Popular Bible Verses from ROM 12

Share

Tulu hatu huri na doridori na tangaloi na varamana kwara tulu ne bohibohi hokinira, vae tulu tiraki God ne bohi na domidomimiu, ne bete na domidomi karagwa lakwakamu. Vunu tulu ne kikilai a havakinau hinea i God u lengaia, a kinau hinea u karea, hinea i God u lagwa luna, vake hinea u taritarisa kwara tulu ne vai.

Rabela. Nu lengaia haburu kwara tulu ne bete doluakikamu lakwai God, huri i God u vaivai karea maikita lo kinau u rusa. A hilehile aia hi tulu ne bete kwara tulu ne kaluhakinia luna, a hilehile mauri, u kokona, vake i God u lagwa kwara ne lavia. Aia a kaluhakiana bakotoki lakwai God, hinea u vanamai tina domimiu.

Huri tulu tau na domimiu u madi lui God, u taritarisa kwara ne havutikamu tigwaravu. A domimiu ne bua lo nomiu rongoana hati, vake tulu tiutangaroa tigwaravu.

Tulu hatu tiraki na hatiki mo guikamu, vae tulu kwiribibi na doridori karea ne madi kwara vae tulu ne gui lavi na hatiki kinia.

Tulu lagwalagwa maikamu huri tulu vituatua lui Kraes*. Tulu ne lagwa tigwaravu kwara tulu ne domi mavakikamu muleki.

Tulu lagwa mana tangaloi lo halaki bakotoki. Tigwaravu tulu ne bemiu kina hatiki, tulu ne kwiribibi na kinau hinea u karea.

I kamu sibomiu tulu ne vai savi na kinau hinea tulu vai lai kwara vae tulu ne toka lo magemuana mana tangaloi savia.

Rabela. Tulu hatu gelegele lo hatiki lakwa na tangaloi, vae tulu tirakinia, i God neri arekinia, huri lo Uliuli* Kokona u viti “A Hugwe i God u viti kwara, ‘I nau kehekeheki nu taritarisa kwara na gele lakwara hinea rau vai kinau rahe taritarisa tea. I nau kehekeheki nana vai kadira huri.’ ”

Tulu marumaru lo nomiu bolokiana, tulu hatu keokeo. Tulu boloki nona Hugwe* kina domi lagwalagwa lakua vovohia tigwaravu.

Na viti na leo hika lakwakamu doluaki, huri i God u hago maiau kina nona domi tabetabe lakua. Tulu hatu domidomi hakekikamu kwara tulu hahaburuka, vae tulu hivokikamu lo domimiu vatavatahakikamu, tulu ne domidomi lumiu sibomiu hokinia u taritarisa mana nomiu hauhuriana hinea i God mo betekamu kinia.

Diko te tangaloi u vai bulabula vovohikamu, tulu hatu gele lakwae taliku kina vai bulabula. Vae tulu vai kwara tulu ne vai kinau hinea a tangaloi savira rana kikilai kwara u karea.

Tulu hago mana tangaloi doluaki lo hala katukwale. Tulu hatu domidomikamu, vae tulu vaivai karea mana tangaloi hinea aira hete tangaloi vitivitihuri. Tulu hatu domidomikamu kwara tulu kikikila.

Vae tulu vai hoki na Uliuli Kokona mo viti lo leoki hika kwara, “Diko te nomiu tavaluivuro u marakatia, tulu bete hinaka lakwae. Diko u madoku, hile a inuinu lakwae. Lo doridori aia hi tulu ne vaia ne maemae.”

Tulu uduhuri ki God kwara ne vai tabetabekinira hinea rau vai bulakikikamu. Tulu hatu uduhuri kinia kwara ne magarakinira, vae tulu uduhuri kinia kwara ne vai tabetabekinira. Ne havutikamu maira hi u havutira, vae aira hinea rau rongo hati ramo tangi, tulu tangi maira.

Tulu kwaheki nomiu konata lakwai rabelamiu lui Kraes hinea rau gwanugwanu lo kinau ratuaki. Tulu lai tabetabeki na vanamaiana vaki tatamiu.

A tarabehida katukwale, vae a mamahangaki u rusa, vae a tarabehi vano hi a noga boloki rau doludolua. Hokinia hi i kita tau rusa, vae tau kwareki a tarabehi katukwale huri tau hariki lui Kraes*. Lo noda harikiana tabulutaki hokinia hi, tamo kwareki a duvi na tarabehi rusa lo tarabehi katukwale.