Popular Bible Verses from VILIVAE 4

Share

A domimiu ne hatu kwalao laliki te huri na kinau, vae lo nomiu tiutangaroa vunuhia tulu ne uduhuri ki God huri a havakinau hini tulu lengaia, vae tigwaravu lolona tulu ne uduhuri kinia tulu ne lagwakinia huri vake.

Vunu a magemuana noi God hinea u lakua haburu a tangaloi rau viti lengalengakinia, vae ne kwiribibi na domimiu mana domidomimiu, ne tagahurikamu hinea tulu hariki lui Jisas Kraes*.

Rabela. Nu lengaia kwara na viti na kinau katukwale vake lakwakamu. A bohiana karea eia hinea rau bakoto vohoki, vae u taritarisa kwara tana kaluhaki na tangaloi hinea rau bohibohi hokinia. A kinau aira hi rau kareaki, rau lalakua, rau bakoto, rau ngwasara, tau lagwa luga, vae a tangaloi rau domi mavaki na tangaloi hinea rau bohibohi karea hokinia hi. Vae tulu ne vakakukwereki na domidomimiu kina kinau hokinira hi tigwaravu.

Nu vai lai vataha na kinau lalahi na huirana noi Kraes* hinea u vaiau nomo huira.

I kamu hinea tulu hariki lo noda Hugwe tulu ne lagwalagwa ne havutikamu tigwaravu. Na vitia taliku, vae ne havutikamu.

Vae a nogu God hinea a nona huirana eia lolo taetae, vunu vake a nona kinau karekarea rau rusa lengalenga, ne tagahurikamu hinea tulu hariki lui Jisas Kraes, ne hiletikamu kina kinau savia hinea diko tulu mo gwanugwanu luga.

Tulu vai a havakinau hinea tulu mo huhui tulu mo lai tiau tina nogu leo mana bohibohianagu. Vae i God hinea mo bete na magemuana lakwakita ne bulu maikamu.

Tulu vosangi a bohiana magemu lakwa na tangaloi savia. A noda Hugwe ne mulemai lai nga.

Diko a nogu kinau tikei, vae nu kikilai na kinau hi ba. Diko a nogu kinau u rusa, vae nu kikilai na kinau hi vake. A hava hala nu vano luga, vae nu kikilaira ba. Lolona nu kugwa, diko u marakatiau, lolona a nogu konata u rusa diko a nogu konata tikei, vae nu rongo u karea kehe nga.

Nu viti kwehi, hete kwara a nogu kinau tikei. Nu kikilai ba kwara a hava hala nu vano luna vae nu toka u karea kehe nga.