Ио́во 37
37
1Далэ́стыр миро ило́ адя́кэ-паць издрала, и кхарэ́лапэ (двигинэлапэ) лэ́скирэ штэто́стыр. 2Шунэ́н, шунэ́н громо Лэ́скирэ глосатыр, и громо, со марэла Лэ́скирэ мо́стыр. 3Ёв бичхавэ́ла громо тэла́л тэл саро́ болыбэ́н, и Лэ́скири блискавица, прастала кэ сама яго́ры (краи́) пэ пхув 4Пало́ дава́, акэ, Лэ́скири зан ґреминэла: Ёв дэ́ла громоса Пэ́скирэ райканыпнытконэ занятыр (глосатыр), и Ёв дэ́ла во́ля блискавицакэ тэ хачол адя́кэ ґара́, сыр шунэлапэ Лэ́скири зан. 5Дэвлэ́скиро громо адя́кэ дивнэс греминэла, Ёв кэрэ́ла барэ́ рэ́нды, со амэ́нгэ нашты́ тэ ґалёвас хор лэн. 6Пал-дова́ со Ёв пхэнэ́ла ивэскэ: “Пхэрдякир пхув”, адя́кэ-паць Лэ́скири зор исын пэ брышындорэ и пэ барэ́ брышында. 7Ёв чхувэ́ла якхи́тко / чэргэнори́ (печать) пэ васт кажнонэ́ манушэ́скэ, соб (кай) сарэ́ мануша́ тэ джинэ́н Лэ́скири буты́. 8Мурдала́ джа́на дрэ пэ́скирэ гаравипнаскирья (убежышчы), и ёнэ ячэ́напэ дрэ пэ́скирэ вэнты (ложышчы). 9Рискирибнаскири балва́л явэ́ла паш-дывэсытконэ́ хароматыр, и шыл джа́ла балвалендыр, со пхурдэна паш-ратякирэ рига́тыр. 10Лёдо ячэ́лапэ Дэвлэ́скирэ пхурдыпнастыр, и барэ́ паня́ мразёна. 11Ёв сапанякирэла ґэнста о́блоки пане́са, и Ёв росчхувэла лэн пир болыбэ́н блискавицаса, 12и ёнэ рисёна и кхарэнапэ (двигинэнапэ) Лэ́скирэ вастэ́са адя́кэ, соб (кай) тэ кэрэ́н дова́, со Ёв припхэнэла лэ́нгэ пир саро́ пхувья́киро буґлыпэ́н. 13Дэвэ́л бичхавэ́ла брышы́нд, соб (кай) тэ пирисыклякирэл ману́ш ци ваш пхув, соб (кай) тэ сыкавэ́л Пэ́скири ла́ска. 14Шун дава́, Ио́во, яв штыл и обдумин Дэвлэ́скирэ ди́вна бутя́. 15Ци джинэ́са ту, сыр Дэвэ́л розбичхавэла о́блоки, и кэрэ́ла адя́кэ, соб (кай) тэ зяинэл дуд Лэ́скирэ облокэндыр? 16Ци джинэ́са ту, сыр рикирэнапэ о́блоки – кадалэ́ ди́вна бутя́ Лэ́стэ, Кон исын бидошэ́нгиро дро джиныбэ́н? 17Со́скэ тырэ́ и́ди ячэ́напэ хачкирдэ́, ке́ли Дэвэ́л штылякирэла пхув балваляса паш-дывэсытконэ́ рига́тыр? 18Ци ту Лэ́са росчхудян пир рига́ о́блоки, со исын зоралэ́ сыр вычхудо ґиндало? 19Сыкля́кир амэн, Ио́во, со тэ пхэнас Лэ́скэ! Пал-дова́ со амэ нашты́ тэ росчхувас пэ́скирэ лава́ екх пал екх пир дова́, со амэ сам дро калыпэ́н. 20Ци могинэ́ла вари-кон тэ пхэнэ́л Дэвлэ́скэ, со мэ камамас тэ ракира́в Лэ́са? Ци пхэнэлас вари-кон Лэ́скэ, и тэ хасёл? 21И акана́ мануша́ на дыкхэ́на дуд, сыр ёв зяинэла, ке́ли ёв исын гарадо́ дрэ о́блоки. Сыр балва́л проджа́ла, ёв жужакирэла болыбэ́н. 22Дэвэ́л явэ́ла паш-ратякирэ рига́тыр сы́рбы сувнакуно́ шукарипэ́н кэ дар. 23Амэ нашты́ тэ ґалёвас сарэ́са Сарэзорьякирэ Дэвлэ́с: Ёв исын Най Зоралэды́р, Ёв исын най кучэдыр пэ сэ́ндо, и Ёв исын древа́н чачуно́, Ёв на притасавэла никонэ́с. 24Палдава́ мануша́ дарэ́на Лэ́стыр, Ёв на лэ́ла одолэнгири риг, савэ́ исын годэ́ дрэ пэ́скирэ илэ.”
Currently Selected:
Ио́во 37: ROMBALT
Highlight
Copy
Compare
Share
Want to have your highlights saved across all your devices? Sign up or sign in
maintained by the United Bible Societies for the Baltic Romani Mission
