Псалм 8
8
1Хоро́скирэ Дирижоро́скэ. Пэ Гефоскиро Струменто Гефостыр. Давидо́скиро Пса́лмо.
2Раё Дэ́вла, амаро́ Дэвэ́л! Сыр шука́р и вучо́ Тыро́ лав исын бицяло́, пир сари́ пхув. Ту, Кон пхэрдякирдян саро́ шукаронэ слава́са вучэды́р болыбна́стыр. 3Чхаворэ́ и тыкнэмасорэ багана шарибэ́н Ту́кэ, соб (кай) тэ джинэ́н вэ́рги, со Ту пхандэса чиб вэргоскэ и одолэ́скэ, кон исын холынакиро. 4Ке́ли мэ дыкха́ва болыбэ́н, со Ту создыян, чхон и чэргэня́, со Ту чхудя́н, 5то со исын о ману́ш, пал савэ́стэ Ту дыкхэ́са? И чхаво́ манушэ́скиро, со Ту дыкхэсапэ лэ́са? 6Ту кэрдя́н лэс на́бут тыкнэды́р Пэ́стыр, Дэвлэ́стыр. И Ту дыя́н лэ́скэ сла́ва и паты́в. 7Ту чхудя́н лэс хула́са пир саро́, со Ту кэрдя́н, и чхудя́н тэлэ́ саро́ анги́л лэ́скирэ ґэра́: 8Бакрорэ́н и гурувэ́н сарэ́н, адя́кэ-паць и рискирибна́скирэ мурдалэ́н (зверен), со исын пэ фэ́лда. 9Чириклэн болыбна́стыр, мачхэн морёстыр (дэрьявэстыр), и сарэ́н, кон дживэ́ла дро морёскиро (дэрьявэ́скиро) пани́. 10Раё Дэ́вла, амаро́ Дэвэ́л, сыр шука́р Тыро́ лав исын бицяло́ пир сари́ пхув
Currently Selected:
Псалм 8: ROMBALT
Highlight
Copy
Compare
Share
Want to have your highlights saved across all your devices? Sign up or sign in
maintained by the United Bible Societies for the Baltic Romani Mission
