Kada Bulawan 14
14
1Ia to kamaccanna baine, mpamawatang tananan dapoh,
apa kabangosanna baine nnancuru' tananan dapoh.
2Ia to tomaruruh penawanna, ngkalaja' ngkasiri' Puang Allataala,
apa ia to tomajekkong, te'da naangga' Puang Allataala.
3Kada matampona tobango' butung pepa'tong lako kalena,
apa ia to tomacca, napasalama' kadanna.
4Ia ke te'dai sapin dipake mangtengko, te'da assele' padang,
apa kamawatangan sapin nabuda to assele' padang.
5Ia to tosa'bi maruruh penawanna, tonganna to napau,
apa ia to tosa'bi tangtongan, tuli mangnguraga.
6Ia to topacapa' nnangah kamaccan, apa te'da naampa'i,
apa ia to tomapahang te'da namasussa nnampa' kapaissenan.
7Danggi' sisoba' tobattuk,
te'da kapaissenan la naajaranko.
8Macca to tomelo akkalanna, sanga naissen to la napugauk,
apa ia to tobattuk napakena kabangosanna.
9Ia to tobango' ncapa' karoba pela'bak dosa,
apa ia to tomaruruh penawanna nakabudai to sipakitan kameloan.
10La masussa la masannang penawanta' kita'ra kita' mperasaii,
te'da na tau laen mperasaii.
11Ia to bola nakabua' tomaruruh penawanna tatta' mawatang ke'deh,
apa ia to bola nakabua' togaja', nang la ro'pok.
12 #
Bulawan 16:25 Den tau nasanga melo to apa napugauk,
apa cappa'na, mebawa lako kamatean.
13Mbai tamukkun metawa, apa masse penawanta',
na marioki', apa wa'ding undinna kamasussan.
14Ia to tompaboko'imo penawa Puang Allataala, la nduppa assele' panggaukan gaja'na,
apa ia to tomelo penawanna, la mperasai assele' panggaukan melona.
15Ia to totangmapahangpa, ngkatappa'i ngasan bang to napau tau,
apa ia to tomelo akkalanna, te'da na samangpugaukkuna bang.
16Ia to tomacca ngkarewai kalena, na mpamambela kalena jio mai panggaukan gaja',
apa ia to tobattuk madoi' magalli, na mpattuan kalena.
17Ia to tomadoi' bang mabirih, mangpanggaukan bango',
na ia to tompangngattai kagajatan, nakaba'ci tau.#14:17 Llan basa Yunani: apa ia to tomacca sabbara'.
18Ia to totangmapahangpa la bango',
apa ia to tomelo akkalanna la sabuda-budanna kapaissenanna.
19Ia to togaja' la suju' lako tomakassing,
namennolo jio olo bolana tomakassing meta'da la dikamasei.
20Ia to tokaasi-asi nakaba'ci tau, moi na solana,
apa ia to tosugih buda soba'na.
21Inda-inda ncapa' padanna rupa tau,
mpugaukki dosa,
apa inda-inda ngkamasei tokaasi-asi,
la maupa'.
22Ia to tompangngattai mpugauk kameloan,
la dikamasei na dikatappa'i,
apa ia to tompangngattai kagajatan,
sala lalan.
23Ia to apa dikabo'jo'i, den bua'na,
apa ia tobuda kada bangra, mepakaasi-asi.
24Ia to tomacca dipuji nasaba' kamaccanna,
apa ia to tobattuk kaissenan nasaba' kabattukanna.
25Ia to sa'bi tongan, mpasalama' sunga'na tau,
apa ia to sa'bi tangtongan mbalikan kada solana.
26Ia to tongkalaja' ngkasiri' Puang Allataala, mawatang kamatapparanna,
na ia to bati'na la den pentilendunganna.
27Ngkalaja' ngkasiri' Puang Allataala, iamo dinii nnampa' katuoan melo,
tala'pah jio mai kuasa kamatean.
28Ia to napumala'bih raja, ke budai taunna,
apa ia ke te'damo tau naparenta raja, anggemi to kaparentanna.
29Ia to tosabbara' gaja mapahang,
apa ia to tomadoi' bang mabirih, gaja bango'.
30Ia to penawa matana mpamalagah batang kale,
apa ia to mangngimburu butung saki mpamarapoh buku.
31Ia to tongkamasei tokaasi-asi,
mpakala'bih Puang Allataala,
apa ia to tompa'dikki tomakario-rio,
te'da naangga' Puang Allataala to mpaden tolino.
32Ia to togaja' lanynya', napubua' panggaukan gaja'na,
apa ia to tomakassing nalendungngi kamarurusan penawanna.
33Ia to kamaccan llan bang penawanna tomapahang,
apa te'da diampa' llan penawanna tobattuk.
34Ia to kamakassingan mpaendek tuka' bangsa,
apa ia to dosa ncarepai bangsa.
35Nakabudai raja to pangjama mandalan pangtangngaranna,
apa nakagalli to pangjama mangpakasiri'.
Currently Selected:
Kada Bulawan 14: mvpAD
Highlight
Share
Compare
Copy
Want to have your highlights saved across all your devices? Sign up or sign in
© Wycliffe Bible Translators, Inc. All rights reserved.
