ROM 12
12
A kaluhakiana bakoto nona tangaloi noi God
1Rabela. Nu lengaia haburu kwara tulu ne bete doluakikamu lakwai God, huri i God u vaivai karea maikita lo kinau u rusa. A hilehile aia hi tulu ne bete kwara tulu ne kaluhakinia luna, a hilehile mauri, u kokona, vake i God u lagwa kwara ne lavia. Aia a kaluhakiana bakotoki lakwai God, hinea u vanamai tina domimiu. #Rom 6.11,13; 1 Pita 2.5 2Tulu hatu huri na doridori na tangaloi na varamana kwara tulu ne bohibohi hokinira, vae tulu tiraki God ne bohi na domidomimiu, ne bete na domidomi karagwa lakwakamu. Vunu tulu ne kikilai a havakinau hinea i God u lengaia, a kinau hinea u karea, hinea i God u lagwa luna, vake hinea u taritarisa kwara tulu ne vai. #a Eves 4.23; b Eves 5.10,17
Tana hivokikita
3Na viti na leo hika lakwakamu doluaki, huri i God u hago maiau kina nona domi tabetabe lakua. Tulu hatu domidomi hakekikamu kwara tulu hahaburuka, vae tulu hivokikamu lo domimiu vatavatahakikamu, tulu ne domidomi lumiu sibomiu hokinia u taritarisa mana nomiu hauhuriana hinea i God mo betekamu kinia. #1 Kor 12.11; Eves 4.7 4A tarabehida katukwale, vae a mamahangaki u rusa, vae a tarabehi vano hi a noga boloki rau doludolua. #1 Kor 12.12 5Hokinia hi i kita tau rusa, vae tau kwareki a tarabehi katukwale huri tau hariki lui Kraes*. Lo noda harikiana tabulutaki hokinia hi, tamo kwareki a duvi na tarabehi rusa lo tarabehi katukwale. #1 Kor 12.27; Eves 4.25 6Lo domi tabetabe lakua noi God mo bete na hilehile na huirana a gwatuki u rusa lakwakita, vae a hilehile vano hi tana boloki kinira ne taritarisa lo halaki. Diko i God u beteko kina leona kwara kona durukinia tivarea, ko duruki na leo hi kina hauhuriana hinea mo bete lakwako. #1 Kor 12.4-11; 1 Pita 4.10-11 7Diko nona hilehile lakwako kwara kona hagohago lo boloki, ko vai hokinia. Diko ku huhui, karea ko huhui. 8Diko nona hilehile lakwako kwara kona kwahabibi na tangaloi, ko vai hokinia hi. Diko ku bete te nomu kinau, ko bete kina domi lagwalagwa. Diko i nigo a kaitomuaki na tangaloi, ko marumaru lo nomu boloki hi. Diko ku vai tabetabeki na tangaloi, ko vai kina lagwaana. #2 Kor 9.7
A hala na lagwaana
9Tulu lagwa mana tangaloi lo halaki bakotoki. Tigwaravu tulu ne bemiu kina hatiki, tulu ne kwiribibi na kinau hinea u karea. #a 1 Tim 1.5; 1 Pita 1.22; b Amos 5.15 10Tulu lagwalagwa maikamu huri tulu vituatua lui Kraes*. Tulu ne lagwa tigwaravu kwara tulu ne domi mavakikamu muleki. #a 2 Pita 1.7; b Vil 2.3 11Tulu marumaru lo nomiu bolokiana, tulu hatu keokeo. Tulu boloki nona Hugwe* kina domi lagwalagwa lakua vovohia tigwaravu. #12.11: Lo hala kairuaki a domidomi na leo lo gweregwere na ves hi aia hokinia hika kwara Tulu boloki nona Hugwe kina huirana na Tanungwe Kokona. #Bol 18.25; Rev 3.15 12Huri tulu tau na domimiu u madi lui God, u taritarisa kwara ne havutikamu tigwaravu. A domimiu ne bua lo nomiu rongoana hati, vake tulu tiutangaroa tigwaravu. #1 Tes 5.17 13Tulu kwaheki nomiu konata lakwai rabelamiu lui Kraes hinea rau gwanugwanu lo kinau ratuaki. Tulu lai tabetabeki na vanamaiana vaki tatamiu. #Hib 13.2
Tulu lagwa mana nomiu tavaluivuro
14Tulu uduhuri ki God kwara ne vai tabetabekinira hinea rau vai bulakikikamu. Tulu hatu uduhuri kinia kwara ne magarakinira, vae tulu uduhuri kinia kwara ne vai tabetabekinira. #Mat 5.44; Luk 6.28; Bol 7.60; 1 Kor 4.12 15Ne havutikamu maira hi u havutira, vae aira hinea rau rongo hati ramo tangi, tulu tangi maira. #Sam 35.13 16Tulu hago mana tangaloi doluaki lo hala katukwale. Tulu hatu domidomikamu, vae tulu vaivai karea mana tangaloi hinea aira hete tangaloi vitivitihuri. Tulu hatu domidomikamu kwara tulu kikikila. #a Rom 15.5; b Prov 3.7; Aes 5.21; Rom 11.20
17Diko te tangaloi u vai bulabula vovohikamu, tulu hatu gele lakwae taliku kina vai bulabula. Vae tulu vai kwara tulu ne vai kinau hinea a tangaloi savira rana kikilai kwara u karea. #a 1 Tes 5.15; b Prov 3.4 18I kamu sibomiu tulu ne vai savi na kinau hinea tulu vai lai kwara vae tulu ne toka lo magemuana mana tangaloi savia. #Mak 9.50; Hib 12.14 19Rabela. Tulu hatu gelegele lo hatiki lakwa na tangaloi, vae tulu tirakinia, i God neri arekinia, huri lo Uliuli* Kokona u viti
“A Hugwe i God u viti kwara,
‘I nau kehekeheki nu taritarisa kwara na gele lakwara
hinea rau vai kinau rahe taritarisa tea.
I nau kehekeheki nana vai kadira huri.’ ” #a Lev 19.18; Mat 5.39; b Rom 13.4; 2 Tes 1.6-7; d Dut 32.25; Hib 10.30
20Vae tulu vai hoki na Uliuli Kokona mo viti lo leoki hika kwara,
“Diko te nomiu tavaluivuro
u marakatia,
tulu bete hinaka lakwae.
Diko u madoku,
hile a inuinu lakwae.
Lo doridori aia hi
tulu ne vaia ne maemae.” #Prov 25.21-22; Mat 5.44
21Tulu hatu tiraki na hatiki mo guikamu, vae tulu kwiribibi na doridori karea ne madi kwara vae tulu ne gui lavi na hatiki kinia.
Currently Selected:
ROM 12: HWT
Highlight
Share
Copy
Want to have your highlights saved across all your devices? Sign up or sign in
Havakinau New Testament © Bible Society of the South Pacific, 2016.
