуно́ Дэвэ́л пропатякирэла ило́ и годы́. 11Дэвэ́л исын сыр шчы́то ваш ма́нгэ, Саво́ зракхэ́ла чачипнаскирэ манушэ́н. 12Дэвэ́л исын чачипна́скиро Сэнда́ри, и Дэвэ́л холясо́ла кажно дывэ́с пэ фуе́ манушэ́ндэ. 13Ко́ли вари-кон на рисёла палэ, то Ёв дэ́ла чол (войстринэла) Пэ́скири курта́ла (мечо); Ёв бандякирэла Пэ́скиро лу́ко и Ёв исын скэдыно́ тэ дэл карье. 14Ёв адя́кэ-паць скэдэ́ла пэ кодолэстэ мэрибнаскирэ струме́нты, Ёв кэрэ́ла Пэ́скирэ бустендыр (стрелэндыр) дэстэ́, савэ́ хачона яга́са. 15Акэ, ёв пхарэ́с причхувэла зор тэ кэрэ́л чорипэ́н, ёв латхэ́ла фрэнтыма и янэ́ла начачипэ́н. 16Ёв ґанадя рово (хохой) и выганадя ґанби́н (яма), и ёв пыя́ дро дая́ ґанби́н, сави́ ёв кэрдя́. 17Лэ́скири фрэнтыма рисёла палэ пэ лэ́скиро шэро́, и лэ́скирэ нахрата рэ́нды пэрэ́на пэ лэ́скири фэ́ля (маку́шка/гуту́п). 18Нэ Мэ ява́ва тэ шара́в Рас-Дэвлэ́с пал лэ́скиро чачипэ́н, и мэ ява́ва тэ бага́в шарибэ́н, Ра́скирэ-Дэвлэ́скирэ лавэ́скэ, Най Вучэдырэскирэскэ.
Currently Selected:
Псалм 7: ROMBALT
Highlight
Copy
Compare
Share
Want to have your highlights saved across all your devices? Sign up or sign in
maintained by the United Bible Societies for the Baltic Romani Mission
