ROM 2

I God ne areki na tangaloi

1Rabela. ?Kworoho tulu mo areki na tangaloi dolua? Venaha diko i kamu a hava tangaloi tea, aia a nomiu leo tikei kwara tulu ne kwaha, huri tulu mo areki na tangaloi dolua, vae i kamu tulu tuku vai na kinau aira hi aira ramo toko vaira, vae tulu taukamu sibomiu tilo rongoana hati. #Mat 7.2; Luk 6.37; Sione 8.7 2I kita tau kikilai kwara i God aia u bakoto kwara ne areki na tangaloi lo kinau aira vano hi rau hati. 3Vae rabelagu. I kamu sibomiu vake tulu vai na kinau vano hi tulu mo areki na tangaloi huri. ?Tulu domi kwara tulu ne ahi tina arekiana noi God? Hetea. 4I kamu tulu he kikilai na bohiana te vohoki noi God. Aia u vai tabetabekikamu, a domina u bua, vake u nukuia lo lologute. Vae i kamu tulu taga bulakiki na nona vaivai karea hi. ?I kamu tulu he kikilai tea kwara u vai tabetabekikamu kwara ne lavikamu tulu ne bohi tina nomiu vaivai hati? #2 Pita 3.15 5-6Vae i kamu a gwatumiu u madi, tulu he bohiki na domimiu te vohoki. Vae huri hi, tulu tuku vileki na nomiu kakadiana. I God vae neri malai vatavatahaki na tangaloi ne taritarisa lo havakinau hi ramo toko vaira. Vae lo Rani aia hi #2.5-6: Lo Rani aia hi. Kona taga A RANI NONA HUGWE lo Deksenare lo buku hika takuni. i God ne vosangi na nona lologute ne areki na tangaloi savia kina nona arekiana bakoto, a nomiu kakadiana vae ne lakua vakevake. #Sam 62.12; Prov 24.12; Mat 16.27; Sione 5.29; 2 Kor 5.10 7A tangaloi tuaki rau huirataki na kinau lo bolokiana karea, rau lengaia kwara i God ne kalukinira, ne bete na karekarea lakwara mana mauriana vaki tuai. Vae i God neri hile na nona ahiana vaki tuai lakwara. 8Tuaki rau domi hurira kehekeheki rau bega kina kinau hinea rau karea, rau huri na hatiki. Vae i God ne lologutekinira ne vai kadira. 9I God ne tau na rongoana hati mana kakadiana tilo tangaloi savira aira hi rau tuku vai na kinau rau hati, tomuaki lakwa na gwaloana noi Isrel*, vunu vake lakwa na tangaloi tavalavarea. #a 2 Tes 1.8; b Rom 1.16 10Vae i God ne kaluki na tangaloi savira hinea rau tuku vai na kinau rau karea, ne bete na karekarea mana magemuana lakwara, tomuaki lakwa na gwaloana noi Isrel vunu vake lakwa na tangaloi tavalavarea, 11huri i God u taga kwaheki na doridori na tangaloi savira lo hala katukwale. #Dut 10.17; 2 Kron 19.7; Bol 10.34; Gal 2.6; Eves 6.9; Kol 3.25; 1 Pita 1.17

12A tangaloi tavalavarea tina gwaloana noi Isrel rahe kikilai na Tangwata* noi Mosis tea. Rau tuku vai na vaivai hati vae rau sala. Vae rahe hugu tea tavuti na Tangwata hi. A gwaloana noi Isrel rau kikilai na Tangwata noi Mosis ba. Rau tuku vai na vaivai hati, vae i God ne arekinira huri lo hala na Tangwata. 13A tangaloi hinea u rongo na Tangwata hi kina gwerona vohoki nehe bakoto tea lo nako i God. Vae a tangaloi hinea u vai savi na kinau a Tangwata mo viti, aia hi u kwareki a tangaloi bakoto lo nako i God. #Mat 7.21; Sem 1.22,25; 1 Sione 3.7 14A tangaloi tavalavarea tina gwaloana noi Isrel rahe kikilai na Tangwata te hi. Vae diko rau vano lo noga domidomi siboga, vae rau vai savi na kinau hokinia a Tangwata hi mo viti, hokinia kwara te noga tangwata eia ba. Rahe kikilai na Tangwata noi Mosis tea, vae rau huri na noga tangwata vohoki. #Bol 10.35 15-16A doridoriga u tuku vosangi kwara a havakinau a Tangwata noi Mosis u viti u eno lolo domiga ba, huri lo taroki rau rongo lolo domiga kwara rau vai kinau rau hati, vunu lo taroki rau rongo lolo domiga kwara rau vai kinau rau karea. Vae ne hokinia lo Rani hi i God ne hora i Jisas Kraes* kwara ne taga kwaheki na domidomi tavuniki nona tangaloi doluaki. Ne arekinira hoki na leo aira hika nomo toko heretuvakinira tigwaravu lo Roro Karea. Lo Rani hi rana rongo kikilaki lolo domiga kwara a havakinau i Kraes u viti u kareaki. #2 Tim 2.8

A Tangwata nona gwaloana noi Isrel nehe vakahiki lavira tea

17?Kworohokinia maikamu? Tulu kwarekikamu sibomiu a gwaloana noi Isrel* tulu domidomi tilo Tangwata*, tulu domidomikamu huri tulu kikilai i God. 18I kamu tulu kikilai ba a havakinau i God mo lengaikamu kwara tulu ne vai, vunu tulu huhui ba tina Tangwata kwara tulu ne taga haro te kinau hinea rau karea kwara tulu ne vai. #Vil 1.10 19Tulu kikilai kwara i kamu a kaitagaoki na tangaloi hinea a mata na domiga rau dodo, vake tulu ne bete a leleha lakwara hi rau hugu radu nga lolo dodoki. #Mat 15.14; Luk 18.9 20Tulu kikilai kwara i kamu a kaituruki na tangaloi hinea rahe kikilai na kinau tea, vake tulu kikilai kwara i kamu tulu tuku huhui na sakwarigi. Tulu kikilai kwara lo Tangwata hini tulu lai tabetabeki vunuhi na kikikila mana vitikareaki. #2 Tim 3.15 21I kamu tulu tuku huhui na tangaloi dolua. ?Vae kworoho tulu he va huhuikamu tea sibomiu? Tulu tuku heretuva tulu viti “Tulu hatu babalu.” ?Vae kworoho i kamu tulu babalu? #Sam 50.16-21; Mat 23.3-4 22Vake tulu viti “Tulu hatu balu vavine.” ?Vae kworoho i kamu tulu balu vavine? Tulu domi bulakiki na takaro vuroki. ?Vae kworoho tulu babalu lo noga tanotano kokona? 23Tulu domidomikamu kwara tulu kwiribibi na Tangwata noi God. ?Vae kworohokinia tulu vai na tangaloi rau kwaha bulabula vovohi God luna hi tulu galo lo nona Tangwata? 24Hokinia a Uliuli* Kokona u viti “I kamu a gwaloana noi Isrel, a tangaloi tavalavarea rau tuku kwahakwaha hati vovohi God huri na nomiu vakasileana.” #Aes 52.5; Esik 36.20

A kaimatai lo siosio nona gwaloana noi Isrel nehe vakahiki lavira tea

25Diko tulu rongohuri tabetabeki na Tangwata*, a nomiu kaimatai* lo siosio u taritarisa, vae diko tulu he rongohuri tabetabeki na Tangwata tea, he taritarisa tea. Aia hokinia hinea tulu he lavi na kaimatai te vohoki lo siosio. #Jer 4.4; 9.25 26Vae diko a tangaloi tavalavarea tina gwaloana noi Isrel* te katukwale he lavi na kaimatai te lo siosio, vae u rongohuri tabetabeki na Tangwata, i God u tagaia hokinia u lavi na kaimatai lo siosio u rovo ba. 27I kamu a gwaloana noi Isrel, tulu lavi na kaimatai lo siosio, vae a tangaloi tavalavarea rana tau na leo na rongoana hati lumiu, huri tulu galo lo Tangwata aia hi mo ulibibiana hurikamu. Aira hi a tangaloi tavalavarea, rahe lavi na kaimatai te lo siosio vae rau rongohuri na Tangwata.

28?Karea, vae hika ihe hi a gwaloana noi Isrel bakotoki kwara u lai kaimatai lo siosio kareaki? Hete aia hi tulu mo tagaia kina matamiu kwara aia a gwaloana noi Isrel, hinea rau vai kaimatai lo tarabehina tavalavarea. #Sione 7.24; 8.15,39 29Vae a gwaloana noi Isrel bakotoki aia hi a domina u bakoto vovohi God. A tangaloi hi, i God u matai na domina ba kwara ne kwareki a bulana tangaloi. A boloki hi aia a boloki nona Tanungwe noi God hete nona Tangwata hinea u uliana ba tuai. Vake a gwaloana noi Isrel bakotoki hete aira hinea a tangaloi vohoki rau tuku kalukinira, vae aira hi i God kehekeheki aia u tuku kalukinira. #a Dut 30.6; Kol 2.11; b 1 Kor 4.5; 2 Kor 10.18

Currently Selected:

ROM 2: HWT

Highlight

Copy