REVELESEN 14
14
Aira hi i God u kasatukuhira ba ramo toko kaho
1Hikani nomo tagai na Sivsivi* Kelekele mo tu lo Vuti Saeon*. A tangaloi rusa ramo tu maia aira u tari vakavidolua-eviki-ngavu-kaivati-ngavu-kailimaki-kaivati, #14.1: u tari vakavidolua-eviki-ngavu-kaivati-ngavu-kailimaki-kaivati aia hi 144,000 hinea a hina na Sivsivi Kelekele hi mai Tamana mo uliana lo raega. #a Rev 7.4; 14.3; b Esik 9.4; Rev 3.12; 7.3 2Hikani nomo rongo na dilao mo vanamai tina taetae, a leona u roro hoki na navo mo marobe, hoki na dumu na gwatuhari. A leo hi nomo rongoa aia hoki na roro na gita rusa hinea a tangaloi ramo toko sarukira. #Esik 1.24; 43.2; Rev 1.15; 19.6 3Aira hi tari vakavidolua-eviki-ngavu-kaivati-ngavu-kailimaki-kaivati, ramo tu koro na nako i God hi mo hugu lo hagehagelena lakua, vake koro na nako na boboroa mauri kaivati, vake koro na nako na ngwarasea* ngavu kairua dongwaki kaivati. Ramo toko kahoki na bolo karagwa, hete tangaloi kwara u kikilaia, vae kehekehekinira hinea a valuvaluga u tari vakavidolua-eviki-ngavu-kaivati-ngavu-kailimaki-kaivati. I God u kasatukuhira hi kehekeheki tiura hi lo varamana doluaki. #a Sam 33.3; 40.3; 96.1; 98.1; 144.9; 149.1; Aes 42.10; Rev 5.9; b Rev 7.4; 14.1 4A tangaloi vano hi a noga tokaana u ngwasara, rahe hugu tea mana ravavine te lo taroki, vake rahe laki tea. Ramo huri na Sivsivi Kelekele hi takwanahavaki hi mo vano eia. I God u kasatukuhira ba tina tangaloi na varamana, ramo hoki na rivurivu hi komo rivu vae ramo sea tomua halaradu, komo hile lakwai God. Vae aira hokinia hi, ramo hileana tomua halaradu lakwai God mana Sivsivi Kelekele. 5Aira rahe kurakura te vohoki, rau ngwasara lo nako i God. #Sam 32.2; Aes 53.9; Sef 3.13
A kaihora tina taetae kaitolu rau viti na leo noi God
6Hikani nomo tagai na kaihora tina taetae katukwale vake mo rovo aulu lo mahaleki, mo toko viti na leo na Roro Karea noi God hinea u eno vaki tuai lakwa na tangaloi savia lo varamana. U vitia lakwa na tangaloi mataroi, lakwara hi rau gwalo vanamai lo gwatuidamu vunuhia, lakwara hi rau vanamai lo leo gwatu na rusa, vake lakwa na tangaloi lo ureure savia. 7Mo toko kware karakara mo viti kwara, “Tulu domi mavaki God, tulu tabe hakeki na hinana, huri a taro u maravuti vae ne kwaheki na doridori na tangaloi savia. Aia u tau na taetae, a varamana, a tahi mana kwai mauri, vae tulu ne sovi hivo vovohia tulu ne lai nomiu mavakiana lakwae.” #Eks 20.11; Sam 146.6
8Hikani a kaihora kairuaki tina taetae mo huria hi tomua. A kaihora kairuaki hi tina taetae mo viti kwara, “A gwatuivanua lakua hi, Babilon, hinea u hahaburuka vohoki, u sovi. Aia hoki na vavine hati hi mo vai na tangaloi vataha na gwatuivanua lo varamana ramo inumi na mena waen. A mena waen hi aia hokinia kwara a ngwera u vaivai hati mana vavine. Vae a tangaloi rau inumi na waen hi, vunu i God u lologutekinira mo vai kadira huri.” #a Aes 21.9; Jer 51.8; Rev 18.2; b Jer 51.7; Rev 17.2; 18.3
9-10Hikani a kaihora kaitoluki tina taetae mo hurirarua hi tomua, mo toko kware karakara mo viti kwara, “I God u rarai na waen lo laha ba huri na tangaloi hinea rau sovi hivo vovohi na boboroa ovi hi mana nununa ramo tai dedekinia kwara rana lai noga mavakiana lakwae. A tangaloi vano hi, a kaimatai na boboroa ovi hi lo raega diko lo kabaga, vae aira rana inumi na waen hinea a lologute noi God. A lologute noi God vunuhia ne vano tiluga hoki na waen hi rahe rokea tea mana kwai. Rana inumi na waen hi, vae rana rongo hati haburu lolo kabu mana vuikani* hinea mo kaora lo nako na kaihora kokona lolo taetae mana Sivsivi* Kelekele. #a Rev 13.12-17; 14.11; 16.2; 19.20; b Rev 13.17; 14.11; 16.2; 19.20; 20.4; d Sam 75.8; Aes 51.17,22; Jer 25.15; Rev 15.7; 16.19; e Jen 19.24; Sam 11.6; Esik 38.22; Rev 19.20; 20.10; 21.18 11A kabuiahu na kabu hinea mo vaira ramo rongo hati, mo ahu tagaulu tigwaravu, nehe rovo lai tea. Aira hi rau sovi hivo vovohi na boboroa ovi hi mana nununa hinea ramo tai dedekinia rau lai noga mavakiana lakwae, vae a kabu hi ne kaora ranahe mabu te vohoki rani bongi. Aira hi a kaimatai na boboroa ovi hi aia luga, vae a kakadiana hi ne kihira ranahe mabu hoko tea.” #a Aes 34.10; Rev 19.3; b Rev 13.12-17; 14.9; 16.2; 19.20; d Rev 13.17; 14.9; 16.2; 20.4
12I kamu hi a tangaloi noi God hinea tulu mo rongohuri na nona tulikileo, vake tulu mo karohuri lui Jisas, huri na kinau vano hi tulu tu ne madi.
13Hikani nomo rongo na dilao mo vanamai tina taetae mo viti kwara, “Ko uli na leo hika. Ne tinakaki hika, aira hi vae rana mate huri rau kwareki a nona nomu Hugwe*, vae ne havutira.”
Vunu a Tanungwe Kokona mo viti “Io kareaki. Vae rana mabu kina lagwalagwa tina noga hava boloki huira hi, huri rana lavi na kwai na noga bolokiana maira hinea ramo toko vaira.” #Hib 4.10
A makuria lo varamana
14Hikani nomo tagai na taenalangi lotu, nomo tagai na kinau mo hugu luna, aia hoki na tangaloi, u huni na kaikwokwori na gwatu rau kihia kina kol hoki na nona hugwe lakua. Vake u hagovi na bue bakilu u hoko haburu lo kabana. #Dan 7.13 15Hikani a kaihora tina taetae katukwale dolua vake mo ngwalua tivarea tina Ingwa Kokona noi God mo kware karakara mo viti lakwa na tangaloi hi mo hugu lolo taenalangi mo viti “Ko lavi na nomu bue bakilu hi, ko vano vaki lolo agoago* ko kwali hinaka, huri a tarona u maravuti. A varamana aia hoki na agoago hinea a hinakaki ramo sea.” #Joel 3.13; Mat 13.39-40 16Hikani a tangaloi hi mo hugu lo taenalangi, mo lavi na nona bue bakilu, mo vano vaki lo varamana, mo tai na hinaka tina agoago hi hinea u sea.
17Hikani nomo tagai na kaihora katukwale vake, mo ngwalua tivarea tina Ingwa Kokona noi God lolo taetae, u hagovi na nona bue bakilu vake hinea u hoko haburu.
18Hikani nomo tagai na kaihora tina taetae katukwale dolua vake taliku mo vanamai tina voda, aia hi a kaitagahuri na kabu. #14.18: Lo duviki tomuaki na ves hi aira Kwalaha rau viti kwara, Hikani nomo tagai na kaihora tina taetae katukwale dolua vake taliku mo vanamai tina kwotakwota, aia hi a kaitagahuri na kabu. Mo kware karakara vaki mana kaihora tina taetae hi kairuaki, hinea u hagovi na nona bue bakilu hoko, mo viti “Ko lavi na nomu bue bakilu, ko vano vaki lo varamana, ko taisuri na tangaloi vano hi, aira hoki na kwai na karo hi ramo toko kihi a waen luga hinea rau mena ramo rarai kwara a tangaloi ne taira.” 19-20Hikani a kaihora tina taetae hi mo lavi na nona bue bakilu, mo vano vaki lo varamana, mo taira hi, aira hoki na kwai na karo hi u sea, hinea rau duledule haragoki lo karoki. Hikani mo vohokinira vaki lo tanotano katukwale hoki na tanotano lakua hinea a tangaloi rau bile sisineki na kwai na karo eia, kwara a nubuki ne huki tiura. A tanotano hini tavalavarea tina gwatuivanua, aia a tanotano hinea i God u lologuteki na tangaloi eia. Hikani ramo bile sisineki na tangaloi vano hi lo tanotano hi, a daiga mo huki tina tanotano hi hoki na kwai lakua u huki. A gwaravuki kwara te statia* u tari eviki vidolua vakaiono #14.19-20: u tari eviki vidolua vakaiono aia hi 1,600 hinea a ngava u tari vakavidolua-eviki-ngavu-kaiono, #14.19-20: u tari vakavidolua-eviki-ngavu-kaiono aia hi 160,000. a buana kwara te ngava katukwale. #Aes 63.3; Rev 19.15
Currently Selected:
REVELESEN 14: HWT
Highlight
Copy
Compare
Share
Want to have your highlights saved across all your devices? Sign up or sign in
Havakinau New Testament © Bible Society of the South Pacific, 2016.
