ROM 11

I God u hakavi na gwaloana noi Isrel radu nga

1A nogu leo uhiuhi katukwale taliku. ?I God u tau na bulana tangaloi tivarea, vae nehe lavira te taliku? Hetea. I nau a gwaloana noi Isrel*. Nu gwalo vanamai lo gwatuidamu lui Bensamen hinea a gwaloana lui Evraham. #Vil 3.5 2I God he tautau uluki na bulana tangaloi te tivarea hinea u mataira lo tinatinakakiki. Vae i kamu tulu kikilai na leo na Uliuli* Kokona, lo tanotano i Elaesa mo toko kwahakwaha mai God, mo toko viti huri na hatiana nona gwaloana noi Isrel. #1 Saml 12.22; Sam 94.14 3Mo viti

“Hugwe i God.

A tangaloi vano hika

rau kwohi matematei

na nomu tangaloi* duruduruki,

vake rau reve suri na nomu voda.#11.3 voda. Aira Kwalaha rau viti kwara, kwotakwota.

Hikani nu hugu i nau kaheau vohoki,

vae rau tuku vai kwara rana kwohi mateiau vake.” #1 King 19.10,14

4?Vae i God mo daraki kworohokinia lakwae? I God mo viti kwara,

“I nau nu kwiribibi na bulagu tangaloi

u tari vakaibitu radu nga

hinea rahe sovi hivo tea

vovohi na takaro vuroki hi i Bal.” #1 King 19.18

5Lo taro hika aia hokinia hi vohoki. A tangaloi kukwehu eia hinea i God u mataira ba lo nona domi tabetabe lakua. #Rom 9.27 6I God u matai na bulana tangaloi kina nona domi tabetabe lakua vohoki, hete lo noga boloboloki hini ramo toko vai. Kwara vae diko u mataira hokinia hi lo noga boloboloki hi ramo toko vai, a nona domi tabetabe lakua ne mulemai ki kinau vuroki. #Gal 3.18

7?Vae kworohokinia? A gwaloana noi Isrel aira vunu rahe hagwe na kinau tea hinea ramo toko soro haroa. Aira kukwehu hinea i God u mataira ba, vae rau hagwea. Ratuaki a rongorongoga rau vono, rahe rongo na kwarekware te noi God. #Rom 9.31 8Hokinia a Uliuli Kokona mo viti kwara,

“I God u vai na domiga mo vonovonoka

vae vaki lo rani hika,

rahe vai lai te

kwara rana taga kikilaki,

vake rahe vai lai te

kwara rana rongo kikilaki.” #Dut 29.4; Aes 29.10

9I Devit mo viti kwara,

“U karea kwara a noga kanikani*

ne mule hoki na kabe mana vuna.

U karea kwara rana kona luga,

rana kwali na kakadiki. #Sam 69.22-23; 35.8

10U Karea kwara a mataga ne dodo

kwara vae ranahe taga lavi na kinau tea.

U karea kwara rana rongo hati tigwaravu

kina noga hagohago rau mava.”

I God ne lavi na gwaloana noi Isrel taliku

11U karea, hikani nogu leo uhiuhi katukwale. ?Lolona hi a gwaloana noi Isrel* ramo tatu, vae rau sovi halaraduki diko hetea? Hetea, rahe sovi halaraduki tea. Vae huri ramo sovi i God mo vakahiki na tangaloi tavalavarea tina gwaloana noi Isrel kwara ne vai na gwaloana noi Isrel ne kadira huri. #a Bol 13.46; b Dut 32.21; Rom 10.19 12A vaivai hati nona gwaloana noi Isrel mo lavi na karekarea lakua lakwa na tangaloi na varamana savia. I God mo bete na karekarea lakua lakwa na tangaloi tavalavarea, huri a gwaloana noi Isrel ramo sovi. Vae lo taroki i God ne lavi na gwaloana noi Isrel savia rana mulemai vaki maia taliku, vae ne bete na karekarea lakua vakevake lakwa na tangaloi tavalavarea.

God u tuku vakahiki na tangaloi tavalavarea

13Hika i nau nu kwaha maikamu, i kamu hi a tangaloi tavalavarea tina gwaloana noi Isrel. I God u rivukiau nomo kwareki a kaihora* kokona lakwakamu hi a tangaloi tavalavarea, vae luna hi nu lagwa haburu mana boloki hi mo betea lakweau. 14Nu domi kwara luna hi vae na vai na nogu tangaloi hinea lo vanuagu ne kadira, vae lo hala hi i God ne vakahikinira ratuaki. 15Lolona i God mo taura tivarea mo lavi na tangaloi na varamana ramo bulubulu maia taliku. Vunu lo taroki hinea i God ne lavira mulemai taliku aia a kinau haburu. Ne hoki na tangaloi hinea ramo mate, vae ramo ahi taliku.

A tavaluileo huri na vikai a violev

16Diko a bereti tomuaki u beteana lakwai God u kokona, vunu a bereti* hi doluaki u kwareki a nona vake. Diko te kakwari na vikai rau beteana lakwai God rau kokona, vunu a rangaki rau kwareki a nona vake. #Nam 15.17-21; Neh 10.37; Esik 44.30 17Aia hokinia hi i God mo tai utuhi na ranga na bulana vikai a violev*, vunu mo lavikamu, i kamu hoki na ranga na violev na bubu, mo harikikamu tilo bulana vikai hi. Vae hika tulu lavi na huirana nona gwaloana noi Isrel* lo tokaana karea noi God hoki na nubunubu na violev hi. #Eves 2.11-19 18Huri hi, tulu hatu taga bulakiki na ranga na vikai hinea i God mo tai utuhira. Tulu hatu domidomikamu. I kamu hoki na ranga na vikai vohoki. I kamu tulu he kwiribibi na kakwariki tea, a kakwari u kwiribibikamu. #Sione 4.22

19Vae i kamu tulu ne viti lai kwara, “Io, a ranga hi i God mo tai utuhira kwara ne hile a tanotano lakwakami.” 20Aia kwehi kareaki. Mo tai utuhira huri rahe hauhuri tea. Vae i kamu tulu hariki luna huri tulu hauhuri. Tulu hatu domidomikamu luna hi, vae tulu mataku. #Rom 12.16 21A gwaloana noi Isrel aira a rangaki bakotoki, vae i God he kokolokinira tea, u vai kadira. ?I kamu tulu domi kwara i God ne kokolokikamu, nehe vai kadikamu tea? Hetea, ne vai kadikamu. 22Luna hi tau taga kikilaki kwara i God u vaivai karea mana tangaloi, vake u vai kinau u madi mana tangaloi. Aira hi rau sovi ba, u vai kinau u madi maira, vae aia u vaivai karea maikamu. Diko i kamu tulu ne tu ne madi lo nona hala, ne vaivai karea maikamu, vae diko hetea, ne tai utuhikamu vake. #a Sione 15.2,4; b Hib 3.14 23Vae diko a gwaloana noi Isrel rana tiraki na doridoriga hi rahe hauhuri tea, i God neri harikinira taliku vaki lo tanotanoga, huri i God u vai lai kwara ne harikinira taliku. 24I kamu hinea a tangaloi tavalavarea tina gwaloana noi Isrel, i kamu hoki na ranga na vikai hi a violev na bubu, vae i God u harikikamu ba tilo bulana violev. A vikai he toko mauri te kwehi. Vae u magemu siletia hi kwara i God ne lavi na gwaloana noi Isrel hinea aira a rangaki bakotoki ne harikinira tilo viuki taliku.

I God u hakavi na tangaloi doluaki

25Rabela. A vitikareaki eia u eno hinea i God u tavunikinia tuai. Vae nu lengaia kwara tulu ne kikilaia, huri he karea te kwara tulu ne domidomikamu kwara tulu kikikila haburu. A leoki u viti hikwe kwara a gwaloana noi Isrel* a gwatuga rau madi, vae nehe eno te kwehi vaki tuai. Ne eno tarisaki a valuvalumiu, i kamu a tangaloi tavalavarea hinea tulu ne vanamai vaki mai God, ne taritarisa lo valuvaluki vunu neri rovo. #a Rom 12.16; b Luk 21.24; Sione 10.16 26Vunu i God ne vakahiki na gwaloana noi Isrel doluakinira, hoki na Uliuli* Kokona mo viti lo leoki aia hika kwara,

“A Kaivakahi neri vanamai

tina gwatuivanua Serusalem,

vunu ne lai savi na vaivai hati tiura

aira hi lo gwaloana lui Sekov. #Mat 23.39 #a Aes 59.20-21; b Sam 14.7

27Aia hi a leo harikiana

hinea na vai maira

lo taro hi na lai letiuki

na noga vaivai hati tiura.” #Aes 27.9; Jer 31.33-34

28Aira rau bega kina Roro Karea, vae huri hi ramo kwareki a tavaluivuro noi God. Mo vaiana hokinia hi kwara ne hago maikamu a tangaloi tavalavarea. Vae huri i God u mataira ba u lagwa maira radu nga, huri u lagwa mai ratubuga tuai. 29I God he bohi na domina tea tiura aira hinea u mataira ba, diko aira hi u vai tabetabekinira ba. 30I kamu hi a tangaloi tavalavarea tina gwaloana noi Isrel, tuai tulu he rongohuri i God tea, vae hika i God u hakavikamu mo hago maikamu, huri a gwaloana noi Isrel rahe rongohuria tea. 31Lo halaki hokinia hi, huri i God mo hakavikamu mo hago maikamu, vae hika a gwaloana noi Isrel rahe rongohuri i God tea, kwara vae i God ne hakavira ne hago maira vake. 32I God u gwarubibi na tangaloi savia lo doridoriga hinea rahe rongohuria tea. Mo vai kwehi huri kwara vae ne hakavira ne hago maira aira vunu. #Gal 3.22; 1 Tim 2.4

A bolo na kaluhakiana

33!A hava na karekarea lakua noi God! !Hava na nona domisea mana nona kikikila! ?Ihe ne viti lavi na nona domiana? ?Diko ihe ne kikilai lavi na halana? #Aes 45.15; 55.8 34Hokinia a Uliuli* Kokona mo viti kwara,

“?Ihe hi u kikilai na domi na Hugwe i God?

?Ihe hi u vai lai kwara ne haharae? #a Aes 40.13; b Job 15.8; Jer 23.18; 1 Kor 2.16

35?Ihe hi u bete a hilehile lakwai God

kwara vae i God ne harikinia lakwae taliku?” #Job 41.11

36A kinau savia aia u taura. Vunu savira rau tu lo nona huirana kehekeheki kwara rana kaluhakinia. Vae a hinana ne tabe hakekiana tigwaravu vaki tuai. Io, kareaki. #1 Kor 8.6

Currently Selected:

ROM 11: HWT

Highlight

Copy