VILIVAE 4
4
1Karea rabela. Nu lagwa haburu maikamu, nu lengaia haburu kwara na tagaikamu. Tulu vaiau nu lagwa u havutiau vohoki, nu domidomiau maikamu. Rabela karea, tulu hariki ba lo noda Hugwe, vae tulu tu ne madi hokinia hi lo nona huirana. #1 Tes 2.19-20
A huhuiana
2I kamurua hi, i Iuotia mai Sintike, nu lengai haburu kwara a domimiru ne katukwale taliku huri i kamurua kuru vituatua lo noda Hugwe*. 3I nigo vake a tangaloi karohuri, a buluigu i nigo hinea taru boloki haragoki tuai, nu lengaia kwara kona hago mana vavine kairua hi. Kona vai kwehi huri u rahaki haburukirarua maiau raru mo talahaki na Roro Karea, aira harago mai Klemen mana tangaloi ratuaki hinea rau boloki haragoki maiau vae a hinaga rau eno lo buku na ahiana noi God. #Eks 32.32,33; Sam 69.28; Dan 12.1; Rev 3.5; 13.8; 17.8; 20.12,15; 21.27
4I kamu hinea tulu hariki lo noda Hugwe tulu ne lagwalagwa ne havutikamu tigwaravu. Na vitia taliku, vae ne havutikamu. #Vil 3.1
5Tulu vosangi a bohiana magemu lakwa na tangaloi savia. A noda Hugwe ne mulemai lai nga. #Hib 10.37; Sem 5.8,9 6A domimiu ne hatu kwalao laliki te huri na kinau, vae lo nomiu tiutangaroa vunuhia tulu ne uduhuri ki God huri a havakinau hini tulu lengaia, vae tigwaravu lolona tulu ne uduhuri kinia tulu ne lagwakinia huri vake. #a Mat 6.25; 1 Pita 5.7; b Kol 4.2 7Vunu a magemuana noi God hinea u lakua haburu a tangaloi rau viti lengalengakinia, vae ne kwiribibi na domimiu mana domidomimiu, ne tagahurikamu hinea tulu hariki lui Jisas Kraes*. #Aes 26.3; Sione 14.27; Kol 3.15
8Rabela. Nu lengaia kwara na viti na kinau katukwale vake lakwakamu. A bohiana karea eia hinea rau bakoto vohoki, vae u taritarisa kwara tana kaluhaki na tangaloi hinea rau bohibohi hokinia. A kinau aira hi rau kareaki, rau lalakua, rau bakoto, rau ngwasara, tau lagwa luga, vae a tangaloi rau domi mavaki na tangaloi hinea rau bohibohi karea hokinia hi. Vae tulu ne vakakukwereki na domidomimiu kina kinau hokinira hi tigwaravu. #Rom 12.17 9Tulu vai a havakinau hinea tulu mo huhui tulu mo lai tiau tina nogu leo mana bohibohianagu. Vae i God hinea mo bete na magemuana lakwakita ne bulu maikamu. #Rom 15.33; 16.20; 1 Kor 14.33; 1 Tes 5.23
I Pol u lagwaki na ngwera Vilivae
10Nu lagwa, u havutiau, vae nu kaluhaki na noda Hugwe, huri hikani tulu vosangi taliku kwara tulu hakaviau. U tuai vohoki tulu he vai na kinau tea kwara tulu ne hago maiau kinia, hete huri kwara tulu he domihagweau tea, vae a hala tikei kwara tulu ne hago maiau. 11Nu viti kwehi, hete kwara a nogu kinau tikei. Nu kikilai ba kwara a hava hala nu vano luna vae nu toka u karea kehe nga. #1 Tim 6.6 12Diko a nogu kinau tikei, vae nu kikilai na kinau hi ba. Diko a nogu kinau u rusa, vae nu kikilai na kinau hi vake. A hava hala nu vano luga, vae nu kikilaira ba. Lolona nu kugwa, diko u marakatiau, lolona a nogu konata u rusa diko a nogu konata tikei, vae nu rongo u karea kehe nga. 13Nu vai lai vataha na kinau lalahi na huirana noi Kraes* hinea u vaiau nomo huira. #2 Kor 12.10; 2 Tim 4.17
14Vae i kamu tulu karea maiau haburu vohoki, tulu mo hago maiau lo nogu rongoana hati. 15I kamu a ngwera Vilivae, tulu kikilai kareaki kwara lo taro hinea nomo heretuvaki na Roro Karea lo vanua Masetonia lo tinatinakakiki, lolona nomo tiraki na vanua hi, vae i kamu kehekeheki tulu mo hago maiau. Tulu mo bulu maiau lo bolokiana hi, tulu mo lai tiau hokinia kwara a bukumiu eia maiau, tulu mo betebete lakweau taliku. A kwarelua* ratuaki hetea, vae i kamu kehekeheki tulu mo hago maiau. #2 Kor 11.9 16Lolona nomo hugu lo gwatuivanua Tesalonaeka tulu hokaki a mane* vaki maiau, vae hete kwara vakatukwale vohoki. 17Vae tulu mai domi kwara nu lengaia kwara na lai a hokohoko tikamu kehekeheki. Hetea. Nu lengaia kwara a kwaimiu ne eno lo mamaurianamiu ne tabekamu. #1 Kor 9.11 18Hikani a nogu uliuli huri na kinau vunuhia hini tulu mo bete lakweau, vae u siletia hi nomo lengaia. Hikani i Evavrotaetas u lai savi na nomiu hokohoko lakweau vae nu lai savi na kinau hinea nu lengaia. Hikani aira hoki na hilehile lakwai God hinea a boniki u karea haburu, aia hoki na kairoroi* hinea u taritarisa, i God u lagwa haburu maia. #Jen 8.21; Eks 29.18; Esik 20.41 19Vae a nogu God hinea a nona huirana eia lolo taetae, vunu vake a nona kinau karekarea rau rusa lengalenga, ne tagahurikamu hinea tulu hariki lui Jisas Kraes, ne hiletikamu kina kinau savia hinea diko tulu mo gwanugwanu luga. 20I God aia a noda God i Tamada, vae tana tabe hakeki na hinana vaki tuai a gwereki tikei. Amen*.
A leo rovonaki noi Pol lakwara
21Nu hokaki nogu lagwaana lakwakamu vunu, i kamu a tangaloi noi God hinea tulu hariki lui Jisas Kraes. A ratua hike maiau rau hokaki noga lagwaana lakwakamu vake. 22A tangaloi noi God savia hike rau hokaki noga lagwaana lakwakamu, vae siletira hi, aira hini rau hugu lolo ingwa na hugwe lakua nona ngwera Rom. #Vil 1.13
23A tangaroa karea hika lakwakamu. A noda Hugwe* i Jisas Kraes ne hago maikamu kina nona domi tabetabe lakua.
Currently Selected:
VILIVAE 4: HWT
Highlight
Copy
Compare
Share
Want to have your highlights saved across all your devices? Sign up or sign in
Havakinau New Testament © Bible Society of the South Pacific, 2016.
