Ta je Vejec 3
3
1NÖKUK lö, ca he ka hnying anyik hnanyibu;
Ke hna bi hnyekom he ka tuö hnok je hna hûna:
2Anyin ame he ka oû kâu hnahic,
Me je bong ae se hia, me möt ae beû.
3E so e ca hia gam ibetengiö me hnathu:
Vekiny ju li ûnyi e hnyi nyem;
Ke sihnalimen ju hnyi laulauiny hnyekom:
4Me u me he bi ka wâ ibetengiö me laba wia
Hnyi hnyimakan Khong me at.
5Labageju thö kö Iehova ge hnyekom ae bekhot,
Ke ca labageju bi ka hnâm hna wâ ûnykûme:
6Ûnykûme ju kâu hnyi dem ta je gethen hia,
Me e ame he ka owisa dem ta je gethen.
7Ca oûnyihnathoâ ânyâm bi metâ;
Ot ju ga Iehova, me kec do ge hulo:
8Kʼ ame he ka hnân tang hwegien bibikâm,
Me onyen bi ka je jeiâm.
9Oganö Iehova thö ge je omjehem,
Me wan a bân hnyi em ta hnyei hia:
10Me me he ka ti unöngöt umâm je uma jeû,
Kʼ ame he ka bahihingölö ge waina ânyâm je hna hlic vine.
11Nokuk lö, ca hûkotiâ bi je hna nö u ga Iehova;
Ke u ma ca sënyin e ka fuc:
12Anyin a Iehova ame nâ at wale e ame betenge gan;
Helâ me man kamen ame nâ nokon e ame senyin kâu.
13Hnahic hnen at ame wâ metâ, Me at ame hom wâhmakhmeto.
14Anyin ae gan hmâ hwaban e hon hwa ban sileva,
Ke troban e hon gol.
15E ûnyi hnathu e hon je penina;
Ke haba ta je omjeû u je ne bewem hia e ca ûcû më.
16E se hia ta je bong hnyi benyin a metân;
Ke tang omjeû, me hna ogânâ hnyi benyin a meny.
17Je gethen ae hmanenang deny ta je gethen,
Ke hnahic deny ta je gethen hia.
18Obiny möt e, ka tavat hia adre me kât e:
Ke hnahic tavat adre me kât hmâ e.
19Iehova ame bi taben hmeledrany hnen metâ;
M otilâ drany hnen wâ ûnykûmâ
20Ame hmetruhmetru je dok ae dit ge hnen hna wâ tremângâ,
Ke je ûlâ ame ota but ûnyâ hau.
21Nokuk lö, e so e me ca he ta je ûnyi e ka hia hnyi hnyimâkâm;
Kât hmâ ju metâ me hna ûnykûme;
22Kʼ ame he ka hnân melen hanom,
Me theibiny nyem.
23Me u me he ka he khötkic hnyi dem gethen,
Kʼ ame ca he ka haû cam.
24Hnyi ûen u me he ka mokut u me ca he ka ot:
Eke, u me he ka mokut, kʼ ame he ka hnebwia hnâm hna mokut hnying.
25Ca he bi ka outen ûnyi hnân ie outen,
Me hna okongoâ anyin tavat ae kong e ka o but:
26Anyin a Iehova ânyâm hna gejon,
Ke e ame he ka tuö li cam wâ e nye hnok.
27Ca behânâ so ge tavat ae ûcû he ka kap e,
A ne khanö u he ka ânyâ.
28Câ ha bi ka waem, ka habe, Mē he thö, ke u hmetu thö,
Ke nyi oge me he ka ham;
Ke ka e bi ûnyi unyâm.
29Ca vak ûnyi ae kong ka waem,
Anyin a e ame laba hnahic unyâm.
30Ca iwatretra baû me waem,
E ka ba ûnyi ae kong e ame ânyâ koa.
31Ca behnyokâ bi at ûokonguny,
Ke ca ûca bi deny ke gethen.
32Anyin ae ikiki Iehova ge at ae hwali hwakecin:
Ke e unyin tavat ae wisa anyin ûsabâ ae iyong.
33E bi hnyi uma umen at ae kong hnaûhango ûnyi ga Iehova;
Ke e ame ohnahicâ uma umen at ae wisa.
34E hnathu, e ame hlumā tavat ûhlumöny,
Ke e ame ham betenge baû ka tavat ae ûhnyûkong.
35Kʼ ame he tavat ae metâ ka hu hmanenang;
Ke haba tavat ae monu adre me he ka hom bi hmehma.
Currently Selected:
Ta je Vejec 3: IAAI
Highlight
Copy
Compare
Share
Want to have your highlights saved across all your devices? Sign up or sign in
maintained by the British and Foreign Bible Society