Popular Bible Verses from REVELESEN 22

Share

I nau a Gwatakiki, i nau a Gwereki. I nau a tangaloi tomua halaradu vunu i nau a tangaloi ki rovonaki. I nau nu tinakaki na kinau savia, vunu na gweregwereira.”

I Jisas mo kwaha taliku mo viti “!Ko rongo! Nehe tuai tea na maravuti. Vae na lavi na kaivoli na tangaloi, na bete lakwara katukwale kehe nga ne taritarisa lo doridoriga hinea ramo vai.

A Tanungwe Kokona hi mana Vavine na Lakiana noi Kraes raru viti “Mai, ko vanamai.” Aira vunu hinea rau rongo na leo hika, vae rana viti vake kwara “!Ko vanamai!” I kamu hi tulu madoku, tulu vanamai. I kamu hinea tulu lengaia, tulu ne lavi na kwai na ahiana hinea u kwareki a hokohoko lakwakamu.

Aira hi rau tuku kwasu lugwaga rau ngwasara, vae ne havutira. U taritarisa lakwara kwara rana kani a kwai na vikai na ahiana hi, vae rana soro lai lo matakihala na gwatuivanua lakua hi.

Hikani i Jisas mo kwaha mo viti “!Tulu rongo! I nau vae nehe tuai tea na maravuti. A tangaloi hinea rau rongohuri na leo vano hi i God mo vitira hinea rau durukiana lo buku* hika ne havutira.”

Takwa-hi vae a bongi ne tikei, vake ranahe lengai na laeti tea diko te aho, huri a Hugwe i God ne kwareki a noga laeti, vake aira rana kwareki a hugwe lalakua vaki tuai, a gwereki tikei.

Aia hi u hago leo lo kinau vano hi savia u viti “Io kareaki, nehe tuai tea na maravuti.” Ne mule luna. !Hugwe* Jisas, ko vanamai! A tangaroa karea hika. A domi tabetabe lakua nona Hugwe i Jisas ne eno mana tangaloi savia.

I nau i Sione, nu kwaha u madi kwara na vakarada na tangaloi hinea ramo rongo na leo hinea i God mo vitira lo buku* hika. Diko te tangaloi ne hoke te leo tilo leo na buku hika, i God ne hoke na nona kakadiana kina rongoana hati lalakua hinea a buku hika mo viti hurira. Vunu vake diko te tangaloi ne lai leletiuki na leo hinea i God mo vitira hinea rau eno lo buku hika, vae i God ne lai letiuki na kwai na vikai na ahiana hi tiua, mana tanotano hi lo Gwatuivanua Kokona Lakua hinea a buku hika mo viti hurira.