Псалм 6
6
1Хоро́скирэ Дирижоро́скэ. Пэ балытка Струме́нты. Пэ охто́-балытко Гитара. Давидо́скиро Пса́лмо.
2О, Раё Дэ́вла, на́ бангякир ман, ке́ли Ту древа́н холясоса пэ ма́ндэ, на́ чхув ка́ра пэ ма́ндэ, ке́ли Ту сан холынакиро пэ ма́ндэ. 3Потангинэ ман, о Раё Дэ́вла, мэ ж сом дасаво бизорья́киро, састякир ман, Раё Дэ́вла, пал-дова́ со мирэ́ кокалы́ издрана. 4Миро ди адя́кэ-паць издрала, Ту, Раё Дэ́вла, сыр ґара́ тэ ужакирав Тыро́ подрикирибэ́н? 5Рисёв, Раё Дэ́вла, и зра́кх ман мэрибна́стыр, приракх миро ди ваш Тыри́ лачхэ́-илы́ткима. 6Пал-дова́ со муло́ на явэ́ла тэ рипирэл Тут. Кон явэ́ла тэ парикирэл Ту́кэ маґилатыр? 7Мэ адя́кэ зоралэ́с кхиныём мирэ́ пиридживипнастыр ґонденца (ўздохэнца), миро чхуибэ́н исын киндо пал рат мирэ́ роибнастыр, мири́ цэ́рга исын пхэрды́ сари́ пане́са мирэ́ ясвэндыр. 8Мирэ́ якха́ на́бут дыкхэ́на мирэ́ калыпна́стыр. Ёнэ пхуранынэ мирэ́ вэргэ́ндыр. 9Джа́н криг ма́ндыр сарэ́ чорэ́ мануша́. Пал-дова́ со Рай Дэвэ́л шундя́ миро роибэ́н. 10Рай Дэвэ́л шундя́, сыр мэ зоралэ́с мангдём Лэс, Рай Дэвэ́л прилэ́ла, сыр мэ мангавапэ Лэ́скэ. 11Мэк сарэ́ мирэ́ вэ́рги тэ явэ́н ладжакирдэ́ и тэ издран. Мэк ёнэ тэ рисён палэ и тэ явэ́н ладжакирдэ́ екха́тыр (сра́зу).
Currently Selected:
Псалм 6: ROMBALT
Highlight
Copy
Compare
Share
Want to have your highlights saved across all your devices? Sign up or sign in
maintained by the United Bible Societies for the Baltic Romani Mission
