ROM 16

A leo tabetabe noi Pol lakwai rabuluina

1Na viti tabetabeki lakwakamu huri hagweda i Vibi aia a vavine hinea a kaihago na kwarelua* lo gwatuivanua Kegeria. 2Vae u karea kwara tulu ne lai tabetabekinia lo hina na Hugwe* hokinia hinea u taritarisa kwara a tangaloi noi God rana vai. U taritarisa kwara tulu ne hago maia lo havakinau te mo lengaia, huri aia u hago mana tangaloi u rusa, vunu maiau vake. 3Nu hokaki nogu lagwaana lakwai Akwila mai vavinehina i Prisila, i rabuluigu hinea raru boloki maiau lo bolokiana noi Jisas Kraes*. #Bol 18.2,18,26 4Raru tiraki na mamaurianagaru kwara raru ne hago maiau. Nu lagwa haburu mairarua, vae hete i nau kehekeheki, vae a kwarelua tiura hi a tangaloi tavalavarea tina gwaloana noi Isrel* hokinia vake. 5Vunu buluiki vake nu bete nogu lagwaana lakwa na kwarelua hinea ramo toko bulu tabulutaki tatagaru.

A nogu lagwaana vake lakwa na nogu buluana karea i Evaenetas hinea aia a tangaloi tomua halaradu lo vanua Esia* mo hauhuri lui Kraes. #a 1 Kor 16.19; b 1 Kor 16.15 6A nogu lagwaana vake lakwai Meri hinea mo rahakinia haburu hurikamu. 7A nogu lagwaana vake lakwai Adronikas mai Sunias, i kami a gwaloana noi Isrel vae keu hugu tabulutaki lolo ingwa na gwarugwaru tuai. I rarua a kaihora* kokona hinea a tangaloi rusa rau kikilairarua, vake raru kwareki a tangaloi noi Kraes tomuakiau.

8A nogu lagwaana lakwai Abliatas, a nogu buluana karea lo bulubulu nona Hugwe. 9A nogu lagwaana lakwai Obanas hinea u bulu maikami lo bolokiana noi Kraes, vake lakwai Stakis a nogu buluana karea. 10A nogu lagwaana lakwai Aveles hinea u vosangi kareaki kwara u tu madi mai Kraes. A nogu lagwaana lakwara vake hinea rau hugu tata i Aristovulus. 11A nogu lagwaana lakwai Herotion i kamirua a gwaloana noi Isrel, vake lakwa na ratua lui Kraes hinea rau hugu tata i Nasisas.

12A nogu lagwaana lakwa na ravavine kairua i Trivaena mai Trivosa, hinea raru boloki lo bolokiana nona Hugwe, vake lakwai hagwegu lui Kraes i Perisis hinea nu lagwa maia haburu. U rahakinia haburu lo bolokiana nona Hugwe. 13Nu hokaki nogu lagwaana vake lakwa na ngwera hi i Ruvas, hinea u bolokinia haburu lo bolokiana nona Hugwe, vake lakwai retahina hinea u vai tabetabekiau tigwaravu hokinia kwara i nau i natuna vohoki. #Mak 15.21 14A nogu lagwaana lakwai Asingkritas, i Vlegon, i Heremes, i Patrobas, mai Heremas, mana ratua doluaki vake hinea rau hugu maira. 15A nogu lagwaana vake lakwai Vilologas mai hagwegu lui Kraes i Sulia, vunu lakwai tuagu lui Kraes i Nereas mai hagwena. A nogu lagwaana vake lakwai Olibas, mana tangaloi doluaki noi God hinea rau hugu maira.

16Tulu hahavakikamu muleki kina boboniana #16.16: A boboniana aia a bohianaga tuai vae i kita kwahale tau lakao hahavakikita kina duledule kaba. hokinia tulu vituatua. Savisavi na kwarelua noi Kraes rau hokaki noga lagwaana lakwakamu. #1 Kor 16.20; 1 Pita 5.14

A leo noi Pol rovonaki lakwara

17Rabela. Nu lengaia haburu kwara tulu ne tagahuri ne karea, huri a tangaloi aira hinea rau vai na tangaloi ramo makwahekwahe, vake rau magaraki na hauhuriana nona tangaloi, vae ramai sinakamu. Rau kwahakwaha hati vovohi na huhuiana hini tulu mo lavia. Tulu vano vakahao tiura. #Mat 7.15; Taet 3.10 18A tangaloi hinea rau tuku vai kinau kwehi, rahe vai te boloki noi Kraes* a noda Hugwe*, vae rau huri na noga domidomi hinea rahe karea tea. A noga leo rau karea, vae rau kwaha ki ringoga vohoki, vunu rau sina na tangaloi aira hinea rahe kikilai na kinau tea, rau magaraki na domidomiga. #a Vil 3.19; b Kol 2.4; 2 Pita 2.3 19Doluaki na tangaloi rau rongo kwara tulu tu madi lo Roro Karea, vae huri hi nu lagwa u havutiau hurikamu. Nu lengaikamu kwara vae tulu ne kikikila lo hala bakoto, vae tulu nehe vano te vohoki lo hala hinea rau hati. #a Rom 1.8; b Mat 10.16; 1 Kor 14.20 20Nehe tuai tea i God a gwataki na noda magemuana ne vai suri Setano* tulu ne bile raharahakinia. A tangaroa karea hika lakwakamu. A noda Hugwe i Jisas ne hago maikamu kina nona domi tabetabe lakua. #a Jen 3.15; b Rom 15.33

21I Timoti hinea u boloki maiau, u hokaki nona lagwaana lakwakamu. Vunu i Lusias, i Seson mai Sosivata, i kami a gwaloana noi Isrel*, rau hokaki noga lagwaana lakwakamu vake. #Bol 16.1; 19.22; 20.4; Vil 2.19

22I nau, i Tosias, nu uli na leta hika noi Pol, nu bete na nogu lagwaana lui Kraes lakwakamu.

23I nau i Pol nu hugu tata i Gaeas hinea a kwarelua* rau tuku vileki tabulutaki tatana. Aia u hokaki nona lagwaana lakwakamu. I Erastas vake, a tangaloi tagahuri mane* lolo gwatuivanua lakua hike, u hokaki nona lagwaana lakwakamu. Vunu i Kwotas i tuada lui Kraes, u vai kwehi nga vake. #16.23: Lo Buku Kokona tuaki, hinea a tangaloi rau ulira tuai, rau hoke na leo hika kina leo hinea mo viti kwara “24 A tangaroa karea hika lakwakamu. A noda Hugwe i Jisas Kraes ne hago maikamu doluaki kina nona domi tabetabe lakua. Amen.” #a Bol 19.29; 1 Kor 1.14; b 2 Tim 4.20

A leo rovonaki noi Pol mo tabe hakeki na hina i God

25Ta tabe hakeki na hina i God tigwaravu. Aia kehekeheki ne vai lai ne vaikamu tulu ne tu ne madi lo nomiu hauhuriana. A leo hi nomo toko vitia u taritarisa mana Roro Karea hinea nu tuku heretuvakinia, nu tuku viti huri i Jisas Kraes*. U taritarisa vake mana leo tavuniki noi God hinea u tavunikiana tuai, vae hika i God u matangwasarakinia. #Eves 1.9; 3.5,9; Kol 1.26 26I God Tatoka u lavi na leo tavuniki hi vaki na ngwasara kina leo hinea a bulana tangaloi* duruduruki ramo ulia tuai. Aia u tuliki na leo hika mo viti kwara a leo hi ne vano lakwa na tangaloi na vanua savira kwara rana hauhuri luna rana rongohuria. #Rom 1.5

27Hikani tau hariki lui Jisas Kraes kwara tana tabe hakeki na hina i God aia hi katukwale vohoki, vake aia kehekeheki u kikikila sea. A hinana ne tabe hakekiana tigwaravu, vaki tuai. Amen*.#16.25-27: Lo Buku Kokona rusa hinea a tangaloi rau ulira tuai lo leo Gris, a leo aira vano hi lo ves 25-27 rau eno hike, vae lo buku tuaki rau eno lo gweregwere na savta 14, vunu lo buku katukwale rau eno lo gweregwere na savta 15. #1 Tim 1.17; Sut 25

Currently Selected:

ROM 16: HWT

Highlight

Copy